காதல் களமாட வா!! - கதை திரி

sudharavi

Administrator
Staff member
Mar 23, 2018
1,686
1,503
113
டீசர்!

“சக்தி! பாஸ் வந்திருக்கார். உன்னை வர சொல்றார் பா.போய் பார்த்திடு” என்று வந்து நின்றவளை கண்டு முகத்தில் எதையும் காட்டாது உள்ளுக்குள் கடுப்பாகி போனாள்.

‘பாஸாம் பாஸ்! இப்போ எதுக்கு என்னை பார்க்கணுமாம்? இவன் தான் இங்கே முதலாளின்னு தெரிஞ்சிருந்தா வேலையில சேர்ந்திருக்கவே மாட்டேன்’ என்று கடுப்படித்துக் கொண்டே சென்று அவன் அறைக் கதவை தட்டினாள்.

“எஸ் கமின்” என்று அழைப்பு வந்தது.

சிடுசிடு முகத்துடன் ‘எருமைக்கு இங்கிலீஷ் ஒண்ணு தான் குறைச்சல்’ என்று கவுண்ட்டர் கொடுத்துக் கொண்டே அவன் முன்னே சென்று நின்றாள்.

சுழல் நாற்காலியில் கோட்டும் சூட்டும் போட்டுக் கொண்டு ஸ்டைலாக அமர்ந்திருந்தவன் எதிரே இருந்த பைலை பார்ப்பது போல தலையைக் குனிந்து கொண்டிருந்தான். அவள் வந்ததை அறிந்தும் தலையை உயர்த்தவில்லை. சற்று நேரம் பொறுத்து பார்த்தவள் லேசாக தொண்டையை கனைத்து “சார்!” என்றழைத்தாள்.

உள்ளுக்குள் எழுந்த சிரிப்பை அடக்கிக் கொண்டவன் சுழல் நாற்காலியில் நன்றாக சாய்ந்தமர்ந்து கொண்டு கையிலிருந்த பேனாவை உருட்டிக் கொண்டே “நானா வர சொன்னேன் மிஸஸ். கேசவன்” என்றான் கிண்டலான தொனியில்.

பல்லைக் கடித்துக் கொண்டு “கால் மீ சக்தி சார்!” என்றாள் அழுத்தமாக.

“வொய்? உங்க ஹாஸ்பேன்ட் நேம் கேசவன் தானே?” என்றவனின் பார்வை குறுகுறுவென்று அவளை ஆராய்ந்தது.

முகம் சிவந்து போக ‘இதை ஆராய்ச்சி பண்ண தான் வர சொன்னீங்கன்னா நான் கிளம்புறேன் சார்”.

“வெயிட் மிஸஸ். கேசவன். நான் எதுக்கு உங்களை வர சொன்னேன்னு நினைவில்லை. அதுவரை கொஞ்சம் நில்லுங்க” என்றான் சிரிப்பை அடக்கியபடி.

அவன் மீது பயங்கர கோபம் எழ, அருகே இருந்த பூஜாடியை எடுத்து அவன் மண்டையை உடைத்து விடலாமா என்றெண்ணினாள்.

அவனோ இது தான் சாக்கென்று அவளை அங்குலம் அங்குலமாக ரசித்துக் கொண்டிருந்தான்.

‘ஹப்பா என்ன ஸ்ட்ரைக்சர்-டா சாமி. மூணு வருஷத்துல நல்ல தளதளன்னு தக்காளி மாதிரி ஆகிட்டா’ என்று உரிமையுடன் பார்வையிட்டுக் கொண்டிருந்தான்.

அவனது பார்வையை கவனித்து விட்டவள் கொதித்து போனாள்.

“சார்! நான் கிளம்புறேன். உங்களுக்கு நினைவு வரும் போது சொல்லி அனுப்புங்க” என்று கதவருகே சென்றாள்.

சட்டென்று நாற்காலியிலிருந்து எழுந்தவன் என்ன வேகமாக அவளை நெருங்கினான் என்று தெரியாது. அவனது கரங்கள் அவளது இடுப்பை அழுந்தப் பிடித்திருந்தது. காற்றுப் புகாதவாறு இறுக்கி அணைத்திருந்தான். அலுவலக அறைக் கதவின் மீது அவன் சாய்ந்திருக்க, அவள் மொத்தமாக அவன் மீது சாய்ந்திருந்தாள். சொல்லப் போனால் அவளை தூக்கி வைத்திருந்தான்.

திடீரென்று நடந்த தாக்குதலில் அதிர்ந்து போனவள் “விடு என்னை!” என்று போராட ஆரம்பித்தாள்.

அவனது பிடியோ இரும்பு பிடியாக இருக்க, அவளின் போராட்டம் அவனை மயங்க செய்து கொண்டிருந்தது. அவளோ விடாது அவனிடமிருந்து விடுபட போராட, அவளின் காதோரம் குனிந்தவன் “நான் பிடிச்சிருக்கும் போது உன் உடலில் சில பாகங்கள் தான் என்னுடலில் படுது. ஆனா நீ இப்படி துள்ளினா மொத்தமும் என் மேல தான். உனக்கு பராவயில்லேன்னா எனக்கும் ஓகே தான்” என்று கிசுகிசுத்தான்.

அவனது பேச்சில் அதிர்ந்து போனவள் அசையாது மெல்லிய குரலில் “என்னை விட்டுடு” என்றாள் கெஞ்சலாக.

அவளின் காது நுனியை லேசாகக் கடித்து “பொண்டாட்டி! மூன்று வருஷமா உனக்காக காத்திருக்கேன். இதுக்கு மேல முடியாது. உனக்காக எத்தனை வருஷம் வேணும்னாலும் காத்திருக்க நான் தயார். ஆனா என்னோட அதிரடியை நீ தாங்குவியா? நீ எங்கே போனாலும் உன்னை தொடர்ந்து வருவேன். இப்படி கட்டிபிடிப்பேன், இப்படி முத்தம் கொடுப்பேன்...இன்னும்” என்று அவன் முடிக்கும் முன் வெடுக்கென்று தள்ளிவிட்டு நின்றவளின் கணகளில் கண்ணீர் தடம்.

“எங்கண்ணனை கொலை செய்தவனை மன்னிக்க முடியாது”.

அருகே சென்று அவள் கழுத்தில் கிடந்த தாலியை எடுத்து வெளியே போட்டு “மன்னிக்க முடியாதவ இதை ஏன் தூக்கி சுமந்துகிட்டு இருக்க? இப்போவே கழட்டிக் கொடு” என்று கையை நீட்டினான்.

அவன் இப்படி கேட்பான் என்று எதிர்பாராதவள் அதிர்ந்து போய் தன்னையும் மீறி தாலியை அழுத்திப் பிடித்துக் கொண்டாள்.
 

Attachments

sudharavi

Administrator
Staff member
Mar 23, 2018
1,686
1,503
113
அத்தியாயம் – 1

மொரீஷியசின் துறைமுக நகரமான போர்ட் லூயியில் தனது மீன் பதப்படுத்தும் ஆலையில் ஜன்னல் வழியே தெரிந்த காட்சிகளை வெறித்தவண்ணம் நின்றிருந்தான் ஆதி. அவனது விழிகள் எதிரே இருந்தவற்றை பார்த்துக் கொண்டிருந்தாலும், மனமோ தன்னவளை நாடிச் சென்றிருந்தது.

அப்போது கதவை தட்டிவிட்டு உள்ளே நுழைந்த கார்த்தி “ஆதி! இந்த ஹசன் பிரதர்ஸ் ரொம்ப டார்ச்சர் பண்றானுங்க. நாம போகிற இடத்தில் எல்லாம் நுழைய முயற்சி பண்ணி நம்ம பேரை கெடுக்கும் வேலையில் இறங்க பார்க்கிறானுங்க” என்று படபடத்தான்.

ஜன்னலை விட்டு அகலாது “ம்ம்...” என்றான்.

அவனிடமிருந்து எதிர்வினை வராது போகவே கடுப்புடன் “நாம பொறுமையா இருக்கிறது நல்லதில்லை ஆதி. நம்ம ஆட்டத்தை காட்ட வேண்டியது தான்” என்றான் எரிச்சலாக.

சட்டென்று திரும்பி “என் பொண்டாட்டிக்கு பிடிக்காததை நான் செய்ய மாட்டேனே கார்த்தி” என்று புன்னகையுடன் கூறிக் கொண்டு சுழல் நாற்காலியில் அமர்ந்தான்.

அவனது பேச்சில் கடுப்பானவன் “வேண்டாம்! ஏற்கனவே செம கடுப்பில் இருக்கேன். ஏண்டா அந்த பொண்ணே உன்னைப் பார்த்து மிரண்டு ஓடிப் போச்சு. நீ என்னடான்னா என் பொண்டாட்டி-பொண்டாட்டின்னு என்னை படுத்திகிட்டு இருக்க? ஞாயப்படி பார்த்தா நான் தான் உனக்கு பொண்டாட்டி மாதிரி இருக்கேன் . ரொம்ப படுத்துற-டா”.

“ஹா..ஹாஹா...என் வாழ்க்கையில் அவளைத் தவிர வேற யாருக்கும் இடமில்லை. உனக்கே தெரியும் கார்த்தி. என்னுடைய எல்லாவற்றையும் விட்டுக் கொடுத்திட்டு அவளுக்காக தான் காத்துக் கொண்டிருக்கிறேன்”.

“கும்ம்! போங்கடா நீங்களும் உங்க காத்திருப்பும்”.

“சரி விடு! இன்னைக்கு அவ எங்கே போறா? அதை சொல்லு?”

பைலிற்குள் தலையை விட்டுக் கொண்டிருந்தவன் கடுப்புடன் நிமிர்ந்து “ஹசன் பிரதேர்ஸ் பற்றி கேட்பேன்னு பார்த்தா இப்பவும் சக்திமானை பத்தி தான் கேப்பியா? பிஸ்னெஸ்சை யாரடா பார்க்கிறது?”

அவன் பக்கம் விரலை காண்பித்து “நீ எதுக்குடா இருக்க? இதெல்லாம் நீ பார்த்துக்க. ஹனி எங்கே போறான்னு சொல்லு?”

அவனை முறைத்து “சக்தி இன்னைக்கு எங்கேயும் போகல. குழந்தைக்கு உடம்பு சரியில்லேன்னு லீவ் போட்டிருக்காங்க. அதனால நீ கம்பனியிலையே அடங்கி உட்கார்”.

நெற்றியை நீவிக் கொண்டு சற்று நேரம் யோசித்தவன் “அப்போ கிளம்பு கார்த்தி. அவ வேலை பார்க்கிற அந்த சூப்பர் மார்கெட்டுக்கு போவோம்” என்று எழுந்து கொண்டான்.

ஒருவித சிந்தனையுடன் நிமிர்ந்து பார்த்த கார்த்தி “இப்போ தான் என் பொண்டாட்டிக்கு பிடிக்காததை எல்லாம் செய்ய மாட்டேன் விட்டுடுன்னு சொன்ன. அதுக்குள்ள அந்த சூப்பர் மார்கெட்டுக்கு போறேன்னு சொல்ற?’

அவனருகே சென்று தோள்களை அழுத்திப் பிடித்து “நிச்சயமா அவளுக்காக நான் இனி பழைய வாழ்க்கைக்கு போக மாட்டேன் கார்த்தி. அதுக்காக செய்ய வேண்டியதை செய்யாம விடவும் மாட்டேன். என்னை நம்பி வா. ஹசன் பிரதர்ஸ்க்கும் ஒருவழி வச்சிருக்கேன்” என்றான் விஷம சிரிப்போடு.

கார்த்தியோ அவனைப் பார்த்து குழம்பிக் கொண்டே பின் தொடர்ந்தான். அவனது மனமோ ‘எப்படி இருந்த கேசவன் இப்படி பொறுமையின் திலகமா மாறிட்டானே. இதே பழைய கேசவனா இருந்தா சக்தியை டார்ச்சர் பண்ற சூப்பர்மார்கெட் மானேஜரின் கழுத்தை சீவி இருந்திருப்பான்’ என்றெண்ணிக் கொண்டு அவன் பின்னே சென்றான்.

மூன்று வருடங்களுக்கு முன்பு அமைச்சரின் அனைத்து திட்டங்களையும் அம்பலப்படுத்திவிட்டு தூத்துக்குடியிலிருந்து கடல் மார்கமாக தப்பித்தவன் மொரிஷியசில் வந்து இறங்கி இருந்தான். அங்கு அவன் சம்பாதித்த பணத்தை வைத்து ஏற்கனவே தொழில் தொடங்கப்பட்டு நடந்து கொண்டிருந்தது. அதனால் எளிதாக அங்கேயே தங்கி விட்டான். ஆனால் அவனது கவனம் முழுவதும் சக்தியின் மீதே இருந்தது.

சக்தியோ தன்னைச் சுற்றி நடந்தவைகளை எதையுமே கவனிக்காது, கேசவன் மீது வெறுப்புடனே இருந்தாள். அவள் அடைக்கலம் தேடி இருந்த பாட்டி அவளுக்கு எல்லாமுமாக இருந்தார். அதே சமயம் கேசவனின் ஆட்கள் அவள் அறியாமல் அவளுக்கு பாதுகாப்பு கொடுத்துக் கொண்டிருந்தனர்.

பாட்டி வேலை செய்து கொண்டிருந்த வீட்டில் குழந்தைகளை கவனிக்க ஆள் தேடவும், அவரின் உதவியுடன் சக்தி அங்கு வேலைக்குச் சேர்ந்தாள். முதலில் அவர்களிடம் தள்ளியே இருந்தவள், குழந்தைகளின் தாய் ரேணுவிடம் நெருங்கி பழக ஆரம்பித்தாள். ரேணுவுக்கும் சக்தியின் வெகுளித்தனம் மிகவும் பிடித்துப் போனது.

தன் கணவருடன் சிறு பிணக்கு காரணமாக தந்தை வீட்டில் தங்கி இருந்த ரேணுவிற்கு சக்தியின் தோழமை சந்தோஷத்தை கொடுத்தது. மெல்ல அவளது மனம் மாற, கணவரின் மீதான கோபம் இளகத் தொடங்கியது. ரேணுவின் கணவர் மொரிஷியசில் சர்க்கரை ஆலை வைத்திருப்பவர். அவரின் குடும்பம் பரம்பரை பரம்பரையாக அங்கேயே தொழில் செய்பவர்கள்.


ரேணுவின் கணவர் சந்தோஷ் அவளை அழைத்துச் செல்ல வந்திருக்க, சக்திக்கோ மனம் தவித்துப் போனது. முதலாளியாக இல்லாமல் நெருங்கிய தோழி போன்றவள் தன்னை விட்டு கிளம்பிச் செல்லப் போகிறாளே என்று சோர்ந்து போனாள். ரேணுவின் உதவியினால் நடந்தவைகளை மறந்து வாழத் தொடங்கி இருந்தாள். அவ்வப்போது இரவுகளில் கேசவனின் உருவம் வந்து மிரட்டிவிட்டுப் போகும் என்றாலும், அதை கடந்து போக பழகி இருந்தாள். அதே சமயம் அவனது அறையில், அவன் பிடியில் இருந்த சில நினைவுகள், அந்த கண்களில் தெரிந்த காதலை உணர்த்திச் செல்லும். அதை நன்றாக உணர்ந்தாலும், தனது குடும்பத்திற்கு நடந்தவை அனைத்தும் அவனாலேயே என்றெண்ணி அதை புறம் தள்ளி விடுவாள்.
 
Last edited:

sudharavi

Administrator
Staff member
Mar 23, 2018
1,686
1,503
113
ரேணு அங்கிருந்து கிளம்பி விட்டாள் தனக்கு வேலையும் இருக்காது. தனது வாழ்வாதரத்துக்கு இருந்த ஒரே வேலையும் போய் விட்டால் என்ன செய்வது என்று தவித்துப் போனாள்.

அப்போது எதிர்பாராவிதமாக துணைக்கு இருந்த பாட்டியும் இறந்து விட, மீண்டும் யாருமற்ற அனாதையாகி போனாள். அத்தனை நாள் ஒதுங்கி இருந்த வல்லூறுகள் அவளை தொல்லை செய்ய ஆரம்பித்தனர். கேசவனின் ஆட்கள் அவளுக்கு பாதுகாப்பாக இருந்தனர். அதை அறியாதவள் உள்ளுக்குள் நடுங்கி போனாள்.

அவளின் நிலையை உணர்ந்து கொண்ட ரேணு தன் கணவரிடம் பேசி சம்மதம் வாங்கி தேனுவை தங்களுடன் அழைத்துச் செல்ல முடிவு செய்தாள். முதலில் தயங்கி, பயந்து பின் ரேணுவின் குழந்தைகளை பார்த்துக் கொள்ளும் வேலைக்கு வருவதாக சொல்லி ஒப்புக் கொண்டாள். அப்படித்தான் இரண்டு வருடம் முன்பு சக்தி மொரிஷியசிற்கு வந்திறங்கினாள்.

ஆறு மாதங்கள் வரை குழந்தைகளை பார்த்துக் கொண்டு அவர்களுடனே இருந்தவள், ரேணுவின் உதவியுடன் ஒரு வேலையில் சேர்ந்தாள். தனக்கென்று ஓரிடம் வேண்டும் என்கிற எண்ணம் அவளுள் வலுக்க ஆரம்பித்தது. அதிலும் ரேணுவும், சந்தோஷும் ஒருவர் மேல் ஒருவர் வைத்திருக்கும் காதலை பார்திருந்தவளுக்கு, அவர்களுக்கு இடையூறாக தான் அங்கிருப்பது சரியல்ல என்கிற முடிவிற்கு வந்திருந்தாள். அவர்களை பற்றி என்னும் போதெல்லாம் அவளது மனம் கேசவனை தான் நாடும்.

தன்னை மீறி அவனிடம் மனதை பறிகொடுத்திருக்கிறேன் என்று எண்ணும் போது, அது தன் குடும்பத்திற்கு செய்யும் துரோகமாக நினைத்து அதை ஒதுக்கித் தள்ளுவாள். ஆனால் அவளின் மனதின் மறுபக்கமோ ஏதாவது ஒரு சங்கடமோ, துயரமோ நேரும் போது தேடுவது கேசவனின் தோள்களைத் தான்.

மூன்று வருடங்களாக இதே போராட்டத்துடன் தான் வாழ்க்கையை ஓட்டிக் கொண்டிருக்கிறாள். அதே சமயம் அவன் தன்னை தேடி வரவில்லை என்கிற ஏக்கமும் உள்ளுக்குள் இருந்து கொண்டு தான் இருந்தது. அவனை வேண்டாம் என்று விட்டு ஓடியவளை தேடி கண்டு பிடிக்காமல் அப்படியே விட்டுவிட்டானே என்று உள்ளுக்குள் வருந்தினாள்.

அவனை ஏற்கவும் முடியாமல், மறக்கவும் முடியாமல் இருதலை கொள்ளி எறும்பாக உள்ளுக்குள் தவித்துக் கொண்டிருந்தாள். ரேணுவும் அவளின் கழுத்தில் இருந்த தாலியை காட்டி அவன் யார் என்று அறிந்து கொள்ள பெரிதும் முயன்றாள். சக்தியோ அதைப் பற்றி எதுவும் கேட்க கூடாது என்று சத்தியம் வாங்கிக் கொண்டாள்.

சென்னையில் இருக்கும் போது எங்காவது வெளியில் சென்றால் கேசவன் கண்ணில் பட்டுவிட மாட்டானா என்கிற ஏக்கம் இருந்தது. அவனிடம் நெருங்காமல் எட்டி இருந்தே கண்களில் நிறைத்துக் கொள்ளலாம் என்று தேடுவாள். ஆனால் அவனை எங்கேயும் பார்க்க முடியவில்லை. மொரிஷியஸ் கிளம்ப வேண்டும் என்றதும் அந்த ஆசை பன்மடங்காக பெருகியது. அவன் வீடு இருந்த பகுதியில் சென்று பார்க்கலாமா என்று யோசித்தாள்.

அதே சமயம் உள்ளுக்குள் பயமும் எழ, அவன் கண்களில் பட்டுவிட்டால் தன்னை பிடித்து வைத்துக் கொள்வான் என்றெண்ணி அந்த ஆசையை அடக்கிக் கொண்டு மொரிஷியசிற்கு பயணமானாள்.

ஆனால் அவள் அறியாத ஒன்று அவன் அவளுக்காக அங்கே காத்திருந்தான். அவளது கால் அங்கே படவும், அவளையே விழுங்கியபடி நின்று கொண்டிருந்தான். புது இடம், புது ஊர் என்கிற மிரட்சியுடன் ரேணுவை தொடர்ந்து சென்றவளை தொடர்ந்தது ஆதியின் பார்வை. இறுகிய அந்த இரும்பு முகத்திற்குள் மெல்லிய சிரிப்பொன்று படர்ந்தது.

அவளோ புதிய ஊர் மட்டுமில்லாமல் புதிய வாழ்க்கைக்கும் தன்னை தயார்ப்படுத்திக் கொள்ள வேண்டும் என்று எண்ணிக் கொண்டு சென்றாள். ஆதிகேசவன் முடிந்து போன அத்தியாயம். அவனது நினைவாக மிச்சம் இருப்பது தன் கழுத்தில் கிடக்கும் தாலி ஒன்று தான். அவனது நினைவாக தனக்கு அந்த தாலி அனைத்து துயரங்களில் இருந்தும் காத்து நிற்கும் என்கிற நம்பிக்கையோடு சென்றாள்.

அவள் உணராத ஒன்று உண்டென்றால், அவன் மீதான நேசத்தை. அதை உணரும் போது வெறுப்புக்கும் நேசத்திற்கும் இடையேயான போராட்டத்தில் அவனை தூக்கி எறிவாளா? இல்லை காதலை ஏற்பாளா என்று பொறுத்திருந்து பார்போம்...
 

Shenba

Administrator
Staff member
Dec 31, 2018
197
411
63
அழகாக மொரிஷியஸில் ஆரம்பித்திருக்கிறது கதை. வாழ்த்துகள் சுதாக்கா. தொடர்ந்து கதையைக் கொடுங்க. காத்திருக்கிறோம்.

இனி, விமர்சனம்...
அதெப்படி சொல்லிவச்சா மாதிரி ரெண்டு பேரும் மொரீஷியஸ்கே வந்திருக்கீங்க. வந்ததும் ரெண்டு பேரும் பார்த்துப் பேசியாச்சு போலயே. அவனை வரக்கூடாதுன்னு சொல்லிட்டாளா? சொல்லிட்டா மட்டும் அவன் அப்படியே அதைக் கேட்டுட்டுத் தான் மறுவேலை.

என்ன இருந்தாலும், நெகடிவ் கமெண்ட் நெகடிவ் பப்ளிசிட்டி தான் ஒர்க் அவுட் ஆகுதுன்னு நம்ம சக்தியும், அதையே ஃபாலோ பண்ணிட்டா போல.
மனசுல இவ்ளோ லவ் அதை வெளியே காட்டினா, தன் குடும்பத்தை அழிச்சதால அவங்க ஆத்மாலாம் சாந்தி ஆகாதுன்னு நீயே ஒரு டெம்ப்ளேட் உருவாக்கிட்டியா சக்தி?

அப்படிலாம் நினைச்சி ஓவரா பேசி வைக்காதே . என்ன இருந்தாலும் நாளைக்குச் சரண்டர் ஆகணும். அப்போ இதெல்லாம் நினைவு வரும். அவன் தோள்ள சாய்ந்து அழணும். அதையெல்லாம் இன்னும் எத்தனைக் கதைக்கு நாங்க படிக்கிறது?

எல்லா ஹீரோவுக்கும் இப்படி ஒரு அப்பாவி ஃப்ரெண்ட் எங்கேயிருந்துடா கிடைக்கறீங்க? ஏன் கார்த்தி அவன் தான் பொண்டாட்டிக்காக மாறிட்டான். உனக்கு என்ன ஆச்சு? ஓ! நான் தான் உன் பொண்டாட்டி மாதிரி டார்ச்சர் பண்றான்னு ஃபீல் பண்ணிட்டு வேற இருக்க.

ரைட்டர் மேடம் ஏதாவது பார்த்து செய்து விடுங்க. செய்து விடுங்கன்னா, நீங்க செஞ்சி விட்றாதீங்க. பார்த்து பண்ணுங்க.
அடுத்த எபிக்காக வெயிட்டிங்.
 
Last edited by a moderator: