மறுபடியுமா? - கதை திரி

sudharavi

Administrator
Staff member
#1
ஹாய் பிரெண்ட்ஸ்,

"மறுபடியுமா?" என்கிற தலைப்போடு போட்டியில் இணைகிறார் விஜயன் அவர்கள்.....................
 
#2
மறுபடியுமா? 1

ஆசிரமம்..

அர்ஜுன் மற்றும் அவன் நண்பன் சிவா ஹரினந்தன் அடியார் கண் முழிக்கும் வரை காத்து இருந்தனர்.

"சிவா உண்மையில் இந்த அடியார் சக்தி வாயந்தவர் தானே. ஏதாவது போலி சாமியார இருந்துட போறார்." - அர்ஜுன் சந்தேகமா கேட்க

"அடேய் போய் வாயை கழுவு. இவர் எப்படிப்பட்ட மகான் தெரியுமா? என்னோட காதல் ஓகே ஆகவே இவர் கிட்ட நான் வாங்கிய ஆசிர்வாதம் தான் காரணம். அதே மாதிரி உன் காதலும் சக்ஸஸ் ஆகணுமா ல.. இன்னிக்கு வேற பிரியாவை மீட் பண்ண போற. அதுக்கு இவர் கிட்ட ஆசிர்வாதம் வாங்கிட்ட வச்சுக்கோ உன் லவ்வும் சக்ஸஸ்." - என வாழ்த்தினான்

"அப்போ இவர் ஹரினந்தன் இல்ல காதல் நந்தன் சொல்லு." - அர்ஜுன்

"இவரை அப்படியும் கூப்பிடலாம்" - சிவா

கண் முழித்த ஹரினந்தன் அடியார் அவர் முன்னால் இருந்த இருவரை பார்த்து, "சொல்லுங்க"

"சாமி இவன் என் நண்பன் பெயர் அர்ஜுன். இவன் ரெண்டு மாசமா ஒரு பொண்ணை லவ் பண்றான். அவன் அதிர்ஷ்டம் அவ என் லவ்வர் கௌசல்யாவின் ப்ரெண்ட் ஆ போய்ட்ட. எப்படியோ நாங்க கஷ்டப்பட்டு இவங்க ரெண்டு பேருக்கும் ஒரு மீட்டிங் ஏற்பாடு பண்ணிட்டோம். நீங்க ஒரு ஆசிர்வாதம் பண்ணிட்டால் யானை பலம் வந்த மாதிரி இருக்கும்." - சிவா

"நீ செய்யும் தவறை மாற்றும் வரம் உனக்கு தருகிறேன். நீ நினைத்த காரியம் நடக்கும் வரை இரவு 9 மணிக்கு திரும்பி கடைசியாக தூங்கிய நேரத்தில் முழிப்பாய். நீ செய்த தவறை மாற்ற இன்னொரு வாய்ப்பு கிடைக்கும்." - என ஆசிர்வாதம் பண்ணியவர் திரும்பி தியானம் செய்ய கண்ணை முடினர்.

கணிக்கையாக ஐம்பது ஆயிரம் செலுத்திவிட்டு வெளியில் வந்தார்கள்.

"அது எப்படிடா செய்த தப்பை மாற்ற முடியும். இது நம்புற மாதிரியா இருக்கு. தேவையில்லாமல் கொடுத்த ஐம்பது ஆயிரம் வேஸ்ட்." - அர்ஜுன்

"அவர் சொன்ன மாதிரி நடக்கும் பார் அப்போ தெரியும் அவர் சக்தி." - சிவா

பிறகு அவங்க வண்டியை ஸ்டார்ட் செய்ய முயலும் போது அது பஞ்சர் ஆகி இருந்ததால்..

"உண்மை தான் மச்சி உன் சாமிக்கு சக்தி இருக்கு இங்க பார் வண்டி பஞ்சர். இதுவும் உன் சாமி பண்ண வேலை தான்." - அர்ஜுன்

மெக்கானிக் ஷாப் ல வண்டியை நிறுத்திவிட்டு பக்கத்தில் இருக்கும் ஒரு டீ கடைக்கு என்றார்கள். அப்போ கீரை வீற்று கொண்டு சென்ற ஒரு பாட்டிமா வெயில் காராணமாக மயங்கி விழுவதை கண்ட அவர்கள் ஓடி சென்று மாட்டியே தாங்கி ஒரு இடத்தில் உட்கார வைத்து இளப்பற வைத்தனர்.

"பாட்டி இப்போ பரவலையா? உங்க வீட்டு வரை துணைக்கு வரட்ட." - அர்ஜுன்

"இல்லப்பா இப்போ நானே போய்க்கிறேன். ரொம்ப நன்றிப்பா யார் பெற்ற புள்ளையோ சரியான நேரத்தில் உதவிக்கு வந்தே." - பாட்டி

சொல்ல சொல்ல கேட்காமல் தன்னிடம் இருந்த ஒரு தாயத்தை அவன் கையில் கட்டிய பாட்டிம்மா..

"பேரன்டி நீ நினைச்ச காரியம் வெற்றி அடைய வாழ்த்துக்கள்." - பாட்டி

அர்ஜுனை ஆசிர்வாதம் செய்த அந்த பாட்டி சென்று விட்டார். பின் சிவாவுடன் வீட்டுக்கு சென்றவன் இரவு விருந்துக்காக தயாராக ஆரம்பித்தான்.

அர்ஜுன் ஏதோ ஒரு பிசினஸ் டிஸ்கஷன் ல கலந்து கொள்கிறவன் மாதிரி டிரஸ் அணிந்து கொண்டான். எதற்கும் இருக்கட்டும் என்று சிவா அர்ஜூனுக்கு மற்றொரு நல்ல உடையா எடுத்து கொண்டான்.

"சிவா கொஞ்சம் தலைவலியா இருக்கு அங்க தலைவலி ஏதாவது இருந்தால் கொடு." - அர்ஜுன்

"சாதாரண தலைவலிக்கு எதுக்குடா மாத்திரை" - சிவா

"உனக்கே தெரியும் தலைவலி வந்தாலே என் வாய் என் கட்டுப்பாட்டில் இருக்காது. இதுல பிரியாவை வேற பார்க்க போறேன். நீ பேசாம அந்த மாத்திரையை கொடு வலி தாங்க முடியலை." - அர்ஜுன்

"என்னமோ பண்ணி தொல. இந்த ஒரு தடவை தான் அதுவும் உங்க மீட்டிங் ல எந்த சொதப்பலும் வரவே கூடாது என்று தான் தருகிறேன். அடுத்த தடவை எவ்வளவு வலிச்சாலும் மாத்திரை எடுக்க கூடாது. அப்பறம் இந்த சிக்கரட் இந்த பழக்கத்தையும் விடு. ஒரு நாளைக்கு எத்தனை? - சிவா

"முயற்சி செய்கிறேன் டா" - என சொன்னவன் தான் கையில் இருக்கும் சிக்கரட் ஏ அணைக்காமல் ஜன்னல் வழியா தூக்கி போட்டுவிட்டு தலைவலி மாத்திரை எடுத்துக்கொண்டான்.

அர்ஜுன் சிவாவிடம் சொல்லி டாக்ஸிக்கு புக் பண்ணான்.

அவங்க வெயிட் பண்ணும் நேரத்தில் பக்கத்து விட்டு பத்து வயசு குட்டி பொண்ணு வர்ஷா அர்ஜுன் மற்றும் சிவாவிடம் சாக்லேட் தந்து..

"காலையிலிருந்து உங்களை தேடிக்கிட்டு இருக்கேன். எனக்கு இன்னைக்கு பர்த்டே விஷ் பண்ணுங்க." - வர்ஷா

"ஹேப்பி பர்த்டே வர்ஷா குட்டி. சாரிமா நம்ம வர்ஷா செல்லத்துக்கு பர்த்டே என எங்களுக்கு தெரியாது தெரிந்திருந்தால் கிஃப்ட் ஏதாவது வாங்கி இருப்போம்." - அர்ஜுன்

"பரவல அர்ஜூ இட்ஸ் ஓகே. நம்ம பிரியக்கா உனக்கு ஓகே மட்டும் சொல்ல வை அதுவே எனக்கு பெரிய கிஃப்ட்." - வர்ஷா

"அடேய் அர்ஜுன் சின்ன பொண்ணுகிட்ட எல்லாம் உன் லவ் பற்றி சொல்ல முடிஞ்ச உன்னால பிரியா கிட்ட சொல்ல முடியலை. இதுல இவன் லவ்வுக்கு என் கௌசி செல்லத்தே வேற ஹெல்ப் பண்ண சொல்லி ஒரே டார்ச்சர்." - சிவா

"கௌசல்யா எனக்கு தங்கச்சி மாதிரி டா. அண்ணனின் காதலுக்கு தங்கச்சி உதவி செய்வதில் என்ன தப்பு?. வர்ஷா செல்லம் இன்னிக்கே பிரியாவை பார்க்கிறேன், லவ் சொல்றேன், ஓகே பண்றேன் அந்த சந்தோசத்தில் அடுத்த வாரமே உனக்கு பிடிச்ச அனிமேஷன் மூவிக்கு பிரியவோட போறோம் ." - அர்ஜுன்

"வர்ஷா குட்டி இவனை நம்பாதே உனக்கு படத்துக்கு போகணும் என்றால் சொல்லு நான் கூட்டிக்கிட்டு போறேன். இவனை நம்பினால் அடுத்த ஜென்மம் வந்தாலும் போக முடியாது." - சிவா

"சிவ் எங்க அர்ஜு வின் கெத்து இன்னும் உனக்கு தெரியலை. நீ பார்த்துக்கிட்டே இரு இன்னிக்கு கண்டிப்பா என் அர்ஜு லவ் ஓகே பண்ணிட்டு தான் வருவான்." - வர்ஷா

"தாங்க்ஸ் வர்ஷா. சின்ன பொண்ணு நீ நம்புற அளவுக்கு என் நண்பன் அதுவும் உயிர் நண்பன் என்னை நம்பலையே" - அர்ஜுன்

"நாங்க டேட்டிங் ஏ ஏற்பாடு பண்றது இது மூணாவது முறை . கடைசி ரெண்டு தடவை வயிறு கலக்குது சொல்லி ஒடியவன் தானே நீ." - சிவா

"இந்த தடவை சக்ஸஸ் பண்றேன் எண்ணி மூன்றே மாசத்தில் அவள் கழுத்தில் தாலி கட்டுறேன். இது உன் நண்பன் தரும் வாக்கு." - அர்ஜுன்

"பேசுறது எல்லாம் நல்ல தான் பேசுற ஆனால் உன்கிட்ட பினிஷிங் சரியில்லையே பா." - சிவா

சரியாக இரவு 6.15 மணிக்கு அவங்க புக் பண்ண டாக்ஸி வந்தது.

"வர்ஷா குட்டி நான் போய் வெற்றியோடு திரும்பி வரேன். தட்டா பாய்" - அர்ஜுன்

தலைவலிக்கு மாத்திரை போட்டத்தால் வந்த தூக்கம் அவனை அரை மணிநேரம் ஆட்கொண்டது.

சரியா 6.45 மணிக்கு சிவா அவனை எழுப்பி..

"மச்சி நம்ம வரவேண்டிய இடம் வந்துச்சு இறங்கு." - சிவா

டாக்ஸுக்கு பணம் தந்தவர்கள் அந்த ரெஸ்டாரன்ட் உள்ளே நுழைந்தார்கள்.

"அர்ஜுன் என்கிட்ட இன்னொரு செட் டிரஸ் இருக்கு. அதை இப்போவே மாற்றிக்கொள்வது நல்லது. சுற்றி பார் எல்லாரும் எவ்வளவு ஸ்டைல் ல டிரஸ் பண்ணி இருக்காங்க. பிளீஸ் டா சொன்ன கேளு.." - சிவா

"இதுவே போதும்" - அர்ஜூன்

"உன் தலைவிதி அதை யாரால் மாற்ற முடியும்." - சிவா

அவர்களுக்கு முன்னே சிவாவின் காதலி கௌசல்யாவும் அவள் தோழியும் அர்ஜுன் காதலிக்கும் பெண்ணான பிரியாவும் வந்திருந்தார்கள்.

கௌசல்யா ஒயிட் டிசைனர் சுடிதாரிலும் மற்றும் பிரியா பிங்க் டிசைனர் புடவையிலும் இருந்தார்கள். அதனை பார்த்த சிவா..

"இதோ பார் இவங்க கூட இடத்துக்கு ஏற்ற மாதிரி வந்திருக்காங்க. ஆனால் நீ?" - சிவா

"விடு சிவா இதற்கு மேல் எதுவும் மாற்ற முடியாது. நம்மளை வேற பார்த்துட்டாங்க அவங்க அருகே போலாம் இல்ல எதையாவது தூக்கி போட்டு மண்டையே உடைக்க போறாங்க." - அர்ஜுன்

அந்த பெண்கள் அருகே சென்றவர்கள்..

"கௌசி 7 மணிக்கு தானே மீட் பண்றதா பிளான். இந்த மாமனை பார்க்க ரொம்ப சீக்கிரமா வந்துட்டே போல? மாமன் மேல அவ்வளவு லவ் ஆ டி செல்லம்." - சிவா

"உன் முஞ்சி. இந்த வடபழனி டிராஃபிக் ஏ நம்பி சீக்கிரம் கிளம்பி வந்தால் இன்னிக்கு பார்த்து ஒரு டிராஃபிக் கூட இல்ல. கடந்த பதினைந்து நிமிடமா காத்து இருக்கோம். எல்லாம் எங்க நேரம்.." - கௌசல்யா

"சரி ரொம்ப சூடா இருக்க உன்னை கூல் பண்ணவே ஏதோ ஒரு ஓரமா ஒரு இடம் இருக்கே அங்கே போய் ஐஸ்கிரீம் சாப்பிடுவோமா?. அர்ஜுன் நீயும் பிரியாவும் அதுவரை பேசிக்கிட்டு இருங்க அங்க பொறுமையா எங்க வேலையை முடிச்சுட்டு வரோம்." - சிவா

ஆனால் சிவா கண்ணசைவில்.. "மவனே இன்னிக்கு மட்டும் ஏதாவது சொதப்பினே உன்னை கொன்றே விடுவேன்..".

சிவா கௌசல்யா போன பிறகும் கூட அர்ஜுனால் தன் காதலிக்கும் பெண்ணின் கண்ணை பார்க்க முடியவில்லை. பொறுத்து பொறுத்து பார்த்த பிரியா..

"அர்ஜுன் ஏன்டா ரொம்ப நேரமா பக்கத்து டேபிள் பொண்ணை முறைச்சு முறைச்சு பார்த்துக்கிட்டு இருக்கே? அந்த பொண்ணு ரொம்ப அழகா இருக்காளா?" - பிரியா

' என் தேவதை நீ என் முன்னால் இருக்கே நான் எதுக்கு வேற பொண்ணே பார்க்கணும்.' - மனதில் நினைத்தவன்

"சே சே இல்ல அந்த பொண்ணு சாப்பிடுற ஐட்டம் என்னனு தான் பார்த்தேன்." - ஏதோ சொல்லி சமாளித்தான்

"அவங்க ஜூஸ் குடிக்கிறது லெமன் ஜுஸ் தான். இப்போ உனக்கு என்ன பிரச்சனை. ஆபீஸ் ல தான் என்கிட்ட எதுவும் பேசாமல் இருக்கே பார்த்தால் இங்கயுமா?.." - பிரியா

"சாரி சாரி பிரியா" சொன்ன என் சொன்னவன் என்ன சமாளிப்பது தெரியாமல், "நம்ம ஏதாவது ஆர்டர் பண்ணி சாப்பிடுவோமா?"

"நீயே எதையாவது சொல்லு " - பிரியா

வெயிட்டர் ஏ அழைத்து, "ஒன் சீஸ் பர்கர், ஒன் கோபி நூடுல்ஸ் அப்பறம் ஒன் சாக்லேட் மில்க்ஷேக் அண்ட் ஸ்ட்ராபெரி மில்க்ஷேக்", என அர்ஜுன் ஆர்டர் செய்தான்.

"பரவலையே நான் அடிக்கடி என்ன சாப்பிடுவேன் தெரிந்து வச்சுயிருக்க." - பிரியா

' உன்னை பற்றி தான் எனக்கு எல்லாம் தெரியுமே. ஆனால் இதை சொல்லணும் நினைக்கும் போது தான் வார்த்தையே வரல' - மனதில் சொல்லிக்கொண்டு அவளிடம், "அப்படியா?" என மட்டும் சொல்லி அமைதியா இருந்துட்டான்.

இன்னும் ஏதாவது சொல்லுவான் என்று அவள் காத்து இருக்க அவனோ ஆர்டர் செய்த உணவு வந்த பிறகும் எதுவும் பேசாமல் உணவில் மட்டும் கவனம் செலுத்தினான்.

"அர்ஜுன் ஏதாவது பேசுடா ரொம்ப போர் அடிக்குது" - பிரியா

என்ன பேசுறது தெரியாதவன், "பர்கர் நல்ல இருக்கா? வேற ஏதாவது ஆர்டர் பண்ணனுமா?" - அர்ஜுன்

"சார் உங்க அகராதியில் பேசுறது என்றால் இதனா? இல்ல இன்னும் வேற ஏதாவது இருக்கா?" - பிரியா

' என்னத்த பேசுறது உன்னை பார்த்தாலே பேச்சு வர மாட்டேங்குது', மனதில் சொன்னவன், "நீயே ஏதாவது பேசு."

' சரியான தயிர்சாதமா இருப்பான் போல. இவன் கூட இன்னிக்கு டேட்டிங் ஃபிக்ஸ் பண்ணேன் இருப்பாரு. என் புத்திய நானே அடிச்சுக்கணும்', அவ்வாறு நினைத்தவள், "ஒன்னுமே இல்ல சாமி நீ சாப்பிடு.".

சரியாக இரவு எட்டரை மணிக்கு..

ஜோடியாக இரண்டு மூன்று ஐஸ்க்ரீம் சாப்பிட சிவாவும் கௌசல்யாவும் திரும்பி வந்தனர்.

"என்ன பிரியா எல்லாம் ஓகே தானே. உங்க ரெண்டு பேரின் டேட்டிங் எப்படி போச்சு" - சிவா

"சிவா பாய் எனக்கு நிறைய வேலை இருக்கு அப்புறம் பார்ப்போம்" - பிரியா

அவ்வாறு கோவமாக சொன்னவள் தன் தோழி கௌசல்யாவை இழுத்துக் கொண்டு சென்று விட்டாள்.

"அடேய் நாங்க எவ்வளவு கஷ்டப்பட்டு அவளை டேட்டிங் வர சம்மதிக்க வைத்தால் எல்லாத்தையும் சொதப்பிட்டே. இனி என்ன ஆனாலும் உன் மூஞ்சியில கூட அவள் முழிக்க மாட்டாள். இந்த மாதிரி இன்னொரு நல்ல வாய்ப்பு உனக்கு கிடைக்கவே கிடைக்காது." - சிவா

காலையில் ஹரினந்தன் அடியார் சொன்னதை நினைத்து பார்த்தவன்.

"யோவ் சாமி என்னமோ சொன்ன நான் செய்த ஒரு தப்பை மாற்ற பத்து முறை வாய்ப்பு கிடைக்கும் என்றாயே!! இன்னும் பத்து நொடியில் 9 மணி ஆகப்போகிறது பார்க்கலாம் நீ சொன்ன மாதிரி இன்னொரு வாய்ப்பு கிடைக்குதான்னு.?" என சொல்லி அவன் வாய் மூடவும் ஒன்பது மணி ஆகவும் சரியா இருந்தது.

தூக்கத்திலிருந்து அர்ஜூனை எழுப்பிய சிவா, "மச்சி நம்ம வரவேண்டிய இடம் வந்துச்சு இறங்கு." - சிவா

வாட்சைப் பார்த்தான் சரியா 6.45 மணி. ஒன்றுமே புரியாதவன் குழப்பத்தோடு நிற்க அந்த நேரத்துக்குள்
டாக்ஸுக்கு பணம் தந்த சிவா அவனை அழைத்து கொண்டு உள்ளே நுழைந்தான்.

அடுத்து அர்ஜுனனின் கனவில் வந்த அதை வசனம் சிவா சொல்ல எதுவும் பேசாமல் சொன்ன மாதிரியே உடை மாற்றிக்கொண்டு வந்தான்.

அவனின் குழப்பத்தை அதிகரிக்கவே கௌசல்யாவும் பிரியாவும் அவர்களுக்கு முன்னே வந்து இருந்தார்கள் அவன் கனவில் கண்ட அதே உடையில்..
 

Attachments

#3
மறுபடியுமா..? 2

அர்ஜுன் அதிர்ச்சியுடன் அந்த இரு பெண்களை பார்த்து கொண்டு இருக்க சிவா அவனை உலுக்கி நிகழ்வுக்கு கொண்டு வந்தான்.

"அர்ஜுன் என்னடா ஆச்சு சிலை மாதிரியே நின்றுட்ட ஏதாவது பிரச்சனையா? இல்ல போன தடவை மாதிரி பிரியாவை பார்த்தவுடனே வயிறு கலக்குதா?." - சிவா

"ஒண்ணும் இல்லடா வா போலாம்." - அர்ஜுன்

அந்த பெண்கள் அருகே சென்றவர்கள்..

"கௌசி 7 மணிக்கு தானே மீட் பண்றதா பிளான். இந்த மாமனை பார்க்க ரொம்ப சீக்கிரமா வந்துட்டே போல? மாமன் மேல அவ்வளவு லவ் ஆ டி செல்லம்." - சிவா

"உன் முஞ்சி. இந்த வடபழனி டிராஃபிக் ஏ நம்பி சீக்கிரம் கிளம்பி வந்தால் இன்னிக்கு பார்த்து ஒரு டிராஃபிக் கூட இல்ல. கடந்த பதினைந்து நிமிடமா காத்து இருக்கோம். எல்லாம் எங்க நேரம்.." - கௌசல்யா

"சரி ரொம்ப சூடா இருக்க உன்னை கூல் பண்ணவே ஏதோ ஒரு ஓரமா ஒரு இடம் இருக்கே அங்கே போய் ஐஸ்கிரீம் சாப்பிடுவோமா?. அர்ஜுன் நீயும் பிரியாவும் அதுவரை பேசிக்கிட்டு இருங்க அங்க பொறுமையா எங்க வேலையை முடிச்சுட்டு வரோம்." - சிவா

ஆனால் சிவா கண்ணசைவில்.. "மவனே இன்னிக்கு மட்டும் ஏதாவது சொதப்பினே உன்னை கொன்றே விடுவேன்..".

ஒரு வார்த்தை கூட தப்பாமல் போன தடவை நடந்தது போல நடக்க அர்ஜூக்கோ, 'இங்க என்னடா தான் நடக்குது? ஏதோ ஒன்னு ரெண்டு விஷயம் ஒரே மாதிரி இருந்தால் பரவல. ஆனால் நடக்கும் எல்லா விஷயமும் ஆச்சு பிசரமல் அப்படியேவா? முடியலடா சாமி..'.

"என்ன அர்ஜுன் சார் என்ன யோசனை?" - பிரியா கொஞ்சம் நக்கலா கேட்க

' என்னத்த சொல்றது? எதை சொல்றது? இவளுக்கு சொன்னாலும் புரியுமா?', என யோசித்தான் உடனே அவர்களின் பக்கத்து டேபிள் பொண்ணு குடிக்கும் ஜுஸ் பற்றி இந்த தடவை சரியா தப்பவே கேட்டான்.

"பிரியா அந்த பக்கத்து டேபிள் பொண்ணு குடிக்கிற லெமன் ஜுஸ் சால்ட் ஆ? ஸ்வீட் ஆ?", இப்படி ரொம்ப புத்திசாலித்தனமாக அர்ஜுன் கேட்க

"அர்ஜுன் நம்ம இங்க என்ன விஷயத்துக்கு வந்து இருக்கோம் நீ என்ன பண்ணிக்கிட்டு இருக்கே? நம்மளை பற்றி பேசுவாய் பார்த்தால் பக்கத்து டேபிள் பொண்ணு என்ன குடிக்குது என்கிற வெட்டி ஆராய்ச்சி எதுக்கு?." - அர்ஜுன் தன் முன்னால் வேற பொண்ணை கவனித்து பேசியதை கேட்டு கோவத்தில் பிரியா கத்தினாள்.

' போச்சு திரும்பி சொதப்பிட்டேன். அடேய் அர்ஜுன் ஏன்டா இப்படி? வேலையில் எவ்வளவுக்கு எவ்வளவு கெத்த இருக்குமோ அவ்வளவுக்கு அவ்வளவு இவள் முன்னாடி கோமாளியா இருக்கோமே. யோவ் கடவுளே இதுக்கு மேல் நான் என்னடா பண்றது.', என்று ஏதோ ஏதோ யோசித்தான் அதே பழைய ஆர்டர் பண்ற முடிவுக்கே வந்தான்.

"சாரி பிரியா காண்டு அகதே நம்ம ஏதாவது ஆர்டர் பண்ணிக்கிட்டே பேசுவோமா?"

கொஞ்ச நேரம் யோசித்தவள், "சரி அர்ஜுன் நீயே எதையாவது சொல்லு. பார்க்கலாம் என் டேஸ்ட் உனக்கு தெரியுதா என்று? " - பிரியா

வெயிட்டர் ஏ அழைத்து, "ஒன் சீஸ் பர்கர், ஒன் கோபி நூடுல்ஸ் அப்பறம் ஒன் சாக்லேட் மில்க்ஷேக் அண்ட் ஸ்ட்ராபெரி மில்க்ஷேக்", என அர்ஜுன் ஆர்டர் செய்தான்.

"பரவலையே நான் என்ன சாப்பிடுவேன் தெரிந்து வச்சுயிருக்க நாட் பேட். எப்படி தெரியும்?" - பிரியா

இந்த தடவை அவன் தயங்காமல், "அதுவா தினமும் நம்ம ஆபீஸ் கேன்டீன் ல சீஸ் பர்கர் மற்றும் சாக்லேட் மில்க்ஷேக் கேட்டு நீ பண்ற அலப்பறை நம்ம ஆபீஸ்சே அறிந்தது ஆச்சே. இருந்தாலும் ஒரே வகையான ஐட்டம் சாப்பிட்டு உனக்கு போர் அடிக்கல?", கிண்டலில் ஆரம்பித்து அக்கறையில் முடித்தான்.

அது புரியதவள் அந்த கிண்டலை மட்டும் வைத்து கொண்டு, "ஒ நீ மட்டும் என்னவாம் எப்போ பார்த்தாலும் கோபி ரைஸ், கோபி நூடுல்ஸ் இல்ல கோபி வகையான உணவே சாப்பிடுற அது மாதிரி தான் இதுவும்.", நீ குறை சொன்னால் நானும் உன்னை குறை சொல்வேன் என்கிற மாதிரி அவளும் பேசினாள்.

"அம்மா தாயே ஏதோ உன் நல்லதுக்கு சொன்னேன். நான் கூட இந்த கோபி பழக்கத்தை மற்ற தான் பார்க்கிறேன்."

"சரி எனக்கு ஒரு யோசனை அர்ஜுன் நம்ம இப்படி பண்ணலாம்"

"எப்படி?"

"இப்போ ஆர்டர் பண்ணதை மாற்றி எடுத்துப்போம். பர்கர் உனக்கு கோபி எனக்கு. சாக்லேட் மில்க்ஷேக் உனக்கு ஸ்ட்ராபெரி மில்க்ஷேக் எனக்கு. ஓகே ஆ", என அர்ஜூனை சகஜ நிலைக்கு கொண்டு வர பிரியா முயன்றாள்.

அதனை புரிந்தவனோ உடனை சரி என்றான்.

அவங்க ஆர்டர் பண்ணது வந்தவுடன் பிளான் பண்ண மாதிரியே சாப்பிட ஆரம்பித்தனர். இந்த தடவை சும்மா இருக்காமல் அவளை கொஞ்சம் தன்னை பற்றி கொஞ்சம் என பேசிக்கொண்டு இருந்தார்கள்.

என்ன பேசினாலும் ஒரு அளவுக்கு மேல் காதல் கல்யாணம் என்ற விஷயத்தை அர்ஜுன் பேச தயங்குவதை கண்டு பிரியா..

"அர்ஜுன் எதுவா இருந்தாலும் தயங்காமல் பேசுடா. நம்ம டேட்டிங் தன் வந்திருக்கோம் அப்பறம் எதுக்கு இந்த தயக்கம். எல்லாம் ஓகே என்றால் நம்ம பரெண்ட்ஸ் கூட நமக்கு கல்யாணம் பண்ண ரெடி ஆ இருக்காங்க. இப்படி ஒவ்வொரு வார்த்தை பேசவே தயங்கிட்டு இருந்தே சத்தியமா சேட் ஏ ஆகாது."

"தயக்கம் எதுவும் இல்ல பிரியா. பயம் தான் எங்க ஏதாவது எடகுடமா பேசிடுவேனோ இல்ல ரொம்ப க்ளோஸ் ஆ போய் உன்னை எரிச்சல் படுத்துற மாதிரி ஆய்டுமோ. இப்படி பல குழப்பங்கள்"

"இப்படி நீ யோசித்து யோசித்து பேசுறது தான் எரிச்சலா இருக்கு."

திரும்பி பழைய மாதிரி அமைதியா அர்ஜுன் சாப்பிட்டில் மட்டும் கவனமா இருந்தான். மறுபடியும் இன்னொரு வாய்ப்பு இருக்கும் அதில் பார்த்துக்கலாம் என்ற நம்பிக்கையில்.

'ஐயோ இந்த தயிர்சாதம் எப்போ காதலை சொல்றது நம்ம எப்போ இவனை கல்யாணம் பண்ணிக்கிறது. பார்க்க ஹீரோ மாதிரி இருந்து என்ன பிரோஜனம் மனசு விட்டு பேச தைரியம் இல்லயே..', பிரியா மனதில் இப்படி ஓட..

அர்ஜுன் மனதிலோ, ' நம்மளை பேசவைக்க நம்ம ஆள் ரொம்பவே முயற்சி பண்ற ஆனால் என்ன அவள் கண்ணை பார்த்தால் என்ன பேச வந்தாலும் மறந்து போகுது. அடேய் காதல் நந்தா இது தெரிந்து தான் பத்து வாய்ப்பு தந்தியா? ரெண்டு வாய்ப்பு ஏற்கனவே போச்சு. இன்னும் எட்டு இருக்கு. சரி சமாளிப்போம்'.

(அர்ஜுன் பிரியா ரெண்டு பேருமே ஒரே ஆபீஸ் ல வேலை பார்க்கிறங்க. சிவா மற்றும் கௌசல்யாவும் கூட அதே ஆபீஸ் தான். சிவா அர்ஜுனின் ப்ரெண்ட் அப்பறம் பிரியா கௌசல்யாவின் ப்ரெண்ட். அர்ஜுன் மனதிலும் சரி பிரியா மனதிலும் சரி ஒருவர் மேல் இன்னொருவருக்கு காதல் இருக்கு. ஆனால் இதில் பிரச்சினை என்னவென்றால் அர்ஜுன் மனதில் ஒளிந்து இருக்கும் பயம் மற்றும் தயக்கமே. இருவருக்குமே பழைய காதல் அனுபவம் என்று சிலது உண்டு. பிரியாவுக்கு தன் காதல் தோல்வியை பற்றி சொல்ல தயக்கமோ அதே சமயத்தில் அர்ஜுனின் காதல் தோல்விகளை கேட்கவோ கோபம் எரிச்சல் இல்ல. ரெண்டு மாசமா இந்த ரெண்டு பேரின் ப்ரெண்ட்ஸும் நம்ம அர்ஜுன் பிரியா இருவரின் கண்ணாமூச்சி ஆட்டத்தை முடித்து வைக்க முயல்கிறார்கள். அவர்களின் முயற்சிகளின் பலனால் நம்ம ஹீரோ ஹீரோயின்ஸ் பெற்றோர்கள் வரை சென்று முதலிலேயே சம்மதம் வாங்கியது வரை நடந்தது.

அதையெல்லாம் தாண்டி இப்போ பிரச்சனையா இருப்பது அர்ஜுனின் தயக்கமே. எல்லாம் பேசி ஒரு முடிவுக்கு வர பிரியா தயாராக இருக்கிறாள் ஆனால் அர்ஜுன்?. அர்ஜுன் பிரியாவிடம் மனம் விட்டு பேசுவரை அவனின் காலப்பயணத்தின் சுழற்சி ஒரு முடிவுக்கு வராது.)

சரியாக இரவு எட்டரை மணிக்கு..

ஜோடியாக இரண்டு மூன்று ஐஸ்க்ரீம் சாப்பிட சிவாவும் கௌசல்யாவும் திரும்பி வந்தனர்.

"என்ன பிரியா எல்லாம் ஓகே தானே. உங்க ரெண்டு பேரின் டேட்டிங் எப்படி போச்சு" - சிவா

"நல்ல போச்சு. அதிசயமா ஐயா பத்து வார்த்தை பேசி இருக்கார். அவன் அவன் தான் காதலிக்கும் பொண்ணு கிட்ட காதலை சொல்லி புரியவைக்க கஷ்டப்படுவங்க. ஆனால் இங்க இவன் காதலிக்கிறான் என்று நானே கண்டுபிடித்து நானே இவங்க அப்பா அம்மா என் அப்பா அம்மா கிட்ட பேசி எல்லாம் ஓகே வாங்கி இவன் வாய் மூலமே காதலை சொல்ல வைக்க கஷ்டப்படுறேன். எல்லாம் என் தலை எழுத்து யாப்பா சாமி இதுக்கு மேல என்னால் முடியாது. இனி இவன் ஆச்சு இவன் பயம் தயக்கம் ஆச்சு. கடந்த ரெண்டு மாசமா இவன் காதலை இன்னிக்கு சொல்வான் நாளைக்கு சொல்வான் என்று நானும் எத்தனை நாள் தான் காத்திருப்பது.", என பிரியா பாதி கோபத்திலும் பாதி ஏமாற்றத்திலும் சொல்லிட்டு கௌசல்யா கூட கிளம்பிட்டாள்.

போன தடவை மாதிரி இந்த தடவையும் சிவா..

"அடேய் நாங்க எவ்வளவு கஷ்டப்பட்டு அவளை டேட்டிங் வர சம்மதிக்க வைத்தால் எல்லாத்தையும் சொதப்பிட்டே. இனி என்ன ஆனாலும் உன் மூஞ்சியில கூட அவள் முழிக்க மாட்டாள். இந்த மாதிரி இன்னொரு நல்ல வாய்ப்பு உனக்கு கிடைக்கவே கிடைக்காது." - சிவா

அர்ஜுன் சிரித்து கொண்டே..

"இன்னொரு நல்ல வாய்ப்பு எனக்கு கிடைக்கவே கிடைக்காதா? மச்சி இன்னும் எனக்கு எட்டு வாய்ப்பு இருக்கு. இன்னும் பத்து நொடியில் திரும்பி மறுபடியும் டாக்ஸி ல சந்திப்போம்."

"என்னடா சொல்ற மறுபடியுமா?"

"ஆமாம் மறுபடியும்"

அர்ஜுனின் மூன்றாவது வாய்ப்பு மறுபடியும் 6.45 மணி ஆரம்பித்தது.

தூக்கத்திலிருந்து அர்ஜூனை எழுப்பிய சிவா, "மச்சி நம்ம வரவேண்டிய இடம் வந்துச்சு இறங்கு." - சிவா

இந்த தடவை அர்ஜுன் சொதப்பல் என்னவா இருக்குமோ யாருக்கு தெரியும்...
 
#4
மறுபடியுமா..? 3

(மூன்றாவது வாய்ப்பு)

"மச்சி நம்ம வரவேண்டிய இடம் வந்துச்சு இறங்கு." - சிவா

டாக்ஸுக்கு பணம் தந்த சிவா அவனை அழைத்து கொண்டு உள்ளே நுழைந்தான். அடுத்து சிவா என்ன சொல்ல போறான் என்று ஏற்கனவே அறிந்த அர்ஜுன்.

"சிவா எனக்காக நீ எடுத்து வச்சே அந்த டிரஸ் ஏ கொடு இப்போவே மாற்றிக்கிறேன்."

அர்ஜுனுக்கு எப்படி அந்த டிரஸ் பற்றி தெரியும் என்பது சிவாக்கு தெரியலை என்றாலும் அதை பற்றி பேசி நேரத்தை விண் செய்ய வேண்டாம் என அவன் கேட்ட மாதிரியே டிரஸ் ஏ கொடுத்தான். அர்ஜுன் உடை மாதிரி விட்டு வர இருவரும் உள்ளே சென்றார்கள். போன முறை மாதிரி சிவா கௌசல்யா கூட சென்றவுடன் அர்ஜுன் பிரியாவுடன் பேச ஆரம்பித்தான்.

"பிரியா நம்ம ஏதாவது ஆர்டர் பண்ணிக்கிட்டே பேசுவோமா?"

கொஞ்ச நேரம் யோசித்தவள், "சரி அர்ஜுன் நீயே எதையாவது சொல்லு. பார்க்கலாம் உனக்கு என் டேஸ்ட் தெரியுதா என? " - பிரியா

"சீஸ் பர்கர் அப்பறம் சாக்லேட் மில்க்ஷேக். இதானே உன் ஃபேவரைட். எனக்கு நல்லாவே தெரியும். நீயே ஆர்டர் பண்ணு உனக்கு என்னோட ஃபேவரைட் தெரியாதா பார்க்கலாம்."

வெயிட்டர் ஏ அழைத்து, "ஒன் சீஸ் பர்கர், ஒன் கோபி நூடுல்ஸ் அப்பறம் ஒன் சாக்லேட் மில்க்ஷேக் அண்ட் ஸ்ட்ராபெரி மில்க்ஷேக்", என பிரியா ஆர்டர் செய்தாள். பிறகு அவளே

"ஹலோ பாஸ் எங்களுக்கும் தெரியும் உங்க ஃபேவரைட். இருந்தாலும் எனக்கு ஒரு ஐடியா நம்ம ஏன் இப்படி பண்ண கூடாது?"

"தெரியும் நீ என்ன சொல்ல போறனு இப்போ ஆர்டர் பண்ணதை மாற்றி எடுத்துப்போம். பர்கர் எனக்கு கோபி உனக்கு. சாக்லேட் மில்க்ஷேக் எனக்கு ஸ்ட்ராபெரி மில்க்ஷேக் உனக்கு. சரி ஆ", என போன தடவை அவள் சொன்ன மாதிரியே அர்ஜுன் சொன்னான்.

"எப்படி நான் சொல்ல வந்ததை ஆச்சு மாறாமல் அப்படியே சொல்ற. சான்ஸே இல்ல சூப்பர் டா"

"நன்றி.. நமக்கு யாரையாவது ரொம்ப பிடிச்சு போச்சு என்றால் அவங்க மனசு கூட நமக்கு அப்படியே அதுப்பிடி. நான் சொல்லி எனக்கு உன்னை எவ்வளவு பிடிக்கும் சொல்லவேண்டியது இல்ல."

"என்ன தெரிந்து என்ன பிரோஜோனம் அதை உன் வாய்யால் கேட்க ஆசைப்படுகிறேன்."

"இரு பிரியா அதுக்கு இன்னும் நேரம் இருக்கு. இன்னும் நாள் முடியலை"

' ஆமாம் இவர் அப்படியே சொல்லி கிழிச்சுடுவர். ஒரு காதலை சொல்ல இவருக்கு ரெண்டு மாசமா ஆகும்?. இதுக்கே இப்படியென்றால் இன்னும் போக போக கல்யாணம் பண்ணிக்க, குழந்தை பெற்றுக்கொள்ள ஒரு ஜென்மமே போததது போல'

"பிரியா அன்னிக்கு யாரையோ ஃபேஸ்புக் முகம் கூட பார்க்காமல் லவ் பண்ணேன் கடைசியில் பொய்யான பேர் சொல்லி ஏமாற்றிய காரணத்தால் காதலை கூட சொல்லாமல் அதே பேஸ்புக்கில் ப்ரேக் அப் சொல்லிட்டேன் சொன்ன அது உண்மையா?", ரொம்ப நாளாக அவன் மனதில் உறுத்திய கேள்வியை கேட்டே விட்டான்.

சிறிது நேரம் கண்ணை முடி அந்த பழைய வலியை தங்கியவள் அதனை பற்றி விவரிக்க ஆரம்பித்தாள்.

"அவன் பெயர் விஜய். அது உண்மையான பெயரா என்று கூட இன்னும் தெரியாது. ஃபேஸ்புக் ல ப்ரெண்டா ஆகி பேச ஆரம்பித்தோம் அவன் முகம் கூட பார்த்தது இல்ல. சாட் பண்ணது வரை எந்த குறையும் இல்ல நல்ல பேசுவான், எனக்கு என்ன பிடிக்கும் பிடிக்காது என்று நல்ல தெரிஞ்சு வச்சு இருந்தான். நல்ல போய்ட்டு இருந்த போது ஒரு தடவை நேரில் பார்க்கலாம் என கேட்க அப்போ தான் சொன்னான் விஜய் என்பது அவனின் உண்மையான பெயர் இல்லை இதுவரை அவரைப் பற்றி அவர் சொன்னது எல்லாமே பொய் என்பதுவரை. பொய்யாக பேசி நடித்து விட்டான் என்ற கோபத்தில் ஏதோ ஒரு வேகத்தில் பிரேக்கப் என்று மெசேஜ் பண்ணிட்டேன். கேட்க உனக்கே சிரிப்பா தான் இருக்கும் லவ்வே சொல்லாமல் இவ என்ன பிரேக்கப் சொல்லிட்டா என ஆனால் அதான் உண்மை நான் அப்படித்தான் சொன்னேன். அவன் என்ன நினைத்தானோ என்னை பிளாக் பண்ணிட்டு போனவன் தான் அப்பறம் என் ப்ரெண்ட்ஸ் ஃபேஸ்புக் ஐடி வச்சு முயற்சி பண்ணியும் அவன் பேச முடியலை. ஒரே வாரத்தில் அவன் அக்கவுண்ட் ஆ கூட டியக்டிவேட் பண்ணிட்டான்.", என பிரியா கவலை கலந்த குரலில் சொல்ல அர்ஜுனோ

"ஓ இதுவெல்லாம் எப்போ நடந்தது?"

"ஏழு வருஷம் இருக்கும். இந்த ஏழு வருஷத்தில் அவனால் ஏற்பட்ட தாக்கம் போகல. அட்லீஸ்ட் ஏன் எதுவும் சொல்லாமல் போனான் என்ற காரணம் தெரிந்தாலாவது ஒரு நிம்மதி இருக்கும். எப்போதோ ஏதோ நொடியில் வந்த காதல் உணர்வால் ஒரு நல்ல நண்பனை இழந்து விட்டோமோ என்ற வருத்தம் இன்னும் மிஞ்சி இருக்கு."

அவளின் வருத்தத்தை பார்க்க முடியாதவன் அவளின் கையை ஆதரவாக பிடித்து, "பிரியா சில காயங்களின் வலிகள் போனாலும் அதன் தழும்பு இருக்கத்தான் செய்யும். விடு உன் நண்பன் விஜயை சீக்கிரமே பார்ப்பே. இங்க பார் சாப்பாட்டின் சூடு குறைவதற்கு முன்னாடி சாப்பிடு."

"என்னனு தெரியலை ஏற்கனவே நிறைய சாப்பிட்ட மாதிரி ஒரு ஃபீலிங்", என பிரியா முகம் சுளித்து சொல்ல

' ஒருவேளை அடிக்கடி கால பயணம் செய்ததால் இப்படி இருக்கோ?. காலப் பயணம் செய்தது நம்ம தானே அவள் இல்லையே பின்ன எப்படி ஏற்கனவே சாப்பிட்ட மாதிரி இவளுக்கு ஃபீலிங்.'

"சரி விடு பிரியா சாப்பிட முடியுல என்றால் வைச்சுடு நம்ம ஜூஸ் ஆர்டர் பண்ணி குடிக்கலாம்."

"அதெல்லாம் வேண்டாம் அர்ஜுன். சாப்பாடு வேஸ்ட் பண்ணுறது ரொம்ப தப்பான பழக்கம். நான் எப்படியாவது ட்ரை பண்ணி சாப்பிடுவேன் யூ டோண்ட் வொர்ரி"

"சரி உன் இஷ்டம் முடியலை என்றால் கொடு நான் சாப்பிடுறேன்."

"அஸ்கு புஸ்கு இதான் வாய்ப்புனு இன்னொரு தடவை நூடுல்ஸ் சாப்பிட பிளான் பண்றியா? நடக்காது மகனே நடக்காது நான் தரமாட்டேன் போ.", பிரியா நாக்கை வெளியே நீட்டி ஒழுங்கு காட்டிக்கொண்டே சொல்ல அதனை ரசித்த அர்ஜுன்

' அப்படியே குழந்தைத்தனமான அழகு டி உனக்கு. ஆனால் என்ன உன்கிட்ட யாராவது பொய் சொன்னால் உன் கோபத்தை தான் தாங்க முடியாது. அந்த விஜய் பற்றிய உண்மை கடைசிவரை உனக்கு தெரியாமலேயே என் காதலை உனக்கு உணர்த்தி விடுவேன்.', அர்ஜுன் இப்படி மனதில் நினைத்துக் கொண்டு வெளியில், "நீ தரல என்றால் போ நாளைக்கே ஆபீஸ்ல ஒன்னுக்கு ரெண்டு பிளேட் கோபி நூடுல்ஸ் வாங்கி சாப்பிடுவேன்", அவளுக்கு எந்த விதத்திலும் குறையாத அளவுக்கு அவனும் நாக்கை வெளியில் நீட்டி ஒழுங்கு காண்பித்துக் கொண்டே சொன்னான்.

"அப்பாடா இப்பயாவது உன் தயக்கத்தை விட்டு கொஞ்சமாவது பேசினியே அதுவரை சந்தோஷம். இப்படியே எப்பவும் போல சிரிச்ச முகத்தோட பேசிட்டே இரு கூடிய சீக்கிரம் நானே உன்னை காதலிக்க ஆரம்பித்து விடுவேன்."

"அப்போ மேடமுக்கு இன்னும் என்னை காதலிக்க தோணல அப்படித்தானே."

"ஆமாம் எப்பவும் எதையும் வாய் திறந்து பேசாமல் பார்த்துகிட்டே இருப்பவனை எப்படித்தான் ஒரு பொண்ணுக்கு காதலிக்கத் தோன்றும். நீயே வாயை திறந்து சொன்னால்தானே என்ன நினைக்கிறாய் என்றே புரியும். நான் என்ன தெய்வப் பிறவியா நீ மனசில் நினைப்பதெல்லாம் அப்படியே படிச்சு தெரிஞ்சுக்க?. நான் சாதாரண மனிஷி தான் உங்க எல்லோர் மாதிரி எனக்கும் உடம்பில் ரத்தம் தான் ஓடுது."

"அப்படியா நான் என்னமோ நீ வானத்திலிருந்து குதித்த தேவதை அல்லவா நினைச்சேன். இது தெரியாமல் இத்தனை மாசம் உன் பின்னாடியே சுத்திகிட்டு இருந்தேனே."

"இல்லேன்னா மட்டும் ஐயா அப்படியே மத்த பொண்ணுங்களே திரும்பி பார்த்து விடுவார். நானே ரொம்ப கஷ்டப்பட்டு நீ என்ன தான் பார்த்துட்டு இருக்கே என கண்டுபிடிக்கவே எனக்கு ஒரு மாசம் ஆச்சு அந்த அளவுக்கு நீ மின்னல் வேகத்தில் என்னை பார்த்து திரும்பி விடுவே. சாதாரணமா எல்லாரும் சொல்லுவாங்க பொண்ணுங்க தான் பசங்கள சைட் அடிப்பதில் மின்னல் வேகத்தில் இருப்பாங்கன்னு ஆனால் முதன் முதலில் பசங்களில் பொண்ணுங்களே மிஞ்சும் அளவுக்கு வேகமாக இருந்த ஒரே பையன் நீ மட்டும் தான் டா. என்ன ஒரு வேகம் சான்சே இல்ல"

"ரொம்ப நன்றி பிரியா உன் மனசல பாராட்டியதற்கு ஆனா என்ன உன் பாராட்டை கேட்கவே எனக்கு ரொம்ப வெட்க வெட்கமா இருக்கு."

"பாராட்டினேனா? நல்ல பச்ச பச்சையா திட்டிகிட்டு இருக்கேன் டா மூதேவி"

அதற்கு பதிலாக அர்ஜுனனிடம் இருந்து சிரிப்பு மட்டுமே வந்தது.

"இதான் இந்த சிரிப்பு தான் பிடித்து இருக்குன்னு சொல்றேன். இதை மாதிரி அடிக்கடி சிரிச்ச முகத்தோடு இரு பார்க்கவே நல்லா இருக்கு."

"மகாராணி உங்கள் உத்தரவு இனி இந்த அர்ஜுன் சிரித்த முகத்தோடு இருந்துகொண்டே எல்லோரையும் கடுப்பேற்றுவான்."

"அப்படி நீ கடுப்பேத்தும் சமயத்தில் இதே மகாராணி இதே போல் உன் தலையில் ஒரு கொட்டு கொட்டுவாள்", என சொல்லிக்கொண்டே பிரியா அவனின் தலையில் நங்கென்று ஒரு கொட்டு வைத்தாள்

இவர்கள் இப்படி பேசிக்கொண்டே விளையாடுவதை பார்த்துக் கொண்டே வந்த சிவா மற்றும் கௌசல்யா

"அடப்பாவிங்களா இத்தனை மாசம் லவ் பண்ற நாங்களே இந்த மாதிரி கொட்டி விளையாடவில்லை. ஆனால் நீங்க பேச ஆரம்பித்த இரண்டு மணி நேரத்துக்குள்ள யாப்பா சாமி என்னடா நடக்குது இங்க", சிவா ஆச்சரியம் கலந்த குரலில் கோபமாக கேட்டான்

"ஒன்னும் இல்ல மச்சி சும்மா சின்ன விளையாட்டு தான் இதனை பெரிசா எடுத்துக்காதே. அப்புறம் நீ பெருசா எடுக்க போய் கௌசல்யாவுக்கு இதே மாதிரி ஒரு கொட்டு வைக்க போறே பாவம் அவள் மண்டை", அர்ஜுன் கேலியாக சிவாவை வாரினான்

"அண்ணா சிவாவுக்கு அந்த அளவுக்கு தைரியம் இல்லை. என்கிட்ட வேண்டுமென்றால் நாலஞ்சு கொட்டு வாங்குவனை தவிர என்கிட்ட அவன் வாலை ஆட்ட மாட்டான். அந்த அவ்வளவுக்கு என் மேல பயம் ல", கௌசல்யா தன் பங்குக்கு சிவாவை வாரினாள்.

"இது தெரியாம போச்சே. சிவா உன்னை என்னமோ நா பெரிய அளவுக்கு நினைச்சேன் கடைசியில நீ ஒரு காமெடி பீசா", பிரியாவும் தன்னால் முடிந்த அளவுக்கு சிவாவை கலாய்த்தாள்

"எல்லோருக்கும் சேர்த்து கையெடுத்து கும்பிடுறேன் நான் ரொம்ப பாவம் இதோட என்னை விடுங்க இல்ல அழுதுடுவேன்", சிவா கிட்டத்தட்ட அழும் நிலையில் சொன்னான்.

பிறகு கௌசல்யாவே பேசினாள்..

"பிரியா எல்லாம் ஓகே தானே? இல்ல திரும்பி வேற ஏதாவது குறை இருக்கா?"

"இல்லடி நான் எதிர்பார்த்ததை தாண்டி நல்லா தான் பேசிக்கிட்டு இருந்தோம். பார்ப்போம் இதுவே தொடர்ந்தால் எல்லாம் நம்ம பெரியவர்கள் நினைத்த மாதிரி நல்லபடியா நடக்கும்.", பிரியா பொதுப்படையாக சொன்னாள்

"அப்போ சரி பிரியா மறுபடியும் சந்திப்போம்", அர்ஜுன் கொஞ்சம் மர்மமான குரலில் சொன்னான்

"சரி மறுபடியும் சந்திப்போம் போயிட்டு வரேன் பாய் அர்ஜூன் பாய் சிவா", பிரியாவும் கௌசல்யாவும் விடைபெற்றுக்கொண்டு கிளம்பினார்கள்.

சிவா அர்ஜுனனை தூக்கி சுற்றாத குறையாக சந்தோஷத்தில் குதித்தான், "மச்சி உன் லவ் சக்ஸஸ். இவ்வளவு நாள் உனக்கு இருந்த பயமும் தயக்கத்தை மீறி பேசிட்டே. அடுத்து என்ன உங்களின் அப்பா அம்மா கிட்ட பேசி கல்யாண ஏற்பாடு பண்ண வேண்டியதுதான் பாக்கி. பிரியாவும் அதைதான் சொல்லிட்டு போறாள்."

"பொறு சிவா இன்னும் எதுவும் முடியல. நாங்க மறுபடியும் பேச வேண்டியது இன்னும் இருக்கு. இப்பதானே நான் தெரிஞ்சிக்க வேண்டிய சில விஷயங்களில் ஒரு விஷயம் தெரிந்துகொண்டேன். இன்னும் ஏழு வாய்ப்புகள் இருக்கு அதில் என் எல்லா கேள்விக்கும் பதில் கிடைத்துவிடும்".

"இன்னும் ஏழு வாய்ப்பா? என்னடா லூசு மாதிரி பேசுற எந்த வாய்ப்பை பற்றி சொல்லிக்கிட்டு இருக்க?", சிவா முடி பிய்த்துக் கொள்ளாத குறையாக தன் சந்தேகத்தைக் கேட்டான்

"அது உனக்கு சொன்னா புரியாது மச்சி மணி சரியாக 9 ஆக மூன்று நொடிகள் இருக்கு மறுபடியும் சந்திப்போம்.", அர்ஜுன் அதே பழைய மர்மமான குரலில் பேசி முடித்தான்.

மணி 9 மூன்றாவது வாய்ப்பு முடிந்து அடுத்த வாய்ப்பு ஆரம்பத்தது..
 
#5
மறுபடியுமா..? 4

(நான்காவது வாய்ப்பு)

"மச்சி நம்ம வரவேண்டிய இடம் வந்துச்சு இறங்கு." - சிவா

கடந்த மூன்று முறை நடந்த மாதிரி மறுபடியும் நடக்க சிவா கௌசல்யா போன பிறகு..

"எனக்கு பசி எதுவும் இல்ல பிரியா அதனால் வெறும் ஜுஸ் மட்டும் ஆர்டர் பண்ணிட்டே பேசுவோமா? இல்ல உனக்கு ஏதாவது சாப்பிட தோன்றினால் சொல்லு ஆர்டர் பண்ணலாம்.", கடந்த மூன்று முறை காலப்பயணம் செய்த போதே நிறைய சாப்பிட்டதால் இன்னொரு முறை சாப்பிட வயிற்றில் இடம் இல்லாத காரணத்தால் இவ்வாறு கூறினான்.

"எனக்கும் அவ்வளவா பசி இல்ல. அதனால் ரெண்டு லெமன் ஜுஸ் மட்டும் சொல்லு."

அர்ஜுன் ரெண்டு ஜுஸ் ஆர்டர் பண்ணிவிட்டு பிரியாவிடம் பேச ஆரம்பித்தான்.

"அந்த ஃபேஸ்புக் விஜய்யை கண்டுபிடிக்க வேற எந்த முயற்சியும் பண்ணலையா நீ?"

"வெயிட் வெயிட் இதுவரை அந்த ஃபேஸ்புக் விஜய்யை பற்றியோ அவனை கண்டுபிடிக்க நான் செய்த முயற்சி பற்றியோ உன்னிடம் சொன்னதே இல்லயே பின்ன எப்படி உனக்கு அவனை பற்றி தெரியும்"

"அது வந்து.. அது வந்து ஆ நம்ம கௌசல்யா தான் அவனை பற்றி எல்லாம் சொன்னாள். சே கேட்கவே ரொம்ப கஷ்டமா இருந்தது", அர்ஜுன் பொய் சொல்லி தப்பிக்க பார்த்தான். ஆனால் விதியோ வலியது அவன் சொன்ன பொய்யை உடனே கண்டுக்கொண்ட பிரியா

"அடேய் இதுவரை யாருக்கிட்டயும் அவனை பற்றி நான் சொன்னதே இல்ல. எப்படி சொல்லுவேன் எவனோ ஒருத்தன் பொய்யான பேரில் எனக்கு ஃபேஸ்புக் ப்ரெண்ட் ஆ இருந்தான். ஒரு கட்டத்தில் அவன் மேல் காதல் கொண்டு நான் சொல்லும் நேரத்தில் அதுவரை என்கிட்ட அவனை பற்றி நான் அறிந்தது எல்லாம் பொய் என தெரிய வர ஒரு கட்டத்தில் அவனே என்னை பிளாக் பண்ணிட்டு போய்ட்டான். அவன் நினைவில் ரொம்ப வருஷமா வாழ்ந்துட்டு இருக்கேன். ஆனால் எப்போ அர்ஜுன் என்பவனை பார்த்தேனோ அப்போவே அந்த விஜய் என்பவன் மேல் நான் கொண்டது காதல் இல்ல வெறும் கவர்ச்சி என்று புரிந்து கொண்டேன். இப்படியெல்லாம் நான் சொல்ல முடியுமா சொல்லு."

"முடியாது தான் சொன்னாலும் யாரும் நம்ப மாட்டாங்க."

"அப்போ சொல்லு உனக்கு எப்படி அந்த விஜய் பற்றி தெரியும். சொல்லு சொல்லு.."

' ஐயோ இது என்னடா ஒரே தொல்லையா போச்சு. இந்த கால பயணத்தை பற்றி சொன்னால் நம்மளை தப்பா நினைப்பாளோ. சரி இப்போ உண்மையை சொல்லிடுவோம் எப்படியும் திரும்பி இன்னொரு கால பயண வாய்ப்பு கிடைக்க தான் போகுது அப்போ முதலில் இருந்து ஆரம்பிப்போம் ' - அர்ஜுன் மனதில் இப்படியெல்லாம் நினைத்து உண்மை சொல்ல ஆரம்பித்தான்.

"பிரியா வேற வழி இல்ல என் காதலை உனக்கு புரியவைக்க நான் உண்மை சொல்லி தான் ஆகணும். நீ தான் அந்த விஜய் பற்றி சொன்ன அதுவும் அந்த ஹரினந்தன் அடியார் கொடுத்த வரம் மூலம்..."

"மூலம் சொல்லுடா என்ன வரம் ஆச்சு.."

"கால பயணம். உன்னை நான் கவரும் வரை பத்து தடவை கால பயணம் செய்யும் வரம் தந்து இருக்கார். இது என் நாலாவது வாய்ப்பு போன வாய்ப்பில் உனக்கு பிடித்த மாதிரி நடந்து நம்ம காதலை உறுதி செய்து விட்டேன். இருந்தாலும் அந்த விஜய் பற்றிய எண்ணம் உன் மனதில் மாற்ற மறுபடியும் இந்த கால பயணத்தை தேர்ந்தெடுத்தேன். இதை எப்படி நிறுத்துவது தெரியலை. ஒருவேளை மொத்த வாய்ப்பும் பயன்படுத்திய பிறகு இது நிற்கும் போல.."

"இது நிற்க ஒரே வழி நீ செய்த தப்பை சரிப்பண்ணனும் அல்லது நீ ரொம்ப காலமாக மறைக்கும் உண்மையை சொல்லணும். நீ என்ன தப்பு பண்ண அல்லது எந்த உண்மையை என்கிட்ட மறைக்கிற?"

ப்ரியாவின் திடீர் கேள்வியால் அர்ஜுன் என்ன பதில் சொல்வது என புரியாமல் முழித்தான். உடனே ஏதோ நினைத்தவன்..

"ஆமாம் இந்த விஷயம் உனக்கு எப்படி தெரியும்? இந்த கால பயணத்தை நிறுத்தும் தீர்வு உனக்கு தெரிந்தது எப்படி?"

"ஏனென்றால் உன்னை மாதிரி நானும் கால பயணம் செய்கிறேன். உன்னை காதலித்த பாவத்துக்காக சாயங்காலம் 5 மணி முதல் இதுவரை இந்த வாய்ப்பும் சேர்ந்தால் நான் கால பயணம் செய்வது இது நாலாவது முறை அப்படியே உன்னை போல"

"எப்படி இது நடந்தது?"

"நீ அந்த ஹரினந்தன் அடியாரே‌ காலை 10 மணிக்கு போய் பார்த்த நான் எட்டு மணிக்கே போய் பார்த்துட்டேன். இங்க பார் அவர் தந்த பூ..", பிரியா தான் தலையில் சூடி இருந்த பூவை காண்பித்தாள்.

"சுத்தம் அப்போ முதல் ரெண்டு தடவை நான் பண்ண சொதப்பல் எல்லாம் பார்த்து ரொம்ப காண்டாகி இருப்பே சரியா?"

"ஆமாம் என்னடா இவனை போய் லவ் பண்ணோம் நினைக்கிற அளவுக்கு காண்டு. அப்பறம் ரொம்ப வருஷமா நீ எனக்காக காத்திருந்தது நினைக்கும் போது.. சரி இவனுக்கு இன்னும் சில வாய்ப்பு தருவோம் என்று உன்னை மன்னித்தேன்."

"சில வருஷமா ஹலோ மேடம் உங்களை எனக்கு ரெண்டு மாசமா தான் தெரியும்", என சொன்ன அர்ஜுன் அவள் கண்ணை பார்ப்பதை தவிர்த்தான்.

"அடிங்கு கொன்றுவேன் இப்போ கூட உண்மையை ஒற்றுக்கொள்ள மாட்டே அப்படி தானே. உன்னை ஆபீஸ் ல பார்த்த முதல் நாளே நீ யார் என்று தெரிந்து விட்டது. கடைசியாக கேட்கிறேன் முதல் முதலில் உனக்கு என்னை எப்படி தெரியும் சொல்லுடா", பிரியா கோபத்தில் கத்த இதுக்கு மேல் மறைந்து எதுவும் ஆக போறது இல்ல என ஒரு முடிவுக்கு வந்தவன்.

"ஆமாம் பிரியா எனக்கு உன்னை முன்னாடியே தெரியும். நீ இவ்வளவு நாள் தேடிய விஜய் நான் தான். உன்னை ஃபேஸ்புக் ல ஏமாற்றிய அந்த கேடுக்கெட்டவன் நான் தான். எப்போ நீ என்னை காதலிப்பது போல சில அறிகுறி தெரிந்ததோ அப்போவே பொய்யான ஒருவனா உன்னை காதலிக்க முடியாது என்ற உண்மை அறிந்து நானே விலகிட்டேன். நீ என்னை தொடர்பு கொள்ள முயன்ற நேரத்தில் எல்லாம் திரும்பி என்னால் உனக்கு இன்னொரு ஏமாற்றம் வேண்டாம் என உன்னை பிளாக் பண்ணி கடைசியில் எல்லாத்துக்கும் காரணமாகிய அந்த ஃபேஸ்புக் அக்கவுண்ட் ஆ நிக்கி விட்டேன். எல்லாம் உன் அளவுக்கு நான் அழகவோ உன்னை மாதிரி மற்றவர் மனதை கவரும் விதத்தில் பேச முடியாதா தாழ்வு உணர்ச்சியால் இப்படியெல்லாம் செய்து விட்டேன்."

"அழகா இல்லையா ஹலோ பாஸ் முன்ன பின்ன கண்ணாடி பார்த்து இருக்கியா? முதலில் போய் பார் உன் மேல் காதல் என்ற பேரில் பைத்தியமா எத்தனை பொண்ணுங்க நம்ம ஆபீஸ் இருக்காங்க தெரியுமா. இது எதுவும் தெரியாமல் நீ அழகே இல்லனு சொல்ற?"

"இப்போ நான் இருப்பது வேற உன்னை முதல் முதலில் ஃபேஸ்புக் ல சந்தித்த போது இருந்த விதம் வேற. இந்த ஃபோட்டோ ஆ பார் பார்த்து நீயே சொல்லு", அர்ஜுன் அவனின் ஏழு வருட பழைய போட்டோவை காண்பித்தான்.

அதில் ரொம்ப குண்டாக பல்லு நாலு ஐந்து வெளியில் வந்த நிலையில் தலை முடி கூட ஒழுங்கா ஒரு நிலையில் இல்லாமல் பார்க்கவே முகம் சுளிக்கும் படி இருந்தான். பிரியா அவனையும் அவன் போட்டோவையும் மாறி மாறி பார்த்து சிரிக்க ஆரம்பித்தாள்.

"ஓய் என்ன சிரிப்பு இதுவரை இந்த ஃபோட்டோ பார்த்தவர்கள் அது நான் என்று நம்பாமல் திட்டி தான் இருக்காங்க. இப்போ முதல் முதலாக ஒரு பொண்ணு அதுவும் என் மனம் கவர்ந்தவள் நீ சிரிப்பது எனக்கே ஆச்சரியமாக இருக்கு. உன் சிரிப்பின் காரணம் என்னவோ..??"

"சொன்னால் கோபப்பட கூடாது சரியா.."

"சரி சொல்லு ஏதோ என்னை கேவலப்படுத்த போற மட்டும் தெரியுது"

"இப்போ நேரில் பார்ப்பதை விட இந்த போட்டோவில் தான் அழகா இருக்கே டா. பார் குண்டா எவ்வளவு கியூட்ட இருக்கே. அப்பறம் உன் உருவத்துக்கு தனி அழகு சேர்ப்பது இந்த நாலு பல்லு தான்டா யாப்பா செம்ம. தலை முடி ஏனோ தானோ இருந்தாலும் அதுவும் ஒரு விதமான அழகில் தான் இருக்கு. இதே மாதிரி மட்டும் ஏழு வருசத்துக்கு முன்னாடியே என் முன்னால் வந்து இருந்தே வை இப்போ நமக்கு கல்யாணம் ஆகி ஏழு வருஷம் ஆகி இருக்கும்.", பிரியா கிண்டலா கேலியா என புரியாத குரலில் சொன்னாள்.

"ஏய் சும்மா பொய் சொல்லாதே எனக்கு தெரியும் நான் அதில் உண்மையா நல்லவே இல்ல. என் மனசு கஷ்டப்பட கூடாது என்று நீ பொய் சொல்ற."

"நம்பு அர்ஜுன் நான் சொல்றது எல்லாம் உண்மை உண்மையை தவிர ஒண்ணும் இல்ல."

இப்படி மாறி மாறி சில சண்டை போட சரியா 8.55 மணிக்கு சிவா கௌசல்யா திரும்பி வந்தார்கள்.

"என்னடா அர்ஜுன் செம்ம ஜாலி போல. பிரியா என்ன எல்லாம் நல்லபடியா முடிந்ததா? அர்ஜுன் உன் காதலை சொல்லிட்டே போல நீ கலக்கு மச்சி.." - சிவா

"பிரியா நேரம் ஆச்சு டி போலாம்.." - கௌசி

"ஓகே அர்ஜுன் மறுபடியும் பார்ப்போம். நம்ம இன்னும் நிறைய பேசவேண்டியது இருக்கு. வரட்டா.." - பிரியா கண்ணடித்து விட்டு சென்றாள்.

' அட கடவுளே நான் என்ன பாவம் செய்தேன். மறுபடியும் முதலில் இருந்தா? இந்த நாலு முறையே முடியலை இன்னும் ஆறு வாய்ப்பு இருக்கு. போதாத குறைக்கு பிரியாவுக்கும் இன்னும் ஆறு வாய்ப்பு இருக்கு. கடைசியில் நான் பைத்தியக்காரன் ஆக போறது உறுதி.' - அர்ஜுன் தலையில் கை வைத்து உட்கார்ந்தான்.

"என்னடா அர்ஜுன் திரும்பி தலைவலியா? அதன் அப்போவே சொன்னேன் அடிக்கடி தலைவலி மாத்திரை எடுக்காதே என்று இப்போ பார் ரொம்ப பழகி போய் தலை வலியே போகலை." - சிவா

"சிவா உனக்கு சொன்னால் புரியாது இது நீ நினைக்கிற மாதிரி மாத்திரையால் போகும் தலைவலி இல்ல. இது அதுக்கும் மேல இதுக்கு மருந்தே இல்ல." - அர்ஜுன்

"என்னடா லூசு மாதிரி பேசுற என்ன ஆச்சு" - சிவா

"இன்னும் 10 நொடியில் மறுபடியும் சந்திப்போம்." - அர்ஜுன்

"மறுபடியுமா..?" - சிவா

ஐந்தாம் வாய்ப்பில் என்ன நடக்க போகுதோ..
 
#6
மறுபடியுமா..? 5

(ஐந்தாவது வாய்ப்பு)

"மச்சி நம்ம வரவேண்டிய இடம் வந்துச்சு இறங்கு." - சிவா

கடந்த நான்கு முறை நடந்த மாதிரி மறுபடியும் நடக்க சிவா கௌசல்யா போன பிறகு..

"இப்போ சொல்லு பிரியா உனக்கு எத்தனை மணியில் இருந்து மறுபடியும் நேரம் ஆரம்பிக்குது?"

"ஐந்து மணியிலிருந்து ஆரம்பிக்குது. மதியம் தூக்கத்திலிருந்து ஒவ்வொரு தடவையும் எழுந்த பிறகு டிரஸ் மாற்றி விட்டு ஆறு மணிக்கு கௌசல்யா கூட வண்டியில் இங்க வருகிறேன். உனக்கு எப்படி?"

"உன் அளவுக்கு கஷ்டமில்ல. தலைவலி காரணமா எடுத்து கொண்ட மாத்திரையால் வரும் போதே டாக்சியில் தூங்கிட்டேன். ஒவ்வொரு தடவையும் 6.45 மணிக்கு சிவா எழுப்ப அடுத்த பத்தாவது நிமிடத்தில் உன் முன் வருகிறேன்", அர்ஜுன் இளித்து கொண்டே சொன்னான்

"அடப்பாவி உனக்கே இது நல்ல இருக்கா ஒவ்வொரு தடவையும் உன்னை பார்க்க நான் கிளம்பி இங்க ரெண்டு மணிநேரம் பயணம் செய்து வருகிறேன் நீ நோகாமல் பத்து நிமிடத்தில் உள்ளே வர. இதை கேட்கவே செம்ம காண்ட இருக்கு."

"என்ன பண்றது பிரியா காதலுக்காக சில பல தியாகங்கள் பண்ணி தான் திறனும். சரி சரி முறைக்காதே எனக்கு புரியுது எனக்காக நீ என்னடா தியாகம் பண்ண என கேட்கிறாய் சரியா?"

"சரி தான் அப்படி ஐயா என்ன பண்ணி கிழித்திர்கள் தெரிந்து கொள்ளலாமா"

"போன கால பயணத்தில் என் ஃபோட்டோ பார்த்தியே அந்த உருவத்தில் இருந்து இப்போ நீ சொன்னாயே... ஆபீஸ் ல எல்லா பொண்ணுங்களும் என் அழகில் மயங்கி காதல் என்ற பேரில் பைத்தியமா சுற்றுக்கிறார்கள்.. அதுக்கு எல்லாம் காரணமே உன்னை நேரில் என்றாவது ஒரு நாள் காண்பேன். அப்போ உனக்கு ஏற்ற மாதிரி என்னை மாற்ற வேண்டும் என்ற ஆசையில் என்னை நானே வருத்தி எடுத்து குண்டான உடலை குறைத்தேன். உடம்பை ஏற்றுவது சுலபம் பிரியா ஆனால் அதே உடலை குறைப்பது அவ்வளவு சுலபம் இல்ல அதுவும் பிறந்ததிலிருந்து குண்டவே இருந்ததால் ரொம்ப கஷ்டப்பட்டு உடம்பை குறைத்தேன். சில ஆபரேஷன் கூட பண்ணிக்கொண்டேன் எல்லாம் உனக்கு ஏற்றவனா மாறனும் என்ற வெறியில் தான்."

"அது தேவையில்லாதது டா உண்மையான காதலில் புற அழகு முக்கியமே இல்ல. நீ எப்படி இருந்தாலும் எனக்கு பிடிக்கும்."

அவள் கையை ஆதரவா பிடித்தவன்..

"எனக்கு இப்போ புரியுது பிரியா ஆனால் இப்போ நான் சொன்னது எல்லாம் தன்னம்பிக்கையே இல்லாத அந்த அர்ஜுன் பற்றி தான். இப்போ கூட சொல்றேன் உனக்கு நான் எப்படி இருந்தாலும் பிடிக்கும் ஆனால் நம்மை சுற்றி இருப்பவர்கள் கண்ணிலும் அதே போல இருக்காது ல. இப்போ நம்மை பார்ப்பவர்கள் நல்ல ஜோடி என்பார்கள் அதுவே என் பழைய உருவதோடு பார்த்தால்... சே இந்த பொண்ணு என்ன குறை போயும் போயும் ஒரு யானை கூடவா ஜோடியா வெளியில் வரணும்.. இப்படி நிறைய கிண்டல்கள் என்னோடு சேர்த்து நீயும் அனுபவிக்க வேண்டும். எதுக்கு உனக்கு தேவையில்லாத கஷ்டம் அவமானம். அதான் நான் உனக்கு ஏற்ற மாதிரி மாறும் வரை உன் முன்னால் வர கூடாது என்று இருந்து விட்டேன்."

"ஒருவேளை நான் இந்த ஏழு வருடத்தில் வேற யாரையாவது காதலித்து இருந்தால் என்ன பண்ணுவ அதை விட யாரையாவது கல்யாணமே பண்ணி இருந்தால் உன் நிலைமை என்ன?"

அர்ஜுன் சிரித்து கொண்டே..

"ஹலோ மேடம் என்னை என்னவென்று நினைச்சே நீ சொல்ற மாதிரி நடப்பதற்கு முன்னாடியே உன்னை தூக்கிட்டு வந்து இருக்க மாட்டேன்."

"அட தூக்கிட்டு போற முஞ்சிய பார்."

"ஏன் முடியாது சொல்றியா? வேண்டுமென்றால் ஒரு சாம்பிள் காட்டவா"

"ஐயோ சுற்றி எத்தனை பேர் இருக்காங்க சும்மா இரு.."

"அப்போ ஆட்கள் இல்லாத இடம் என்றால் பரவலையா"

"சோ.. விளையாட்டை விட்டு சீரியஸ் ஆ பேசு.."

"சரி சீரியஸ் ஆவே சொல்றேன். கண்டிப்பா என்னை தவிர வேற யாரைக்கும் உன் கழுத்தில் தாலி காட்டவிட்டு இருக்க மாட்டேன். எப்படி என்று கேட்காதே அது எனக்கே தெரியாது, இருந்தாலும் சொல்றேன் எந்த காரணத்துக்காகவும் உன்னை யாருக்கும் என்னால் விட்டு கொடுக்க என்னால் முடியாது."

"அப்போ ஏன்டா ஆபீஸ் ல என்னை பார்த்த முதல் நாளே உன்னை பற்றிய உண்மையே ஏன் சொல்லல?"

"எப்படி டி சொல்றது மேடமுக்கு பொய் சொன்னாலே பிடிக்காது இதுல நான் பொய்யான ஃபேஸ்புக் அக்கவுண்ட் வைத்து உன்னை ஏமாற்றி வேற இருக்கேன். அதன் எங்க உண்மை சொன்னால் கடைசி வரை உன் கூட சேர முடியாமலே போய்டும் என்ற பயத்தில் தான் சொல்லல."

"நீ சொல்றது கூட உண்மை தான். எனக்கு யார் என்கிட்ட பொய் சொன்னாலும் பிடிக்காது. நான் உண்மையா இருக்குற மாதிரி எங்கிட்டயும் எல்லாரும் உண்மையா இருக்கணும் எதிர்பார்ப்பவள் தான். முதலில் விஜய் என்ற பேரில் நீ ஃபேஸ்புக் ல ஏமாற்றிய போது உண்மையாவே கோபப்பட்டேன், வாழ்க்கை முழுத்தும் இப்படிப்பட்ட ஆளை சந்திக்கவே கூடாது என்ற முடிவில் கூட இருந்தேன். இந்த மாதிரி நான் என் மனதை உனக்கு எதிராக தினம் தினம் சொல்லி கொண்டே இருந்தாலும் எனக்கு ஒரே கேள்வி தான் புத்தியில் அடித்து கொண்டே இருந்தது."

"என்ன கேள்வி..??"

"நீ உன்னை பற்றி பொய் சொல்றாய் என்பதை நானே கண்டுபிடிக்கல நீயாவே உண்மை ஒற்றுக்கொண்டு விலகி சென்றாய். நான் கோபத்தில் உன்னை திட்டிய போதும் உன்னை பிளாக் பண்ணனும் என்று எனக்கு தோணல ஆனால் நீயாவே என்னை பிளாக் பண்ண. இப்படி எந்த விதத்திலும் உன்னை நான் குறை சொல்ல முடியாத மாதிரி என்னை விட்டு நீயே விலகி தான் போனாய். இதற்கு பதில் தெரிய என் ப்ரெண்ட்ஸ் ஃபேஸ்புக் அக்கவுண்ட் மூலம் உன்னிடம் பேச வந்தால் சரியா அது நான் என கண்டுகொண்ட நீ உன் அக்கவுண்டேயே மொத்தமா டெலீட் பண்ணிட்டே. ஒரு பொண்ணை பொய்யான பேரில் பொய்யா நடித்து ஏமாற்றுபவன் செய்யும் காரியம் இல்லயே இது. இந்த காரணத்தால் தான் கண்டிப்பா நீயே ஒரு நாள் என்னை தேடி வருவாய் என்ற நம்பிக்கையில் இருந்தேன்."

அவள் தன்னை நம்பிய விதத்தை கேட்டவன் உடல் எல்லாம் சிலிர்த்தது.

"பிரியா உண்மையாவே எனக்காகவே இத்தனை வருஷம் காத்திருந்தாயா? நான் அப்படி என்னடி பண்ணேன்."

"உன்னை பற்றிய உண்மையை தவிர மாற்ற விஷயத்தில் உண்மையா தானே இருந்தாய். நீ சொல்ற அழகு எல்லாம் இன்னும் எத்தனை வருஷத்துக்கு வரும் சொல்லு ஒரு பத்து வருஷம்? இருபது வருஷம்?. நீ செய்த மாதிரி நிறைய ஆபரேஷன் செய்து நம்ம புற அழகை மாற்றி கொள்ள முடியும். ஆனால் நம்ம அக அழகை எந்த ஆபரேஷன் செய்து மாற்ற முடியும். பெண்ணை பெண்ணாக மதிக்கும் எண்ணம், ஆண் என்ற கர்வம் இல்லாமல் செய்த தவறை ஒற்றுக்கொள்ளும் பண்பு, இதை எல்லாத்தையும் தாண்டி உன் கூட பேசும் போது எனக்குள் எழுந்த பாதுகாப்பு உணர்வு இதை எல்லாம் வைத்து என்றாவது ஒரு நாள் நீயே என்னை தேடி வருவாய் என்ற நம்பிக்கையில் இருந்தேன் டா."

"என்ன சொல்றது என்றே தெரியல இத்தனை நாள் நான் தான் உன்னை ரொம்ப காதலித்தேன் என நினைத்தால் என்னை விட என்னை நேரில் கூட பார்க்காமல் வெறும் ஃபேஸ்புக் ல பேசியது வைத்து என் மேல் எவ்வளவு நம்பிக்கை வைத்து இருந்தாய் என்று கேட்கும் போது உண்மையாவே ஆச்சரியமாக தான் இருக்கு. என்னை விட உன் காதல் தாண்டி சிறந்தது. பல உடல் வலிகள் தாங்கி என்னை நானே மாற்றியது பெரிசு இல்லடி. உண்மையாவே நான் எப்படிப்பட்டவன் என்று எதுவும் தெரியாமல் என்னால் ஒரு தடவே ஏமாற்றப்பட்டும்.. கண்டிப்பா என் விஜய் நல்லவன் தான் என்னை தேடி கண்டிப்பா வருவான்.. என்ற நம்பிக்கையில் எத்தனை மன வலிகள் தாங்கி இருப்பாய். நல்லவேளை என்னை பற்றிய விஷயத்தை நீ யாருக்கிட்டயும் சொல்லல. அது வேற சொல்லி இருந்தால் இன்னும் எத்தனை பேர் உன் மனசை காயப்படுத்தி இருப்பாங்க"

அதுவரை இவர்கள் பேசியது எல்லாம் ஃபோன் ஸ்பீக்கர் ல கேட்டு கொண்டு இருந்த சிவா மற்றும் கௌசல்யா..

"அடேய் மச்சி ரொம்ப சந்தோசப்படாதே எங்களுக்கு எல்லாமே தெரியும்." - சிவா

"ஆமாம் அண்ணா ஒவ்வொரு தடவையும் பிரியா கால பயணம் செய்யும் போதும் நீங்க இருவரும் பேசியது எல்லாம் விலாவாரியாக எங்களுக்கு சொல்லிட்ட." - கௌசல்யா

அதனை பிரியாவின் ஃபோன் மூலம் கேட்டவன் அதிர்ச்சியில்..

"யாப்பா தங்கங்களா கொஞ்சம் இங்க வந்து சொல்றீங்களா" - அர்ஜுன்

அவர்கள் இருவரும் வந்த பிறகு..

"என்னங்கடா நடக்குது இங்க டுவிஸ்ட் மேல டுவிஸ்ட் ஆ இருக்கு. கௌசல்யா நீயாவது பிரியா கூட ஒவ்வொரு தடவையும் இருந்தாய் ஆனால் சிவாவுக்கு எப்படி எங்க கால பயணம் தெரிந்தது. ஒருவேளை நீங்க ரெண்டு பேரும் கூட எங்களை மாதிரி கால பயணம் செய்கிறீர்களா?" - அர்ஜுன்

"இல்ல அண்ணா நீங்களும் பிரியா மட்டும் தான் பயணம் செய்கிறீர்கள். எனக்கு பிரியா ஒவ்வொரு தடவையும் தூக்கத்தில் இருந்து எழுந்த பிறகு உடை மாற்றி கொண்டே நடந்தது எல்லாம் சொல்லுவாள். அதன் மூலம் எனக்கு தெரியும்." - கௌசல்யா

"அப்போ சிவா உனக்கு?" - அர்ஜுன்

"நீ டாக்ஸி ல தூங்கிட்டு இருக்கும் சமயத்தில் பிரியாவே ஃபோன் பண்ணி சொல்லுவாள். அதன் மூலம் எனக்கு தெரியும்." - சிவா

"அட போங்கடா திரும்பி எனக்கு தலைவலி வந்திடும் போல. வெயிட் வெயிட் அடேய் உண்மையில் அது தலைவலி மாத்திரை தானே இல்ல வேற ஏதாவது கொடுத்தியா?" - அர்ஜுன்

சிவா தன் காதை பிடித்து கொண்டு தோப்புக்கரணம் போடுற மாதிரி ஆக்சன் காண்பித்து விட்டு..

"சாரி டா நீ நினைத்தது சரி தான் அது தலைவலி மாத்திரை இல்ல அது தூக்க மாத்திரை. ஹரினந்தன் அடியார் சொன்னது பலிக்க வேண்டும் என்றால் நீ கொஞ்ச நேரமாவது தூங்கனும் அதன் இப்படி பண்ணேன் அத்தோடு எல்லாத்துக்கும் மாத்திரை சாப்பிடும் உன் பழக்கம் போகவும் இப்படி நான் செய்ய வேண்டியதாக போச்சு. நீயே பார் நீ எடுத்து கொண்டது தூக்க மாத்திரை ஆனால் கூடவே உன் தலைவலியும் போச்சு காரணம் மாத்திரை சாப்பிட்டால் தான் தலைவலி போகும் நீ நம்பினே அந்த நம்பிக்கையால் போச்சு. அவ்வளவு தான் மற்றபடி வெறும் மாத்திரை காரணம் இல்ல." - சிவா

"சரி தான் மச்சி இனிமேல் கண்டிப்பா எல்லா விஷயத்துக்கு மாத்திரை எடுத்து கொள்ள மாட்டேன் இது சத்தியம். அப்பறம் பிரியா உனக்கு நான் நன்றி சொல்லியே திறனும்.." - அர்ஜுன்

"எதுக்கு டா.." - பிரியா

"என்னதான் சிவா என் உயிர் நண்பன் என்றாலும் ஒரு காலத்தில் உன்னை பொய்யான பேரில் ஏமாற்றிய விஷயம் தெரிந்தால் எங்க நட்பு உடைந்து விடுமோ என்ற பயத்தில் நான் எதுவும் சொல்லல. ஆனால் அதை பற்றி தெரிந்தும் தெரியாமல் நீயே அந்த உண்மையை அவன் கிட்ட சொல்லி என் நெடுநாளைய குற்ற உணர்வை போக்கி விட்டாய்." - அர்ஜுன்

"விடு மச்சி எல்லாம் நன்மைக்கே. முதலில் பிரியா உன்னை பற்றி சொன்ன போது என் நண்பன் அப்படி இல்லை என சண்டை கூட போய்ட்டேன் பிறகு தான் உன் பழைய டைரியை உனக்கு தெரியாமல் படிச்சு பார்க்கும் போது உண்மை தெரிந்தது. சும்மா சொல்ல கூடாது பிரியா பையன் உன்னை ரொம்பவே லவ் பண்றான். பக்கத்துக்கு பக்கம் உன்னை பற்றி மட்டும் தான் எழுதி இருக்கான். அது அவன் டைரியா உன் டைரியா தெரியாத அளவுக்கு அதில் முழுசா நீ தான் நீ மட்டும் தான் இருந்தாய்." - சிவா

"சரி சிவா மிச்சத்தை நம்ம அடுத்த கால பயணத்தில் பேசுவோம். இன்னும் சில நொடியில் மணி 9 ஆக போகுது." - பிரியா

சரியா 9 ஆக முன்று நொடிக்கு முன் அர்ஜுன் அவள் உதட்டில் முத்தம் ஒன்று தந்தவன்..

"இந்த முத்தத்தை நினைவு வைத்து கொள். மறுபடியும் நான் தந்தாலும் தருவேன்.." - அர்ஜுன்

ஐந்தாவது வாய்ப்பும் சில பல சேட்டைகளோடு முடிந்தது. இனி அடுத்த வாய்ப்பில் இவர்கள் என்ன பண்ண போறாங்களோ..??
 
#7
மறுபடியுமா..? 6

(ஆறாவது வாய்ப்பு)

"மச்சி நம்ம வரவேண்டிய இடம் வந்துச்சு இறங்கு." - சிவா

டாக்சிக்கு காசு கொடுத்துவிட்டு உள்ளே செல்ல ஆரம்பித்தார்கள் அப்போது அர்ஜுன் சிவாவிடம்..

"என்னடா ப்ரியா எல்லாத்தையும் போனில் சொல்லிட்டாளா?" - அர்ஜூன்

"எல்லாம் சொன்னாள். ஆனால் ஏதோ ஒரு விஷயத்தை அவள் மறைத்தது போலவே இருக்கு. நீ கடைசியாக ஏதாவது சில்மிஷம் பண்ணியா அதான் அவள் சொல்லாமல் விட்டுட்டாளா?" - சிவா

' ஐயோ இவன் கிட்ட எப்படி சொல்றது நம்ம முத்தம் கொடுத்தது தெரிந்தால் தூக்கி போட்டு மிதிப்பேனே சரி விடு பிரியாவை சொல்லல நம்ம எதுக்கு தேவையில்லாமல் சொல்லிக்கிட்டு', என மனதில் நினைத்து அர்ஜுன் சிவாவிடம், "இல்லையடா நான் என்ன சில்மிஷம் பண்ண போறேன். என்னைப் பற்றி உனக்கு தெரியாததா? நான் எவ்வளவு நல்ல பையன் ஒழுக்கமான பையன் என்னைப் பார்த்து நீ இப்படி கேட்கலாமா?"

"உன் மூஞ்சியே பார்த்தால் அவ்வளவு நல்லவன் மாதிரி தெரியலையே டா எனக்கு இன்னும் சந்தேகமா தான் இருக்கு."

"விடு மச்சி இதுக்கு மேல நீ கேட்டால் நான் அழுதுடுவேன் உள்ளே போய் ஆக வேண்டியதை பார்ப்போம்."

"சரி வந்து தொலை டிரஸ் எல்லாம் மாத்த போறியா இல்ல இதே போட்டுக்கப் போறியா...?"

"இல்லடா டஸ் மாத்தவே பத்து பதினைந்து நிமிடம் ஆகுது எதுக்கு நேரத்தை வேஸ்ட் பண்ணிக்கிட்டு நேரடியா உள்ளேயே போவோம்.."

இருவரும் நேரடியாக கௌசல்யா மற்றும் பிரியா முன்னே போய் நின்றார்கள்.

"சிவா கௌசல்யா நீங்க ரெண்டு பேரும் எங்களை பத்து நிமிடம் தனியா விட்டு போறீங்களா எனக்கு இவன் கிட்ட தனியா பேச ஒரு விஷயம் இருக்கு. எப்படியும் பேச வேண்டிய விஷயத்தை நீங்கள் வந்த பிறகு பேசலாம்" - பிரியா

சிவா மற்றும் கௌசல்யா போனபிறகு அர்ஜுன் தோளில் நாலு சாத்து சாத்தினாள்.

"என்னடா நினைச்சுகிட்டு இருக்க நல்ல வேளை நம்ம கால பயணம் செய்வதால் நீ முத்தம் கொடுத்த விஷயம் யாருக்கும் தெரியல. அப்படி மட்டும் இல்லை என்றால் என் மானம் மரியாதையை போயிருக்கும்."

"அந்த காரணத்தால் தானே உடனே நேரம் முடிவதற்குள் முத்தமொன்றை தந்தேன்.", அர்ஜுன் கண்ணடித்துக் கொண்டே பதில் சொன்னான்

"அதற்கு சொல்லாமல் கொள்ளாமல் ஆ முத்தம் தருவாய் நான் அப்படியே ஷாக் ஆயிட்டேன் தெரியுமா?"

"சொல்லாமல் கொடுத்தால் தான் அந்த முத்தத்திற்கு தனி கிக் சொல்லிட்டு கொடுத்தால் அதில் என்ன சுவாரசியம் இருக்கு. இப்ப கூட பாரு உன் உதட்டோட சுவை இன்னும் என் உதட்டில் இருக்கு"

பின் ப்ரியா வெட்கத்தில் கன்னம் சிவக்க பத்து நிமிடத்திற்கு பிறகு சிவாவும் கௌசல்யாவும் வந்தார்கள்.

"சொல்லுடா நல்லவனே உனக்கும் பிரியாவுக்கும் பேஸ்புக்கில் முதன்முதலில் எப்படி அறிமுகமானது? எப்படி காதலில் விழுந்தீர்கள்?" - சிவா

"ஆமாம் அண்ணா எனக்கும் இந்த விஷயம் தெரியாமல் மண்டை பிச்சிக்கலாம் போல இருக்கு." - கௌசல்யா

"எதுக்கு தேவையில்லாமல் எங்க கதை தானே சொல்லிவிட்டால் போச்சு. ஆனாலும் இந்த தடவை சொன்ன பிறகு திரும்பி நாங்க கால பயணம் செய்துவிட்டு வரும் போது உங்களுக்கு அது நினைவில் இருக்காதே. அப்ப என்ன பண்றது?" - அர்ஜுன்

"அதைப்பற்றி அப்புறம் பார்க்கலாம் நீ முதலில் கதையை சொல்.." - சிவா

"காதலே ஒரு விபத்து என்று சொல்வார்கள் அது எந்த அளவுக்கு உண்மை என்பது எங்களின் ஃபேஸ்புக் சந்திப்பில் தான் தெரிந்தது. அப்போ எங்கள் இருவருக்குமே வயது 17 பன்னிரண்டாம் வகுப்பு படித்துக்கொண்டிருந்த சமயம்"

அர்ஜுன் பிளாஷ்பேக் சொல்ல ஆரம்பித்தான்..

தன் உருவத்தால் நண்பர்கள் யாரும் கிடைக்காத மன வருத்தத்தில் இருந்த அர்ஜுன் பேஸ்புக் மூலமாவது நண்பர்கள் கிடைப்பார்களா என்ற எண்ணத்தில் தனக்கான பேஸ்புக் அக்கவுண்டை தொடங்கினான். அதற்கு "விஜய் சம்பத்" என பொய்யான பெயர் சூட்டினான். ப்ரொபைல் ஃபோட்டோவை, படிக்கும் பள்ளி, இருக்குமிடம் பற்றிய விஷயங்களை கூட பொய்யா சொல்லிவிட்டு தனக்கு பிடித்த விஷயங்கள் ஹாபீஸ் மட்டும் உண்மையாக ஃபேஸ்புக்கில் பதித்தான்.

நண்பர்கள் என்னவோ சில பேர் கிடைத்தாலும் யாருமே அவன் மனத்துக்கு பிடித்த மாதிரி இல்லை. தன் என்ன எதிர்பார்க்கிறோம் என்றே புரியாமல் சென்று கொண்டிருந்த சமயத்தில்தான் அவன் வாழ்க்கைக்குள் "பிரியா சுரேஷ்" என்ற பெண்ணின் அறிமுகம் அவனுக்கு கிடைத்தது. அவள் பேஸ்புக்கில் தன் எடுத்த சில போட்டோக்களை அவள் பதித்து இருந்தாள். அதனை பார்த்த அர்ஜுன் அதற்கு லைக் செய்து விட்டு தன் அபிப்ராயத்தை கமென்ட் வடிவில் கூறினான். சரியா எடுக்கப்படாத சில போட்டோவை பார்த்தும் தன் உண்மையான அபிப்ராயத்தை கூறினான்.

மனிதனின் இயல்பு தன்னை பாராட்டும் நபர்களை தாண்டி தன் செய்யும் விஷயத்தில் சிறு குறை காண்பவர்கள் பற்றிய விஷயங்களை அறிந்து கொள்ளும் ஆர்வம் வந்து விடும். அதான் அர்ஜுன் பிரியா விஷயத்திலும் நடந்தது.

அர்ஜுன் பிரியாவின் போட்டோவில் இருந்த குறையை கண்டுப்பிடித்ததும் இல்லாமல் தன் கைப்பட சில போட்டோவை எடுத்து.. இதே மாதிரி எடுத்தால் இன்னும் நன்றாக இருக்கும்.. என்ற கருத்தையும் சொன்னான்.

அதுவரை போட்டோ கமெண்டில் பேசிக்கொண்டிருந்தவார்கள் ப்ரெண்ட் ரெக்வஸ்ட் மூலம் நண்பர்களாக மாறினார்கள். பின் ஃபேஸ்புக் மெசேஜர் மூலம் தினம் தினம் தாங்கள் அன்று எடுத்த போட்டோவை பரிமாறிக் கொண்டு பேச ஆரம்பித்தார்கள். போட்டோக்களையும் தாண்டி சமயம் கிடைக்கும்போது தங்கள் கைப்பட எழுதிய கவிதைகளையும் கூட பரிமாறிக் கொண்டார்கள்.

"புற அழகை குறைசொல்லும் மானிடர்களே..
பலாப்பழத்தின் வெளித்தோற்றம் கூர்மையாக இருந்தாலும்..
உள் பழமோ சுவை மிகுந்தது..
எங்களின் அக அழகோ அதனை போல தூய்மையானது.."

"உன் கண் என்ற சிறையில்..
கைதியாக இருக்க வரலாமோ..
உன் மேல் காதல் கொண்ட என் மனதை..
ஆயுள் கைதியாக அதில் அடைபாயா..??"

இவ்வாறு கவிதையும் தங்கள் மனது கருத்தையும் மாறி மாறி இருவரும் பரிமாறிக் கொண்டார்கள்.

இப்படியே சென்று கொண்டு இருந்த இவர்கள் உரையாடல் ஒரு கட்டத்தில் காதலாக பூத்தது. அர்ஜுனுக்கு முன்னால் அதனை உணர்ந்த பிரியா அவனை நேரில் சந்தித்து தன் காதலை பரிமாறிக் கொள்ள விரும்பினாள்.

"விஜய் நான் ஒன்னு கேட்டா தப்பா நினைக்க மாட்டியே?" - பிரியா

"ஏய் சீ நீ என் பிரண்டு டி நான் எதுக்கு தப்பா நினைக்க போறேன் தயங்காமல் கேளு.." - அர்ஜுன் (விஜயாக)

"அது இல்லடா கேட்டு விடுவேன் அப்புறம் நீ என்கூட பேசாமலேயே போய்விட்டால் என்ன பண்றது." - பிரியா

"இங்க பார் பிரியா நீ என்னோட பெஸ்ட் பிரண்ட் நானே நினைத்தாலும் உன் கூட பேசாமல் என்னால இருக்க முடியாது. நீ என்ன கேட்கணுமோ கேளு" - அர்ஜுன் (விஜயாக)

"என்னன்னு தெரியலடா கொஞ்ச நாளா நீ எனக்கு ஒரு பிரண்டுக்கு மேல என்பது போல ஒரு பீலிங். இது வயசுக்கோளாறு ஆ? இல்ல வேற ஏதாவதா? என சொல்ல தெரியல. உன்னை ஒரே ஒரு தடவை நேரில் பார்க்கணும் நேரில் பார்த்து என் மனசில் என்ன இருக்கோ அதை உன் கண்ணை பார்த்து சொல்லணும் ப்ளீஸ் எப்ப பார்க்கலாம் எங்க பார்க்கலாம் மட்டும் சொல்லு" - பிரியா

அதுவரை அவளை நல்ல தோழியாக பார்த்துக்கொண்டிருந்த அவனுக்கு பிரியாவின் வார்த்தை மூலமே அவனே அறியாமல் அவள் மேல் அவனுக்கு இருந்த காதலை உணர்ந்து கொண்டான். அதில் சந்தோஷத்தில் குதித்துக் கொண்டிருந்த அவனை அறியாமல் கண்ணாடியில் தன் தோற்றத்தை கண்டவன்..

"அவள் மனதில் குடி கொண்டவன் விஜய் தானே இந்த அர்ஜுன் இல்லையே. கற்பனையில் அவளின் விஜய் எந்த மாதிரி இருப்பான் என்ற பல கனவு கண்டு இருப்பாள். அவள் கனவை உடைப்பதற்கே அவள் முன்னாடி இந்த உருவத்தில் போய் நின்றால் அவள் எந்த அளவுக்கு ஏமாற்றம் அடைவாள். வேண்டாம் வேண்டவே வேண்டாம் எனக்குள் பூத்த காதல் இங்கேயே நான் அழித்து விடுகிறேன் என்னைப் பற்றி எந்த உண்மையும் அவள் தெரிந்து கொள்ள வேண்டாம்." - என தனக்குள் முடிவெடுத்த அர்ஜுன் கடைசியாக அவளிடம்..

"பிரியா சாரி இத்தனை நாள் நான் உன்னிடம் என்னை பற்றி சொன்னது அனைத்துமே பொய். என்னைப் பற்றி பேஸ்புக் புரொஃபைல் ல சொன்ன அனைத்துமே பொய் என் உண்மையான பெயர் கூட விஐய் இல்லை. இதுவரை உன் கிட்ட சொல்லியிருந்த என் பள்ளி பெயர் நான் இருக்குமிடம் கூட பொய். என்னை மன்னித்துவிடு உன்னை நம்பி வைத்து ஏமாற்றியதற்கு மன்னித்துவிடு.." - இவை அனைத்தும் கூறிய அர்ஜுன் அதன் பிறகு அவளுக்கு எந்த மெசேஜும் செய்யவில்லை.

"ஐ ஹேட் யூ.. நான் உன்னை வெறுக்கிறேன்.. இதுவரை உனக்கும் எனக்கும் இருந்த உறவு முடிந்தது.. லேட்ஸ் பிரேக் அப்.." - தன்னால் எந்த அளவுக்கு தண்ணீர் மாற்றத்தை காண்பிக்க முடியுமோ அந்த அளவுக்கு வார்த்தையால் பிரியா அவனுக்கு மெசேஜ் தட்டி விட்டாள்.

இத்தனை காலம் அவள் அன்பான சொற்களை கேட்டுக்கொண்டிருந்த அர்ஜுனுக்கு அவளின் கோபத்தை காட்டும் சொற்களை காண முடியாத காரணத்தால் அவளை ப்ளாக் செய்துவிட்டு வெளியேறினான்.

அடுத்த ரெண்டு மூணு நாளைக்கு அவன் மேல் கோபத்திலே சென்றுகொண்டிருந்த அவளுக்கு திடீரென்று ஒரு விஷயம் புரிந்தது. பொய்யான தகவலை கூறி ஏமாற்றியதும் அவனே அந்த அனைத்தையும் கூறி உண்மையை ஏற்றுக் கொண்டதும் அவனே. எதிலுமே அவன் பொய் சொல்கிறான் என்ற விஷயத்தை அவளால் கண்டு கொள்ளவே முடியவில்லை. உண்மையிலேயே அவளை ஏமாற்றுவது தான் அவன் குறிக்கோள் என்றால் அதனையே அவன் இன்னும் சில காலத்திற்கு தொடர்ந்து இருக்கலாம். எதனால் அவன் உண்மையை ஒற்றுக்கொள்ள வேண்டும் என யோசித்தவள்... அப்போ ஏதோ ஒரு விஷயம் நாமே அறியாதது இருக்கு. அது என்ன??.. என பல கேள்விகள் அவள் மனதை சுற்றி வர இதற்கு பதில் தேட தன்னுடைய சில நண்பர்களின் ஃபேஸ்புக் ஐடி மூலம் அவளின் விஜயை தொடர்பு கொள்ள முயன்றாள்.

எப்படியோ அவனுக்கு தொடர்ந்து மெசேஜ் செய்யும் ஐடி எல்லாம் பிரியா மூலமே வருகிறது என்பதை புரிந்து கொண்ட அர்ஜுன் மொத்தமாகவே அவனின் ஃபேஸ்புக் ஐடி ஏ டெலீட் செய்தான்.

இதற்கு பிறகு தான் அவன் மேலே பிரியாவுக்கு நம்பிக்கையே வந்தது. பெண்களை ஏமாற்றும் எண்ணம் இருப்பவன் செய்யும் காரியம் இது இல்லயே. தன்னை விட்டு விலக அவன் செய்யும் காரியம் எல்லாம் புரிந்தவள்... கண்டிப்பா என் விஜய் அது அவனின் உண்மையான பெயராக இல்லாத போதும் எனக்காகவே என்னை தேடி ஒரு நாள் வருவான் அந்த நம்பிக்கை எனக்கு இருக்கு. அதுக்கு இன்னும் எத்தனை வருஷம் ஆனாலும் நான் காத்திருப்பேன்... என்ற முடிவுக்கு வந்தாள்.

அவளின் நாயகனோ அவளின் ஆசை நிறைவேற்றவே தன்னை முழுசாக மாற்றும் வேலையில் இறங்கினான்.

உணவு பழக்கத்தை மாற்றுவது, தொடர்ந்து காலை மாலை அதிக நேரம் உடற்பயிற்சி செய்வது, பன்னிரண்டாம் வகுப்பு தேர்வு முடிந்த உடனேயே தன் பெற்றோரிடம் சண்டைபோட்டு தன்னுடலில் அதிகப்படியாக இருக்கும் கொழுப்பை ஆபரேஷன் செய்து அகற்றுவது, வெளியில் நீட்டி இருக்கும் அந்த நாலு ஐந்து பற்களை பல் மருத்துவரிடம் சென்று சரிப்படுத்துவது இப்படி தன் உருவத்தை அவன் மனம் கவர்ந்தவளுக்கு ஏற்ற மாதிரி மாற்ற என்னென்ன வழி எல்லாம் உள்ளதோ அதனையெல்லாம் தேடி தேடி செய்ய ஆரம்பித்தான். ஏகப்பட்ட உடல்வலி எல்லாம் மீறி ஐந்து வருடத்தில் தன்னை மொத்தமாக மாற்றிவிட்டு பிரியா இருக்குமிடத்தை தேடி செல்ல ஆரம்பித்தான்.

அவனின் ஒன்றரை வருட தேடலில் பிரியா ஒரு குறிப்பிட்ட கம்பெனியில் சேர இருப்பதை பற்றி அறிந்து கொண்டவன் தானும் அந்த கம்பெனியில் சேர விண்ணப்பித்தான். ஏற்கனவே கணினி துறையில் வேலை பார்த்த அனுபவத்தின் மூலம் சுலபமாகவே அவனுக்கு அந்த கம்பெனியில் வேலை கிடைத்தது. சரியா அதேநேரத்தில் பிரியாவும் அதே கம்பெனியில் சேர்ந்தாள்.

"அதற்கப்புறம் நடந்தது எல்லாம் உங்களுக்கே தெரியுமே.." - அர்ஜூன்

"ஆமாம் ஆமாம் நீ பண்ண கூத்து எல்லாம் நாங்க கடந்த ரெண்டு மாசமா பார்த்துக்கிட்டு தானே இருந்தோம்.." - சிவா

"ஆமாம்டி பிரியா எத வச்சு அர்ஜுன் தான் அந்த விஜய் என்பதை நீ பார்த்த முதல் நாளே கண்டுகொண்டாய்.." - கௌசல்யா

"அதைப்பற்றி நான் அடுத்த கால பயணத்தில் சொல்கிறேன் இன்னும் சில வினாடிகள் மணி 9 ஆக போகிறது.." - பிரியா

இந்த தடவை அர்ஜூனுக்கு பதில் பிரியாவே அவன் உதட்டில் முத்தம் ஒன்று தந்து விட்டு..

"அடேய் முத்தம் உனக்கு மட்டும்தான் கொடுக்க தெரியுமா எனக்கும் தெரியும். பரவால்ல சிகரெட் பிடித்தாலும் உதட்டே சிவப்பா தான் வச்சிருக்கே குட்.." - பிரியா

சரியா மணி 9 ஆனது அவர்களுக்கு அடுத்த கால பயண வாய்ப்பும் கிடைத்தது.
 
#8
மறுபடியுமா..? 7

(ஏழாவது வாய்ப்பு)

"மச்சி நம்ம வரவேண்டிய இடம் வந்துச்சு இறங்கு." - சிவா

டாக்சிக்கு காசு கொடுத்துவிட்டு உள்ளே செல்ல ஆரம்பித்தார்கள் அப்போது அர்ஜுன் சிவாவிடம்..

"என்னடா எங்கள் இருவரின் ஃபேஸ்புக் சந்திப்பை பற்றி ப்ரியா எல்லாம் சொன்னால?"

"சொன்னா சொன்னா சுருக்கமா எல்லாம் சொன்னாள். அடுத்து ஆபீஸில் நீ தான் அந்த விஜய் என அவளுக்கு எப்படி தெரிந்தது என்ற விஷயத்தை மட்டும் தான் சொல்லணும் வா அதையும் பேசி விடுவோம்."

பின் இந்த இருவரும் பிரியா மற்றும் கௌசல்யா முன் அமர்ந்தார்கள்.

"ஆரம்பிக்கலாம் ஆரம்பிக்கலாம்.." - சிவா

"என்னடா ஆரம்பிக்க சொல்ற?" - அர்ஜுன்

"வேற என்ன உங்க வீணாப்போன ஆபீஸ் கதைதான்.." - கௌசல்யா

"அது கதை இல்லடி காவியம்.." - பிரியா

"நீ முதலில் சொல்லி முடி அப்புறம் அது என்னவென்று நாங்கள் முடிவு செய்கிறோம்" - கௌசல்யா

"ஆமாம் பிரியா எனக்கே நீ எப்படி என்னை கண்டுபிடித்தாய் என அறிய ஆவலாக இருக்கு. சொல்லு சொல்லு" - அர்ஜுன் ஆர்வமாக அவள் கையைப் பிடித்து கேட்டான்

"அடேய் நாங்க இங்க இருக்கோம் கன்ட்ரோல் கன்ட்ரோல்.." - சிவா

பின் அவள் கையை விட்டவன் அசடு வழிந்தான்.

"சிவா எங்க கதைக்குள் போவதற்கு முன்னாடி நாங்க லன்ச் டைம் ல எப்போழுதும் சாப்பிடும் சாப்பாடு என்ன சொல்லு பாக்கலாம்" - பிரியா

"அதன் மொத்த ஆபீஸ்க்குமே தெரியுமே. அர்ஜுன் தினமும் கோபி ரைஸ் ஸ்ட்ராபெர்ரி மில்க் ஷேக் எடுத்துக்கொள்வான். நீயோ சீஸ் பர்கர் சாக்லேட் மில்க் ஷேக் எடுத்துக்கொள்வாய்." - சிவா

"உண்மையில் என்னோட ஃபேவரைட் உணவை அவனும் அவனோட ஃபேவரைட் உணவை நானும் கடந்த ஏழு வருஷமாக மாற்றி மாற்றி சாப்பிடுகிறோம். அதுவே முதன் முதலில் அர்ஜுன் மேல் நான் சந்தேகப்பட முதல் காரணமாக அமைந்தது." - பிரியா

அவர்களின் ஆபீஸ் பிளாஷ்பேக்...

"ஓய் கௌசல்யா என்னடி ரொம்ப சந்தோசமா இருக்கே போல.." - பிரியா

"இருக்காதா பின்ன ஒரு வாரத்துக்கு முன்னாடி தான் சிவா கூட கமிட் ஆனேன் இப்போ அவன் ஆபீஸ்லயே ஜாயின் பண்ணிட்டேன். காதலன் இருக்கும் இடத்தில் வேலை செய்வதே ஒரு தனி சுகம் ல.." - கௌசல்யா

பிரியாவுக்கு அவளின் விஜய் பற்றிய நினைவு வந்தது.

' விஜய் எங்கடா இருக்கே என் மனசு என்னமோ நீ என் அருகில் எங்கயோ இருக்குற மாதிரி சொல்லுது. என் உணர்வு சரியா? தப்பா? எப்பொழுது என்னை கவர்ந்து போக வருவாய்.' - பிரியா மனதில் தன் மனதை கொள்ளை கொண்ட கள்வனை நினைக்க சரியா அதே நேரத்தில் அவளின் கள்வன் அர்ஜுன் அவளை கண்ணாடி கதவு வழியா பார்த்து கொண்டு இருந்தான்.

அப்போ சிவாவிடம் இருந்து ஃபோன் வர அதனை எடுத்தவன்

"சொல்லுடா என்ன விஷயம்?" - அர்ஜுன்

"அடிங்கு உனக்காக எவ்வளவு நேரம் கேன்டீன் ல வெயிட் பண்றது. இன்னும் கொஞ்ச நேரத்தில் என் ஆள் கௌசல்யாவுக்கு உன்னை அறிமுகம் பண்ணலாம் என இருக்கேன் மரியாதையா வந்து மரியாதையாக வந்து சேர்." - சிவா

அந்த கௌசல்யா யார் என்ற விஷயம் முன்னே அறிந்த அர்ஜுன் சரி என்றான். ஆனால் அவனுக்கு தெரியாதது என்னவென்றால் இந்த அறிமுகத்தில் பிரியாவும் கௌசல்யாவோடு வருவாள் என.

அர்ஜுன் கேன்டீன் சேரவும் அங்கே பிரியா கௌசல்யா வரவும் சரியா இருந்தது. சில பல அறிமுகத்திற்கு பிறகு..

"மிஸ்டர் அர்ஜுன் உங்களை எங்கயோ பார்த்த மாதிரி இருக்கு. உங்களுக்கு என்னை ஏற்கனவே தெரியுமா?" - பிரியா

"பிரியா ரேஸ்பெக்ட் எல்லாம் வேண்டாம். ப்ரெண்ட் ஆ வா போ மாதிரி பேசு பிரச்சினை இல்ல. என்ன கேட்ட எனக்கு உன்னை ஏற்கனவே தெரியுமா என்றா? இல்ல இதன் உன்னை முதல் முதலில் நம்ம நேரில் சந்திப்பது." - அர்ஜுன் உண்மை பாதி பொய் பாதி என சொன்னான்.

"ஓ அப்படியா சரி சரி.." - பிரியா

என்னதான் அர்ஜுன் சரியான விதத்தில் பதில் சொல்லி இருந்தாலும் பிரியாவுக்கு மட்டும் அவன் ஏதோ ஒன்றை மறைப்பது போலவே தோன்றியது. ஏதோ காரணத்தால் வேண்டும் என்றே அவன் அவளின் கண்ணை பார்க்காததை வைத்தே அவளுக்கு அப்படி ஒரு சந்தேகம் தோன்றியது.

"ஓகே சொல்லுங்க என்ன சாப்பிடலாம். கௌசி பிரியா நீங்க சொல்லுங்க. இந்த அர்ஜுன் கிட்ட கேட்கவே வேண்டாம் இவன் சரியான கோபி ரைஸ் ஸ்ட்ராபெரி மில்க்ஷேக் பைத்தியம். தினமும் லஞ்ச் டைம்ல இந்த ரெண்டை தவிர வேறு எதையும் சாப்பிட மாட்டான்." - சிவா

சிவா சொன்னதிலிருந்து அர்ஜுன் உணவு பழக்கத்தில் மூலம் அவன் மேல் பிரியாவுக்கு சந்தேகம் வலுவடைந்தது.

"இங்கேயும் அதே தான் நிலைமை சிவா. பிரியாவும் தினமும் சீஸ் பர்கர் சாக்லேட் மில்க் ஷேக் தான் சாப்பிடுவாள். எப்படி தினமும் இதை சாப்பிட்டு உடம்பை ஃபிட்டா வைத்து இருக்கிறாள் என்றே தெரியல." - கௌசல்யா

பிரியா முன்பு தவிப்பில் உட்கார்ந்து இருந்த அர்ஜுனுக்கு பிரியாவை உணவு பழக்கத்தை தெரிந்தவுடன் இன்னும் அவள் மனதில் ஏதோ ஒரு மூலையில் தன் இருப்பதை நினைத்து சந்தோஷப்பட்டான்.

அதன்பிறகு அவர்கள் வாழ்க்கை ஒரு வாரத்துக்கு சாதாரணமாகவே சென்றது. சில பயிற்சிகளுக்குப் பிறகு அர்ஜுன் டீம் லீடராக இருக்கும் ப்ராஜெக்டில் பிரியா டெவலப்பராக சேர்ந்தாள். பிராஜக்டிற்கு தேவையான தகவல்களை கொடுத்து அவளை ட்ரெயின் பண்ணவேண்டியது அர்ஜுன் பொறுப்புக்கு வந்தது.

அர்ஜுனன் மேல் ஏற்கனவே சிறு சந்தேகத்தில் இருந்த பிரியாவுக்கு அவனின் மின்னல் வெட்டு பார்வை அப்போ அப்போ தன்னை தீண்டுவதைப் கண்டு அவனிடம் ஏதோ ஒரு மர்மம் இருப்பதை உணர்ந்து கொண்டாள்.

அதனை உறுதி செய்யும் விதமாக அர்ஜுனன் ஒரு வேலையாக பிரியா பக்கத்தில் இருந்த மற்ற ஒரு பெண்ணிற்கு உதவி செய்யும் சமயத்தில் அவனுக்கு தெரியாமல் அவன் போன் லாக் இல் தன் பெயரை டைப் செய்தாள் பிரியா. அவள் டைப் செய்து என்டர் தட்டியே உடனேயே ஃபோன் அன்லாக் ஆனது.

"அடேய் திருட்டுப்பயலை என் பெயரையா பாஸ்வேர்டா வைத்திருக்க உனக்கு இருக்கு டா டேய்.." - பிரியா

அப்படியே அவன் போன் போட்டோ கேலரி ல போய் அவள் சோதனை செய்ய அவள் பெயரை போட்டு ஒரு போல்டரையே உருவாக்கி வைத்திருந்தான். அதில் இருந்த ஒவ்வொரு போட்டோவாக அவள் பார்த்துக் கொண்டே வர..

அவள் செய்த டிக் டாக் வீடியோஸ் மற்றும் போட்டோஸ் என கடந்த 7 வருடங்களாக அவளே நல்லா இல்ல என அழித்த போட்டோக்கள் கூட அவன் வைத்து இருந்தான். அந்த நொடி தான் ' ஒருவேளை இவன் விஜய்யாக இருப்பானோ ' என முடிவுக்கு வந்தாள் பிரியா.

பின் அர்ஜுன் வருவதற்குள் இருந்த இடத்திலேயே அந்த போனை வைத்துவிட்டு அவனை இன்னும் ஆராய ஆரம்பித்தாள்.

சிவா மூலம் அர்ஜுனின் ஃபேஸ்புக் ஐடி மற்றும் டிக் டாக் ஐடி எல்லாம் வாங்கியவள் தன் பாலவர்ஸ் ஃப்ரெண்ட் லிஸ்டில் அவன் இருக்கானா என்பதை பார்த்தாள். அதிர்ச்சியா ஆச்சரியமா என்ன சொல்ல முடியாத அளவுக்கு அவள் உணர்ந்தாள்.

எந்த நாளில் விஜய் அவனின் ஃபேஸ்புக் அக்கவுன்ட்டை டெலிட் செய்தானோ அதே நாளில்தான் அர்ஜுன் தன்னுடைய புதிய பேஸ்புக் ஐடியே உருவாக்கினான். அதே நாளில்தான் பிரியாவுக்கு ப்ரெண்ட் ரிக்வெஸ்ட் கொடுத்து ஒரே மாதத்தில் அவளின் ப்ரெண்ட் லிஸ்டில் சேர்ந்தான். பிரியா செய்த எல்லா டிக்டாக் வீடியோவுக்கு எத்தனையோ பேர் லைக் செய்து இருந்தாலும் முதல் லைக்கே அர்ஜூன் தான் கொடுத்து இருந்தான் அதனை அப்பொழுதுதான் அவளே உணர்ந்தாள்.

மொத்தத்தில் இந்த ஆதாரங்கள் எல்லாம் சேர்த்து அர்ஜுன் தான் விஜய் என்ற முடிவுக்கு வந்தாள்.

இதனை எல்லாம் சொல்லி முடித்த பிரியா..

"என்ன அர்ஜுன் நான் சேகரித்த ஆதாரம் எல்லாம் சரியா? இல்ல நீ மறைத்த வேற விஷயம் ஏதாவது இருக்கா." - பிரியா

"அறிவு டி உனக்கு. இப்ப சொன்னதை மட்டும் நீ நம்ம தனிமையில் சொல்லி இருந்தால் உன் அறிவுக்கு பரிசு தருவது போல பல முத்தங்களை உன் உதட்டில் கொடுத்து இருப்பேன். முத்தங்களை தாண்டி உன்னை தூக்கி சுற்றி இருப்பேன்." - அர்ஜுன்

"அடேய் எத்தனை தடவைதான் உன்கிட்ட சொல்றது கன்ட்ரோல் கன்ட்ரோல் நாங்க எல்லாம் இன்னும் இங்க இருக்கோம்." - சிவா

"இவ்வளவு கேட்ட பிறகும் உன்னை யாருடா இங்க இருக்க சொன்னது. ஏழு வருட மனப் போராட்டத்துக்குப் பிறகு இப்பதான் நாங்க சேர்ந்து இருக்கோம் அதைக் கெடுப்பது போல சனி மாதிரி பக்கத்திலேயே இருக்க உன் கௌசியே கூட்டிகிட்டு வேற டேபிளுக்கு போடா மூதேவி.." - அர்ஜுன்

"அண்ணா உங்க சண்டை எல்லாம் அப்புறம் வைத்துக்கொள்ளுங்கள் இன்னும் கொஞ்ச நேரத்தில் மணி 9 ஆக போகிறது நானும் ப்ரியாவும் கிளம்புகிறோம். இல்ல ஒவ்வொரு தடவையும் நீங்க பண்ணுன சில்மிஷத்தே நாங்க பார்க்கவேண்டியதா ஆயிடும்.." - கௌசல்யா

"அடப்பாவி பிரியா அந்த முத்தம் விஷயத்தை நீ சொல்லல என நினைத்தேன் சொல்லிட்டியா ஐயோ மானம் போச்சே மரியாதை போச்சே.." - அர்ஜுன்

"சாரிடா என் உயிர் தோழி சொல்லாமல் இருக்க முடியல அதான் சொல்லிட்டேன் நம் அடுத்த கால பயணத்தில் சந்திப்போம் போயிட்டு வரேன்.." - என பிரியா அர்ஜுன் கூப்பிடக் கூப்பிட கேட்காமல் கௌசல்யா கையை இழுத்துக் கொண்டு ஓடிவிட்டாள்

"அடியே எங்கடி போய்டுவ நீ திரும்பி வந்து தானே ஆகனும் பார்த்துக்கிறேன்." - அர்ஜுன்

சிவா ஏதோ ஒரு தீவிர யோசனையில் இருக்க அதை என்னவென்று அர்ஜுனன் கேட்டான்..

"பெரிசா ஒன்னும் இல்லடா உன் காதலை நீ பிரியா கிட்ட சொல்லிட்ட, நீதான் விஜய் என்ற விஷயம் கூட எங்களுக்கும் தெரிந்துவிட்டது, இதையெல்லாம் தாண்டி அவள் எப்படி உன்னை கண்டு கொண்டால் என்ற விஷயமும் அறிந்து விட்டோம் இன்னும் என்ன தான் பாக்கி இருக்கு. உன் காலபயணம் முடியாமல் ஒரே இடத்தில் வந்துட்டே இருக்கே.." - சிவா

"எனக்கும் அதே சந்தேகம் தான் டா.." - அர்ஜுன்

அவனின் ஒவ்வொரு கால பயணத்தின் முடிவிலும் அவன் கவனிக்காத போன் ரிங் சவுண்டை இந்த சமயம் கவனித்தவன் அதனை எடுத்து காதில் வைத்தான். ஆனால் அதில் சொன்ன விஷயத்தைக் கேட்ட அதிர்ச்சியில் போனைக் கீழே போட்டவன் தலையில் அடித்துக்கொண்டு அழுதான்.

"என்னடா ஆச்சு அர்ஜுன் ஏன் என்ன என்னமோ பண்ற?" - சிவா

"சிவா இவ்வளவு நேரம் நம்ம யோசித்த கேள்விக்கான பதில் தெரிந்து விட்டது. நான் என்ன தப்பு செய்தேன் என்ற உண்மையையும் புரிந்து விட்டது." - அர்ஜுன்

"டேய் என்ன சொன்னாலும் புரிகிற மாதிரி சொல் போனில் யார் என்ன சொன்னாங்க.." - சிவா

"நம்ம வர்ஷா குட்டியும் அவள் குடும்பமும் ஒரு தீவிபத்தில் கருகி இறந்து விட்டார்களாம். அதற்கு நான் தாண்டா காரணம் நான் பிடித்த சிகரெட்டை அணைக்காமல் ஜன்னல் வழியாக தூக்கி போட்டது தான் காரணமாக இருக்க வேண்டும்." - அர்ஜுன்

அவன் சொன்ன செய்தியைக் கேட்டு அதிர்ச்சி அடைந்த சிவா.. கண்டிப்பாக தன் நண்பன் அந்த விபத்துக்கு காரணமாக இருக்க மாட்டான் என நம்பியவன் அதனை சொல்ல வாயைத் திறப்பதற்குள் மணி சரியாக 9 ஆக திரும்பி மற்றொரு கால பயணம் ஆரம்பித்தது..

இந்தப் பயணத்தில் அர்ஜுன் அந்த குழந்தையை காப்பாற்றுவானா? இல்ல அவன் முயற்சியையும் மீறி மறுபடியும் அந்தக் குழந்தை தீயில் கருகி இறக்குமா?
 
#9
மறுபடியுமா..? 8

(எட்டாவது வாய்ப்பு)

மணி 6.45..

"மச்சி நம்ம வரவேண்டிய இடம் வந்துச்சு இறங்கு." - சிவா

இந்த வாய்ப்பில் டாக்ஸி இருந்து இறங்காத அர்ஜுன் சிவாவிடம் கூட சொல்லாமல் கொள்ளாமல் டாக்சி டிரைவரிடம் கிளம்பிய இடத்துக்கே போக சொன்னான்.

"அடேய் அர்ஜுன் எதுக்குடா கிளம்பிய இடத்திற்கே திரும்பி போற.. சொல்லிட்டு போடா.. டேய் டேய்.." - சிவா கத்த கத்த கேட்காமல் டாக்ஸியில் சென்றுவிட்டான் அர்ஜுன்.

தலையில் அடித்துக்கொண்டே சிவா உள்ளே ஓடிச் சென்று பிரியா கௌசல்யாவிடம் நடந்ததை சொன்னான்..

"பிரியா நீ கடந்த காலப் பயணத்தில் நடந்ததே ஏதாவது சொல்லாமல் விட்டு விட்டாயா..??" - சிவா

"இல்லையே எல்லாமே சொன்னேனே. அர்ஜுனை நான் எப்படி நம்ம ஆபீஸில் கண்டுகொண்டேன் என்ற விஷயத்திலிருந்து நான் இங்கிருந்து கிளம்பும் முன் வரை நடந்த அனைத்தும் சொன்னேனே." - பிரியா

"நல்லா யோசி டி காலப் பயணம் செய்வது நீயும் அர்ஜுன் அண்ணாவும் மட்டும்தான்." - கௌசல்யா

"யோசிக்க என்னடி இருக்கு. எல்லாமே சொல்லிட்டேன்.." - பிரியா

"அப்போ கண்டிப்பா நீங்க ரெண்டு பேரேம் போன அந்த நேரத்தில் ஏதோ நடந்து இருக்கு. அது என்ன அதற்கான பதில் இப்ப தெரிந்த ஒரே ஆள் அர்ஜுன் மட்டும்தான். ஆனால் என்ன முயற்சி செய்தாலும் போன் எடுக்க மாட்டேங்குறான். கடைசியா அந்த டாக்சி டிரைவரிடம் கிளம்பிய இடத்துக்கே போக சொன்னான்." - சிவா

"அப்போ வாங்க நம்ம கூட உங்க அங்கேயே போவோம்.." - பிரியா

பிரியாவும் கௌசல்யாவும் தங்கள் டூவீலரில் கிளம்ப சிவா ஒரு ஆட்டோ பிடித்து கிளம்பினான்.

******************

என்னதான் டாக்ஸி வேகமாகச் சென்றாலும் இடையில் ஏற்பட்ட சில வாகன நெருக்கடியால் அர்ஜுன் வீட்டுக்கு சேரவே எட்டு மணி ஆகிவிட்டது.

அவன் அங்கே நெருங்கிய நேரத்தில் வர்ஷா குட்டியின் வீடு கிட்டத்தட்ட பாதி எரிந்த நிலையில் இருந்தது. இவன் வருவதற்கு முன்னாடியே தீயணைப்பு வீரர்கள் வந்து தீயை அணைக்க முற்பட்டனர்.

அதில் ஒரு வீரர்...

"தீ அணைக்க முடியாத கட்டத்தை தாண்டி விட்டது. உள்ளே மாட்டிக் கொண்டவர்களை காப்பாற்றும் வாய்ப்பு நூற்றில் ஐம்பது சதவீதமே உள்ளது. இன்னும் நேரம் செல்ல செல்ல யாரையும் காப்பாற்ற முடியாமல் போக வாய்ப்புள்ளது..", என்றான் அந்த வீரர்.

அதனைக் கேட்ட உடனே அர்ஜுன் உடல் நடுங்கியது. தன்னுடைய தவறால் தான் இவ்வளவும் என்ற குற்ற உணர்ச்சி அவனை ரொம்ப பாதித்தது. எதைப்பற்றியும் யோசிக்காமல் அந்த வீரர்களுக்கு முன் தீயில் எரிந்து கொண்டிருந்த வீட்டுக்குள் ஓடினான்.

அவன் கெட்ட நேரமோ என்னவோ அந்த வீட்டுக்குள் இருந்த வர்ஷா குட்டியை தவிர மற்ற அனைவரும் ஏற்கனவே தீயில் கருக ஆரம்பித்து விட்டனர்.

அந்த சிறு குழந்தையாவது காப்பாற்ற வேண்டுமென்று அவன் முயற்சி செய்தான். தீக்காயங்கள் சிலது அவன் உடலில் ஏற்பட்டாலும் அதனை பொருட்படுத்தாது வர்ஷாவை தன் கையால் கட்டிக்கொண்டு வெளியில் ஓடினான். அந்தக் குழந்தைக்கும் சில காயங்கள் ஏற்பட்டிருந்தது.

அவன் செய்த முயற்சி வீண் போகாமல் அந்த குழந்தையை காப்பாற்றி விட்டான். ஆனால் அவனுக்கு தான் ஏகப்பட்ட காயங்கள்.

சுமார் 8.30 மணிக்கு பிரியா, கௌசல்யா மற்றும் சிவா அங்கு வந்து சேர்ந்தார்கள்.

அவர்கள் கண்களுக்கு முழுதாக எரிந்து போன வீடும் வெளியில் தீ காயத்திற்கு சிகிச்சை எடுத்துக் கொண்டிருந்த அர்ஜுனும் , அவன் பக்கத்தில் அழுதுகொண்டிருந்த வர்ஷா குழந்தையும் தெரிந்தார்கள்.

சிவாவும் கௌசல்யாவும் அந்த குழந்தையை தூக்கி சமாதானப்படுத்த முற்பட்ட பிரியா அர்ஜுனை நெருங்கி பேச ஆரம்பித்தாள்..

"அர்ஜுன் என்னடா ஆச்சு எப்படி இதெல்லாம் நடந்தது? அதேபோல் உனக்கு எப்படி தெரிந்தது..??" - பிரியா

"எங்க வீட்டுக்கு எதிர் வீட்டில் இருந்த ஒரு பெரியவர் தான் சென்ற கால பயணத்தின் முடிவில் போன் செய்து சொன்னார். அதைக் கேட்ட உடனேயே இது எப்படி நடந்தது என்று புரிந்து விட்டது.." - அர்ஜுன்

"எப்படி நடந்தது..??" - பிரியா

"இது எல்லாத்துக்கும் நான்தான் பிரியா காரணம். எல்லாம் என் பாழாய்ப்போன சிகரெட் பிடிக்கும் பழக்கத்தால் தான். எப்போதும் சிகரெட் அணைத்து விட்டு தூக்கி போடும் நான் தலைவலி காரணமாக அணைக்காமல் ஜன்னல் வழியாக தூக்கிப்போட்டு விட்டேன். அதன்காரணமாக அதிலிருந்த தீ பொறி எப்படியோ இவர்கள் வீட்டுக்குள் நுழைந்து பெரிய தீயாய் மாறி பல இறப்புக்கு காரணம் ஆகிவிட்டது. அங்க பாரு பிரியா அந்தக் குழந்தையை.. அந்த சிறு குழந்தையே காப்பாற்ற முடிந்த என்னால் அவள் குடும்பத்தை காப்பாற்ற முடியவில்லை. நானே அந்த சிறு குழந்தை அனாதையாக காரணமாகி விட்டேன். இந்தக் குற்ற உணர்ச்சி என்னை அணுஅணுவாக கொல்லுது பிரியா. புகைப்பிடிப்பது உடல் நலத்திற்கு கேடு என சிகரெட் பாக்கெட்டில் போட தெரிந்தவர்களுக்கு இந்த பழக்கத்தால் ஒரு குடும்பத்துக்கே கேடு என்று எழுதியிருந்தால் என்னைப்போல் யாருமே சிகரெட் பிடிக்கும் பழக்கத்துக்கு ஆளாகி இருக்க மாட்டார்கள். ஐயோ இதை நான் எப்படி சரிப்படுத்துவேன். அந்த சிகரெட் துண்டை ஜன்னல் வழியாக தூக்கி போடாமல் இருந்திருந்தால் இதெல்லாம் நடந்தே இருக்காதே. என் காலப்பயணம் செய்யும் வாய்ப்பு அந்த நேரத்தில் நிகழ்ந்து இருந்தால் அதனை தடுத்து இருப்பேனே. எதுக்கும் பயன்படாத நேரமாகிய 6.30 மணிக்கு ஏன் அந்த வாய்ப்பு நிகழவேண்டும்." - அர்ஜுன்

இனி சிகரெட் பிடிக்கும் பழக்கத்திற்கு அர்ஜுன் செல்ல மாட்டான் என்பதை உறுதியாக உணர்ந்த பிரியா கடைசியாக அர்ஜுன் சொன்ன நேரக் கணக்கை கேட்டவள் ஒரு முடிவுக்கு வந்தாள்.

"அர்ஜுன் காலப் பயணம் செய்வது நீ மட்டும் இல்லையே நானும் கூட தான். நான் ஒவ்வொரு தடவையும் கால பயணம் செய்யும்போது யோசிப்பேன் நீயும் நானும் சந்திக்கும் நேரமோ ஏழு மணி. ஆனால் என் கால பயணம் ஆரம்பிக்கும் நேரமுமோ ஐந்து மணி. இது எதனால் என்ற கேள்விக்கான பதில் இப்போ தான் புரிந்தது. நீ செய்த தப்பை உணர்த்தியா காலப்பயணம் எனக்கு அதனை சரிப்படுத்தும் வாய்ப்பை என் பயணத்தில் தந்துள்ளது." - பிரியா

"பிரியா சத்தியமா எனக்கு புரியல நீ என்னதான் சொல்ல வர..?" - அர்ஜுன்

"இன்னுமா புரியல. நீ ஒவ்வொரு தடவையும் கண் முழிக்கும் போது அந்த ஓட்டலுக்கு வெளியில் 6.30 மணிக்கு கண் முழிப்பாய். திரும்பி அங்கிருந்து நீ இங்க வருவதற்குள் இந்த காலப்பயணம் போல் அடுத்த கால பயணத்திலும் நேரம் தேவை இல்லாமல் செலவாகும். ஆனால் எனக்கு அந்த பிரச்சனை இல்லை. திரும்பி அடுத்த காலப் பயணத்தில் 5 மணிக்கு கண் முழிக்கும் நான் உங்களுக்கு ஒரு போன் கால் செய்துவிட்டு நீ அந்த சிகரெட் பிடிக்கும் நிகழ்வை தடுத்தாலே போதும் இந்த விபத்து நடக்காமல் போய்விடும். பின் பழையபடி நீ டாக்ஸியில் அந்த ஓட்டலுக்கு வந்து விடலாம். உன் காலப்பயணமும் எந்த பாதிப்பும் அடையாமல் சரியாக தொடரும்." - பிரியா

சிறிது நேரம் கண்மூடி யோசித்தவன் பிரியா சொன்ன யோசனைக்கு சரி என்றான். தங்களுக்கு கிடைத்த கால பயணத்துக்கான உண்மையான காரணத்தை சரியாக உணர்ந்தும் கொண்டான்.

மறுபடியும் 9 மணி ஆவதற்குள் தன் தீ காயப்பட்ட கையால் அவள் கையை பிடித்தவன்..

"ரொம்ப நன்றி பிரியா. நான் செய்த தப்பை பார்த்து என்னை வெறுத்து ஒதுக்காமல் என் தப்பை சரிபண்ணும் முயற்சியில் இறங்கினாய் பார். இப்ப சொல்றேன் பிரியா நீ உண்மையாவே தேவதை. உனக்கு நான் சரியானவன் தானா என எனக்கு தெரியாது. ஆனால் இருந்தாலும் சொல்கிறேன் நீ எனக்கு கிடைக்க நான் கொடுத்து வைத்திருக்க வேண்டும்." - பிரியா

இந்தக் காலப் பயண முடிவில் இருவரும் முத்தத்தை பரிமாறிக் கொள்ளவில்லை. அதற்கு பதிலாக எந்த சூழ்நிலையிலும் ஒருவருக்கொருவர் துணையாக இருப்போம் என்று கண்வழியே தங்கள் உறுதியை பரிமாறிக்கொண்டனர்.

இருவரும் நினைத்தது போல இந்த கால பயணத்தில் நடந்த அடுத்த கால பயணத்தில் நடக்கப் போகிற விபத்தை தடுப்பார்களா?

அதற்கான விடை இவர்களின் அடுத்த கால பயண வாய்ப்பில் தான் தெரியும்.
 
#10
மறுபடியுமா..? 9

(ஒன்பதாவது வாய்ப்பு)

"அடியே பிரியா எழுந்திருடி அஞ்சு மணி ஆச்சு. அடிங்க இப்ப மட்டும் நீ எழுந்திரிக்கல மூஞ்சி ல தண்ணிய ஊத்தி விடுவேன்.." - கௌசல்யா

கடந்த வாய்ப்பின் நினைவோடு தூக்கத்திலிருந்து எழுந்தாள் பிரியா.

வேகவேகமாக தன் போனை எடுத்து சிவாவுக்கு போன் செய்தாள்..

"சொல்லு பிரியா என்ன விஷயம் இப்பதான் அர்ஜுன் குளிக்கப் போனான். இன்னும் அரை மணி நேரத்தில் இருவருமே ரெடியாகி விடுவோம்." - சிவா

"அதைப்பற்றி தான் சொல்ல கூப்பிட்டேன். என்ன ஆனாலும் சரி அர்ஜுனனை சிகரெட் பிடிக்க விடாதே. தலைவலி என்று கேட்டா நான் கொடுத்த வீரியம் கம்மியான அந்த தூக்கமாத்திரை தந்துடு. திரும்பவும் சொல்கிறேன் அவனை சிகரெட் பிடிக்க விடாதே.." - பிரியா

"என்ன பிரியா அந்த ஹரினந்தா அடியார் சொன்ன மாதிரி உண்மையாவே கால பயணம் நடக்குதா? அதில் ஏதாவது தப்பான விஷயத்தை கண்டு கொண்டாயா..??" - சிவா

"நீ கேட்ட கேள்விக்கு பதில் ஆமாம். ஆனால் மற்ற விஷயத்தை நீங்க அந்த ஓட்டலுக்கு வந்த பிறகு சொல்கிறேன்.." - பிரியா

போனை வைத்த பிரியா தன்னை கேள்வியோடு நோக்கியா கௌசல்யாவிடம்..

"நீ என் உயிர் தோழி ல ப்ளீஸ்டி அப்படி பார்க்காதே எல்லா விஷயத்தையும் தெளிவாக அங்கே போனவுடன் சொல்கிறேன். அதற்கு நடுவில் எந்த கேள்வியும் கேட்காமல் போய் நீயும் ரெடி ஆகு.." - பிரியா கௌசல்யாவின் கன்னத்தைக் கிள்ளி கொஞ்ச அதில் மயங்கிய கௌசல்யா உடனே ரெடியாக ஆரம்பித்தாள்.

கௌசல்யாவோ சிவா சில வாரத்திற்கு முன் ஆசையாக வாங்கி தந்த ஒயிட் டிசைனர் சுடிதாரையும் மற்றும் பிரியா தானே டிசைன் செய்த பிங்க் டிசைனர் புடவையை அணிந்துகொண்டார்கள்.

சரியாக 6 மணிக்கு பிரியாவும் கௌசல்யாவும் ஹோட்டலுக்கு கிளம்பினார்கள்.

********************************

குளித்து முடித்து வந்த அர்ஜுன் பின் சிவாவுடன் இரவு விருந்துக்காக தயாராக ஆரம்பித்தான்.

அர்ஜுன் ஏதோ ஒரு பிசினஸ் டிஸ்கஷன் ல கலந்து கொள்கிறவன் மாதிரி டிரஸ் அணிந்து கொண்டான். எதற்கும் இருக்கட்டும் என்று சிவா அர்ஜூனுக்கு மற்றொரு நல்ல உடையா எடுத்து கொண்டான்.

"சிவா கொஞ்சம் தலைவலியா இருக்கு அங்க மாத்திரை ஏதாவது இருந்தால் கொடு." - அர்ஜுன்

"சாதாரண தலைவலிக்கு எதுக்குடா மாத்திரை" - சிவா

"உனக்கே தெரியும் தலைவலி வந்தாலே என் வாய் என் கட்டுப்பாட்டில் இருக்காது. இதுல பிரியாவை வேற பார்க்க போறேன். நீ பேசாம அந்த மாத்திரையை கொடு வலி தாங்க முடியலை." - அர்ஜுன்

"என்னமோ பண்ணி தொல. இந்த ஒரு தடவை தான் அதுவும் உங்க மீட்டிங் ல எந்த சொதப்பலும் வரவே கூடாது என்று தான் தருகிறேன். அடுத்த தடவை எவ்வளவு வலிச்சாலும் மாத்திரை எடுக்க கூடாது. அப்புறம் இப்ப இந்த சிகரெட்டை பிடிக்காத அட்லீஸ்ட் உன்னோட இந்த டேட்டிங் முடியும் வரை சிகரெட்டை தொடாமல் இரு.. " - என சிவா தலைவலி மாத்திரை என்ற பெயரில் அர்ஜுனுக்கு தெரியாமல் பெரிய கொடுத்த இந்த தூக்க மாத்திரையை தந்தான். பிறகு அர்ஜுனின் சிகரெட் பாக்கெட்டையும் எடுத்து காதில் வைத்து விட்டான்.

"இதெல்லாம் அநியாயம் டா சரி விடு போயிட்டு வந்த உடனே ஒன்னுக்கு ரெண்டு சிகரெட் பிடித்து விட்டால் போச்சு.." - என சொன்னவன் சிவா மாத்திரை சோதிக்காமல் எடுத்துக்கொண்டான்.

அர்ஜுன் சிவாவிடம் சொல்லி டாக்ஸிக்கு புக் பண்ணான்.

அவங்க வெயிட் பண்ணும் நேரத்தில் பக்கத்து விட்டு பத்து வயசு குட்டி பொண்ணு வர்ஷா அர்ஜுன் மற்றும் சிவாவிடம் சாக்லேட் தந்து..

"காலையிலிருந்து உங்களை தேடிக்கிட்டு இருக்கேன். எனக்கு இன்னைக்கு பர்த்டே விஷ் பண்ணுங்க." - வர்ஷா

"ஹேப்பி பர்த்டே வர்ஷா குட்டி. சாரிமா நம்ம வர்ஷா செல்லத்துக்கு பர்த்டே என எங்களுக்கு தெரியாது தெரிந்திருந்தால் கிஃப்ட் ஏதாவது வாங்கி இருப்போம்." - அர்ஜுன்

"பரவல அர்ஜூ இட்ஸ் ஓகே. நம்ம பிரியக்கா உனக்கு ஓகே மட்டும் சொல்ல வை அதுவே எனக்கு பெரிய கிஃப்ட்." - வர்ஷா

"அடேய் அர்ஜுன் சின்ன பொண்ணுகிட்ட எல்லாம் உன் லவ் பற்றி சொல்ல முடிஞ்ச உன்னால பிரியா கிட்ட சொல்ல முடியலை. இதுல இவன் லவ்வுக்கு என் கௌசி செல்லத்தே வேற ஹெல்ப் பண்ண சொல்லி ஒரே டார்ச்சர்." - சிவா

"கௌசல்யா எனக்கு தங்கச்சி மாதிரி டா. அண்ணனின் காதலுக்கு தங்கச்சி உதவி செய்வதில் என்ன தப்பு?. வர்ஷா செல்லம் இன்னிக்கே பிரியாவை பார்க்கிறேன், லவ் சொல்றேன், ஓகே பண்றேன் அந்த சந்தோசத்தில் அடுத்த வாரமே உனக்கு பிடிச்ச அனிமேஷன் மூவிக்கு பிரியவோட போறோம் ." - அர்ஜுன்

"வர்ஷா குட்டி இவனை நம்பாதே உனக்கு படத்துக்கு போகணும் என்றால் சொல்லு நான் கூட்டிக்கிட்டு போறேன். இவனை நம்பினால் அடுத்த ஜென்மம் வந்தாலும் போக முடியாது." - சிவா

"சிவ் எங்க அர்ஜு வின் கெத்து இன்னும் உனக்கு தெரியலை. நீ பார்த்துக்கிட்டே இரு இன்னிக்கு கண்டிப்பா என் அர்ஜு லவ் ஓகே பண்ணிட்டு தான் வருவான்." - வர்ஷா

"தாங்க்ஸ் வர்ஷா. சின்ன பொண்ணு நீ நம்புற அளவுக்கு என் நண்பன் அதுவும் உயிர் நண்பன் என்னை நம்பலையே" - அர்ஜுன்

"நாங்க டேட்டிங் ஏ ஏற்பாடு பண்றது இது மூணாவது முறை . கடைசி ரெண்டு தடவை வயிறு கலக்குது சொல்லி ஒடியவன் தானே நீ." - சிவா

"இந்த தடவை சக்ஸஸ் பண்றேன் எண்ணி மூன்றே மாசத்தில் அவள் கழுத்தில் தாலி கட்டுறேன். இது உன் நண்பன் தரும் வாக்கு." - அர்ஜுன்

"பேசுறது எல்லாம் நல்ல தான் பேசுற ஆனால் உன்கிட்ட பினிஷிங் சரியில்லையே பா." - சிவா

சரியாக இரவு 6.15 மணிக்கு அவங்க புக் பண்ண டாக்ஸி வந்தது.

"வர்ஷா குட்டி நான் போய் வெற்றியோடு திரும்பி வரேன். தட்டா பாய்" - அர்ஜுன்

சிவா கொடுத்த மாத்திரையின் தாக்கத்தால் அவனுக்கு தூக்கம் அரை மணிநேரம் ஆட்கொண்டது.

சரியா 6.45 மணிக்கு சிவா அவனை எழுப்பி..

"மச்சி நம்ம வரவேண்டிய இடம் வந்துச்சு இறங்கு." - சிவா

கடந்த எட்டுமுறை நடத்த கால பயணத்தின் நினைவில் எழுந்தவன் பிரியா செய்த மாற்றத்தை அறிந்துகொள்ள...

"சிவா ஒரு விஷயத்தை மட்டும் சொல் நம்ம கிளம்புவதற்கு முன் என்னை சிகரெட் பிடிக்க விடாமல் தடுத்தாய் அல்லவா?? என்னை தடுக்க சொல்லி பிரியா உனக்கு சொன்னாலா? இல்லையா?" - பதட்டத்துடன் அர்ஜுன் கேட்டான்.

கால பயணத்தில் செய்த சில மாற்றங்கள் பற்றிய தாக்கம் அதன் தொடர்ச்சி எல்லாம் நம் நினைவில் இருக்காது. அர்ஜுனின் காலப்பயணம் வேற நேரத்திலும் பிரியாவின் காலப்பயணம் வேற நேரத்திலும் நடப்பதால் பிரியா செய்த மாற்றம் என்னவென்று அர்ஜுன் அறிய இயலாது. ஆனால் சென்ற கால பயணத்தில் பிரியா செய்து கொடுத்த சத்தியத்தை நிறைவேற்றி விட்டாளா என தெரிந்து கொள்ளவே அர்ஜுன் சிவாவிடம் அவ்வாறு கேள்வி எழுப்பினான்.

அர்ஜுனை அமைதிப்படுத்திய சிவா டாக்ஸி அனுப்பிவிட்டு..

"டென்ஷனாகாதே அஞ்சு மணிக்கே பிரியா போன் பண்ணி உன்னே சிகரெட் பிடிக்க விடாமல் தடுக்க சொன்னாள். அது ஏன் என்ற காரணம் இங்கு வந்த பிறகு சொல்வதாக சொன்னாள் வா போய் கேட்போம்.." - அர்ஜுன்

இந்த முறையும் சிவா கொடுத்த உடை அணியாமல் பிரியாவை பார்க்க வேகமாக உள்ளே ஓடினான். உள்ளே வந்தவன் சுற்றி யார் இருக்கிறார்கள் என்பதை கூட காணாமல் பிரியாவை அணைத்துவிட்டு..

"பிரியா ரொம்ப தேங்க்ஸ்டி என்னால் நடக்க இருந்த விபத்தை தடுத்து விட்டாய் இப்பதான் சந்தோஷமா இருக்கு. நம்ம வர்ஷா குட்டி மட்டும் அவள் குடும்பம் அந்த தீ விபத்தில் இருந்து தப்பித்தது." - அர்ஜுன்

அர்ஜுன் சொன்னதைக்கேட்டு புரியாமல் முழித்த கௌசல்யாவும் சிவாவும் உண்மையில் என்ன நடந்தது என்பதை கேட்டனர்..

அர்ஜுன் மற்றும் பிரியா மாற்றி மாற்றி இதுவரை அவர்கள் செய்த காலத்தில் நடந்த விஷயங்களை ஒன்றொன்றாக சொன்னார்கள். முதலில் சுவாரசியமாக கேட்டுக் கொண்டிருந்தவர்கள் கடைசியில் தீ விபத்தை பற்றிய விஷயம் அறிந்து ஐயோ என்று தங்களை அறியாமலே கத்திவிட்டனர்.

அவர்கள் கத்தலை கேட்டு அந்த ஓட்டலில் இருந்த மற்றவர் கவனம் இவர்கள் பக்கம் திரும்பும்போது அவர்களிடம் மன்னிப்பு வேண்டிய பிறகு அமைதியாக தங்களுக்குள் பேச ஆரம்பித்தார்கள்.

"நல்லவேளை அர்ஜுன் சரியான சமயத்தில் உங்கள் இருவருக்கும் இந்த சக்தி கிடைத்தது இல்லையென்றால் நம்ம வர்ஷா குட்டியும் அவளின் குடும்பத்தின் நிலைமையும் நினைத்தாலே உடலெல்லாம் நடுங்குது." - சிவா

"ஆமாம் அண்ணா சிவா சொன்னது சரி. நீங்க என்னை தங்கச்சியா நினைப்பது உண்மையென்றால் இனிமேல் அந்த சிகரெட் கருமத்தை தொடக்கூடாது. பாருங்க அதான் இவ்வளவு பெரிய விபத்து நடப்பதாக இருந்தது.." - கௌசல்யா

"ஆமாடா கௌசல்யா சொல்வது சரிதான் உன்கிட்ட இருக்கும் ஒரே கெட்ட பழக்கம் அது மட்டும் தானே விடேன்.." - பிரியா

"கண்டிப்பா பிரியா நீங்க அனைவரும் சொல்வதற்காக மட்டும் இல்ல நானே அந்த பழக்கத்தால் எவ்வளவு பெரிய பிரச்சினை வர இருந்தது என்பதை உணர்ந்துவிட்டேன். இனி என்ன நடந்தாலும் அந்த கருமத்தை தொட மாட்டேன். அதே மாதிரி சிவா உனக்கு சத்தியம் செய்தது போல சின்ன சின்ன விஷயத்துக்கெல்லாம் மாத்திரை உட்கொள்ள மாட்டேன்." - அர்ஜூன்

மொத்தத்தில் நடக்க இந்த விபத்தை எப்படியோ நடக்க விடாமல் செய்து விட்டோம் என்ற சந்தோஷத்தில் அர்ஜுன் மற்றும் பிரியா இருக்க.

கெட்டதிலும் ஒரு நல்லது போல அர்ஜுனின் சில தவறான பழக்கங்கள் போக இந்த பயணமே காரணமாக அமைந்ததால் நிம்மதி அடைந்தார்கள்.

இப்படி நால்வருமே பிரச்சனை முடிந்தது என்ற சந்தோஷத்தில் ஒருவரை ஒருவர் கேலி செய்து கொண்டு பேசிக் கொண்டிருந்தார்கள்.

மணி 8.55 ஆக சரியா அதேநேரத்தில் அர்ஜுனுக்கு ஒரு போன் கால் வந்தது. அவனின் ஏழாவது கால பயணத்தின் முடிவில் வந்த அதே போன் கால்..

முடிந்தது என நினைத்தவர்கள் போன் கால் மூலம் இன்னும் எதுவும் முடியவில்லை என்பதை அறிந்து கொண்டார்கள்.

போனை ஸ்பீக்கரில் போட்ட அர்ஜுன் பேச ஆரம்பித்தான்..

"சொ.. சொல்லுங்க அங்கிள் என்ன விஷயம்?" - சிறு பயம் கலந்த குரலில் அர்ஜுன் கேட்க

"அர்ஜுன் கண்ணா ஒரு கெட்ட செய்தி பா உங்க வீட்டு பக்கத்து வீட்டிலிருந்த குடும்ப மொத்தமுமே அவர்கள் வீட்டில் நடந்த ஒரு தீ விபத்தில் கருகி மொத்தமாக இறந்து விட்டார்கள். தீயணைப்பு வீரர்கள் எவ்வளவோ முயன்றும் யாரையுமே காப்பாற்ற முடியவில்லை." - எதிர் வீட்டுக்காரர்

பதில் ஏதும் சொல்ல முடியாத அர்ஜுன் போனை கட் செய்துவிட்டு..

"அப்போ என்னால் ஒன்னும் அந்த தீ விபத்து நடக்கவில்லை. அது நடக்க வேற ஏதோ ஒரு காரணம் இருக்கு. அது என்ன..? அது என்ன..?" என்று தலையைப் பிடித்துக்கொண்டு அர்ஜுன் தன் முன்னால் என்ற மூவரையும் கலங்கிய விழிகளுடன் கண்டான்.

சிவாவும் கௌசல்யாவும் பதில் சொல்ல முடியாமல் இருக்க பிரியாவை பேச ஆரம்பித்தாள்..

"அர்ஜுன் நீ கவலைப்படாதே கண்டிப்பா நம்மால் இதை மாற்ற முடியும். இன்னும் நம்ம இருவருக்குமே ஒரு வாய்ப்பு இருக்கு. இந்தக் கடைசி வாய்ப்பில் நான் நேரடியாக உங்கள் வீட்டுக்கு வரேன் இருவருமே சேர்ந்து அந்த விபத்து நடக்க காரணமாகிய விஷயத்தை முன்னாடியே தடுப்போம்." - பிரியா

"எனக்கு என்ன சொல்றதுன்னு தெரியல பிரியா. இதான் நம்ம கடைசி வாய்ப்பு இதில் ஏதாவது சொதப்பி விட்டால் அப்புறம் நாம என்ன நினைத்தாலும் இதை மாற்ற முடியாது.." - அர்ஜுன்

"கண்டிப்பா என்ன நம்பு நம்ம வர்ஷா குட்டிக்கும் அவள் குடும்பத்துக்கும் ஒன்றுமாக ஆக விடமாட்டேன் இது நம்ம காதல் மேல் சத்தியம்.." - பிரியா

பிரியாவுடன் சேர்த்து சிவா மற்றும் கௌசல்யாவும் கூட அர்ஜுனின் கையை பிடித்து நம்பிக்கை அளித்தார்கள்.

மீண்டும் இரவு ஒன்பது மணி ஆக கடைசி கால பயணம் ஆரம்பித்தது.

இந்தக் காலப் பயணத்தில் அர்ஜுனும் பிரியாவும் நினைத்த காரியத்தை முடிப்பார்களா? அந்த விபத்து உண்மையில் நடக்காமல் தடுப்பார்களா? என்ற கேள்விக்கான பதில் அடுத்த அத்தியாயத்தில்.
 
#11
மறுபடியுமா..? 10

(பத்தாவது வாய்ப்பு)

"அடியே பிரியா எழுந்திருடி அஞ்சு மணி ஆச்சு. அடிங்க இப்ப மட்டும் நீ எழுந்திரிக்கல மூஞ்சி ல தண்ணிய ஊத்தி விடுவேன்.." - கௌசல்யா

கடந்த வாய்ப்பின் நினைவோடு தூக்கத்திலிருந்து எழுந்தாள் பிரியா.

வேகவேகமாக தன் போனை எடுத்து சிவாவுக்கு போன் செய்தாள்..

"சொல்லு பிரியா என்ன விஷயம் இப்பதான் அர்ஜுன் குளிக்கப் போனான். இன்னும் அரை மணி நேரத்தில் இருவருமே ரெடியாகி விடுவோம்." - சிவா

"நீங்க ஒன்னும் ரெடியாக வேணாம் அங்கேயே இருங்க நானும் கௌசல்யாவும் உடனே கிளம்பி அங்க வருகிறோம்.." - பிரியா மற்ற எதையும் சொல்லாமல் போனை வைத்து விட்டாள்.

இங்கே பிரியாவை முறைத்து பார்த்துக் கொண்டிருந்த கௌசல்யா என்ன ஆச்சு என்று கேட்க..

"என் செல்ல குட்டி இல்ல ப்ளீஸ்டி இப்ப எதுவும் கேட்காதே இப்பவே அவசரமா அவங்க வீட்டுக்கு போகணும் ஒரு பெரிய விபத்திலிருந்து ஒரு குடும்பத்தையே காப்பாத்தணும்." - பிரியா

இருவருமே சாதாரணமாக வெளியில் போக பயன்படுத்தும் சுடிதாரை மாற்றிக் கொண்டு உடனே கிளம்பினார்கள்.

அவர்கள் அர்ஜுனின் வீட்டை நெருங்கிய நேரம் 5.45..

இவர்களை உள்ளே சென்று கொண்டிருந்த நேரத்தில் அர்ஜுன் சிவாவை பிடி பிடி என்று பிடித்துக்கொண்டிருந்தான்..

"அடேய் என்னடா தலையும் புரியாமல் வாலும் புரியாமல் அவள் ப்ரோக்ராம் கேன்சல் என்று சொல்லிவிட்ட என்ன ஏதுன்னு கேக்க மாட்டியா..??. கடந்த அரை மணி நேரமாக பிடித்து வைத்த பிள்ளையார் மாதிரி ஓரமா உட்கார்ந்துட்டு இருக்கியே தவிர என்ன நடக்குது மட்டும் சொல்ல மாட்ற.." - அர்ஜுன்

அர்ஜுன் தலைவலியுடன் பேசிக் கொண்டிருந்தான். அவனின் நிலைமை முதலே அறிந்தவள் கிளம்பும்போதே தலைவலி தைலத்தை கையுடன் எடுத்து வந்தாள்.

ஒரு முன்னறிவிப்பும் இன்றி உள்ளே வந்தவள் அவன் கையை பிடித்து ஒரு நாற்காலியில் அமர வைத்தவள் அவனின் தலையில் தன் பூப்போன்ற கையால் தைலத்தை தடவ ஆரம்பித்தாள்.

அந்த தைலத்தின் மகிமையோ அல்லது ப்ரியாவின் கை மகிமையோ அவள் கை பட்டவுடனேயே அவனின் தலைவலி வந்த இடம் தெரியாமல் போய்விட்டது.

பின் ஒரு நிலைக்கு வந்த அர்ஜூன்..

"பிரியா என்னதான் ஆச்சு டேட்டிங் பிளானை கேன்சல் பண்ண?? நான் ஏதாவது தப்பு பண்ணிட்டேனா..??" - அர்ஜுன்

"நான் சொன்னாலும் இந்த நேரத்தில் நம்ப போவதில்லை இருந்தாலும் சொல்கிறேன் நீயும் நானும் ஏற்கனவே இதே டேட்டிங் நிகழ்வை ஒன்பது தடவை காலப்பயணம் செய்து நிகழ்த்தி விட்டோம். அந்தப் ஒவ்வொரு காலத்திலும் உன்னைப் பற்றி எல்லா உண்மையும் எனக்கு தெரிந்து விட்டது." - பிரியா

"என்ன உண்மை?" - பயம் கலந்த குரலில் அர்ஜுன் கேட்டான்

"இதோ பாருடா எல்லாம் சொல்றதுக்கு நேரம் இல்லை சுருக்கமாக சொல்கிறேன் நீ தான் அந்த விஜய் என்ற உண்மை எனக்கு தெரிந்துவிட்டது. நம்மைப்பற்றி பொறுமையா அப்புறம் பேசலாம் முதலில் வர்ஷா குட்டியையும் அவள் குடும்பத்தையும் காப்பாற்றனும்." - பிரியா

"அவர்களுக்கு என்ன?" - அர்ஜுன்

"அடிங்கு இதுக்கு மேல கேள்வி கேட்டா கொன்றுவேன் கேள்வி கேட்டு நேரத்தை வீணடிக்காமல் உடனே அவங்க வீட்டுக்கு போவோம் வாடா.." - பிரியா

இவர்கள் கூத்தை எல்லாம் பக்கத்திலிருந்து பார்த்துக் கொண்டிருந்த சிவாவும் கௌசல்யாவும் ஒரு நமட்டு சிரிப்புடன் அவர்களுடன் வெளியே வந்தார்கள்.

இவர்கள் சரியாக வெளியே வரவும் வர்ஷா குட்டி சாக்லேட் எடுத்துக் கொண்டு இவர்களை நெருங்கவும் சரியாக இருந்தது.

"காலையிலிருந்து உங்களை தேடிக்கிட்டு இருக்கேன். எனக்கு இன்னைக்கு பர்த்டே விஷ் பண்ணுங்க." - வர்ஷா

"ஹேப்பி பர்த்டே வர்ஷா குட்டி. சாரிமா நம்ம வர்ஷா செல்லத்துக்கு பர்த்டே என எங்களுக்கு தெரியாது தெரிந்திருந்தால் கிஃப்ட் ஏதாவது வாங்கி இருப்போம்." - அர்ஜுன்

"பரவல அர்ஜூ இட்ஸ் ஓகே. ஹாய் இவங்கதான் அந்த பிரியா அக்காவா.." - வர்ஷா

"ஆமா குட்டி உனக்கு அக்கா இந்த அர்ஜுன் பயலுக்கு அவனை கட்டிக்கப் போறவள்." - சிவா

"என்னது கடிக்க போறாங்களா??" - வர்ஷா

"கடிக்க இல்லம்மா கட்டிக்கப் போறவங்க அப்படின்னா கல்யாணம் பண்ணிக்க போறாங்க.." - கௌசல்யா

"அப்போ எங்க அர்ஜூ லவ்வுக்கு பிரியா அக்கா ஓகே சொல்லி விட்டார்களா" - வர்ஷா

"ஆமாம் ஆமாம் நான் ஓகே சொல்லி ஏழு வருஷம் ஆச்சு அது தான் இவனுக்கு தெரியல." - அர்ஜுனை முறைத்துக்கொண்டே பிரியா சொல்ல அர்ஜுன் குழப்பத்தில் இருந்தான்.

இந்த நொடி வரை பிரியாவுக்கு எப்படி அது உண்மை தெரிந்தது என்பது அவனுக்குப் புரியவில்லை. அந்த அடியார் சொன்ன காலபயணம் உண்மையில் நிகழுமா என்ற சந்தேகம் இன்னும் அவனுக்கு உள்ளது.

நமக்கு தெரிந்த வரை இன்னும் அவன் கால பயணம் செய்யவில்லை. அவன் காலப் பயணம் செய்வதற்கு முன்னாடியே பிரியா இந்த வாய்ப்பில் வந்து அதை தடுத்து விட்டாள்.

வர்ஷா அர்ஜுனும் பிரியாவும் காதலிக்க ஆரம்பித்து விட்டார்கள் என்ற உண்மையை தெரிந்தவள் அவர்களை இழுத்து கொண்டு தன் வீட்டுக்குள் சென்றாள்.

அங்கே தன் அப்பா அம்மா தாத்தா பாட்டி அனைவரிடமும் பிரியாவை அறிமுகம் செய்து..

"அப்பா இவங்க கல்யாணத்துக்கு முன்னாடி எனக்கு புது டிரஸ் எல்லாம் வாங்கி தரனும் சரியா..??" - வர்ஷா

அதற்கு அர்ஜுனே பதில் சொன்னான்..

"போய் வாலு கல்யாணம் நடக்கப் போவது எனக்கு நான் தான் டிரஸ் வாங்கி தருவேன். நாளைக்கே கடைக்குப் போகிறோம் டிரஸ் எடுக்கிறோம் அப்படியே உனக்கு பிடிச்ச ஏதாவது ஒரு படத்துக்கு போறோம் ஓகேயா." - அர்ஜுன்

அதற்கு வர்ஷாவின் குடும்பத்தினர் கூட அதற்கு சம்மதம் என்றார்கள்.

என்னதான் அர்ஜுன் அவருடன் பேசிக்கொண்டு இருந்தாலும் பிரியா சிவா மற்றும் கௌசல்யாவிடம் அந்த வீட்டை சுற்றி ஏதாவது தீ பொறி அல்லது சந்தேகப்படும்படியான நிகழ்வு நடக்கிறதா என்று பார்க்க சொன்னாள்.

அப்படி சிவா பார்த்துக்கொண்டு இருந்த நேரத்தில்தான் ஒரு மர்மமான நபர் ஒரு பெட்ரோல் கேனை அந்த வீட்டுக்குப் பின்பக்கம் கொட்டுவதை கண்டான்.

அதில் சந்தேகம் கொண்டவன் பிரியாவிற்கு போன் செய்து விட்டு அந்த நபரை பிடித்து அடிக்க ஆரம்பித்தான்.

பிரியாவுடன் அந்தக் குடும்பமும் மற்றும் அவர்கள் வீட்டை சுற்றி இருந்த சில பேர் கூட வந்தனர்.

பதில் சொல்லாமல் பிடிவாதம் பிடித்துக் கொண்டு இருந்த அந்த நபரை அர்ஜுன் வாய் மேலேயே நாலு குத்து குத்திவிட்டு பதில் சொல்ல வைத்தான்.

வர்ஷாவின் அப்பாவை கை காட்டிக்கொண்டே பேச ஆரம்பித்த அந்த நபர்..

"அவருக்கும் எங்க முதலாளிக்கும் பேங்க் லோன் சங்சன் பண்ணுவதில் பெரும் பிரச்சனை. எங்க முதலாளி தந்த போலி பத்திரங்களை எப்படியோ கண்டு கொண்ட அவர் போலீஸிடம் கம்ப்ளைன்ட் செய்து விடுவேன் என்று மிரட்டினார். அதில் கோபம்கொண்ட எங்க முதலாளி இவர்கள் வீட்டை கொளுத்த சொன்னார். தயவு செய்து என்னை ஒன்னும் பண்ணிடாதீங்க நான் புள்ள குட்டிக்காரன்.." - அந்த நபர்

"ஏண்டா நாயே மற்றவர்கள் வீட்டை கொளுத்த நினைக்கும் போது அங்கே புள்ளகுட்டி இருக்குன்னு தெரியாது உனக்குன்னா மட்டும் புள்ளகுட்டி எல்லாம் நினைவு வரும். கண்டிப்பா நீ செய்த அனைத்துக்குமே தண்டனை நிச்சயம் உன் முதலாளிக்கும் சேர்த்துதான் சொல்றேன்." - அர்ஜுன்

பின் தான் கூட படித்த போலீஸ் நண்பன் ஒருவரை அழைத்த பிரியா அவனை பிடித்துக் கொடுத்தாள். கோட்டுக்கு வந்து சாட்சி சொல்ல வேண்டும் என்றாலும் வந்து செல்வதாக உறுதி அளித்தாள்.

பின் வர்ஷா குடும்பத்திடம் இருந்து விடைபெற்ற நம்ம கதாநாயகன் கதாநாயகிகள் வீட்டுக்குள் சென்று பேச ஆரம்பித்தார்கள்.

"என்னதான் நடக்குது பிரியா உனக்கு எப்படி எல்லாம் முன்னாடியே தெரிந்தது..??" - அர்ஜுன்

"நான் தான் சொன்னேன்ல காலப்பயணம் . இது என்னுடைய பத்தாவது கால பயணம். இதான் கடைசியும் கூட" - பிரியா

"என்னமோ போ எனக்கு நம்பிக்கை வரல எதையும் அனுபவத்தால் உணராமல் நான் நம்ப மாட்டேன்.." - அர்ஜுன்

"நம்புடா நான் சொல்வதெல்லாம் உண்மை.." - பிரியா

"அட போ எனக்கு நம்பிக்கை வரல நான்தான் விஜய் என்பதை சிலபல ஆதாரத்தை வைத்து கண்டுபிடித்த ஓகே அதையெல்லாம் இதில் கணக்கில் சேர்க்க முடியாது." - அர்ஜுன்

இந்த மாதிரி மாற்றி மாற்றி இருவரும் சண்டை போட்டுக்கொள்ள 9 மணி தாண்டிவிட்டது.

சரியாக 9.05 மணிக்கு..

"பார்த்தியா நீ சொல்றது உண்மையா இருந்தா இன்னொரு காலப்பயணம் நிகழ்ந்து இருக்கனுமே உன்னுடைய 10 வாய்ப்பும் முடிஞ்சிடுச்சு. எனக்கு நீ சொல்வதை வைத்துப் பார்த்தால் இன்னொரு வாய்ப்பு இருக்கு ல? ஆனால் எதுவும் நடக்கலையே அப்படின்னா என்ன எல்லாமே உன்னோட கனவுதான் நிஜமாகவே இந்த காலபயணம் நடக்கல..." - அர்ஜுன்

இவர்கள் சண்டையை பார்க்கமுடியாத சிவாவும் கவுசல்யாவும் டிவியை ஆன் செய்து நியூஸை பார்த்தனர்.

அதில்..

பிரபல போலி சாமியார் ஹரிநந்தன் இன்று கைது செய்யப்பட்டார். வருபவர்கள் அனைவருக்குமே பூ ஒன்றை கொடுத்துவிட்டு நீ காலபயணம் செய்வாய் என பொய் கூறி பணம் பறித்த விஷயம் அம்பலமாகியது. இன்னும் பல மோசடிகள் ஒன்றொன்றாக தெரியவந்துள்ளது..

அந்த செய்தியை பார்த்த சிவா பிரியா மற்றும் அர்ஜுனை அழைத்து காண்பித்தான். அதனைப் பார்த்த அர்ஜுன் விழுந்து விழுந்து சிரித்து விட்டு..

"பார்த்தியா நான் சொன்னேன்ல காலபயணம் எல்லாம் ஒன்னும் இல்ல நீ தேவையில்லாம கனவு கண்டு இருக்க. நேரமாச்சு ஒருவேளை இன்னிக்கு என் கூடயே நீ தங்குவது என்றாலும் எனக்கு ஓகே தான். என்ன தூக்கத்தில் மேல காலை போடுவேன் அதை மட்டும் கண்டுக்காத.." - அர்ஜுன் குறும்பான பேச்சால் பிரியா அதற்கெல்லாம் பதிலளிக்காமல் கௌசல்யா கூட சென்று விட்டாள்.

"ஏன்டா அர்ஜுன் அவளை நம்பாட்டியும் பரவல இப்படி கிண்டல பண்ணுவ பாவம் டா.." - சிவா

"விடு போகப்போக இதெல்லாம் கனவு என அவளை புரிஞ்சுப்பா.." - அர்ஜுன்

அடுத்து வந்த மூணு மாசமும் அர்ஜுன் பிரியாவிற்கு ரெக்கை கட்டி கொண்டு பறந்தது. தங்கள் விருப்பத்தை தங்கள் பெற்றோரிடம் கூறி கல்யாணத்துக்கு ஏற்பாடு செய்து விட்டனர். அதோடு சிவா மற்றும் கௌசல்யாவின் பெற்றோரிடம் கூட பேசி அவர்கள் காதலுக்கு சம்மதம் வாங்கி விட்டனர்.

நடந்தது எல்லாமே ஒரு கனவுதான் என பிரியாவும் ஒரு கட்டத்தில் நம்பி விட்டாள்.

அவர்களின் ரிசப்ஷன் இரவு அன்று அர்ஜுன் ரூமில் அலங்காரம் செய்து கொண்டிருந்தான். அப்போ அங்கே வந்த வர்ஷா அவனுக்கு ஒரு பரிசு தருவதாக சொல்லிவிட்டு தன் கையில் வைத்திருந்த தாயத்து ஒன்றை தந்தாள்.

"அர்ஜு அன்னிக்கு எங்க வீட்டுல ஒரு தண்ணி அடிச்சா பாத்தியா அப்போ தெரியாம உன் கையில் இருந்த இந்த தாயத்தை விழுந்து விட்டது." - வர்ஷா

அப்போதான் அவன் தாயத்து தொலைந்த விஷயத்தையே கவனித்தான். இருந்தாலும் அதையெல்லாம் ஓரம் கட்டியவன் ரிசப்ஷன் மேடைக்குச் சென்றான்.

சிறிது நேரத்தில் அழகு ஓவியமாக பக்கத்தில் வந்த பிரியாவின் காதில்..

"பிரியா பார்க்கவே செமையா இருக்கடி. கொஞ்சம் விட்டால் இப்பவே உன் கழுத்தில் தாலிகட்டி ஃபர்ஸ்ட் நைட்டை முடித்துவிடுவேன்.." - அதனை கேட்டு அவன் முதுகில் தட்டியவள்.

"வழியுது தொடச்சுக்கோ.." - பிரியா

அந்த சமயத்தில்தான் அவனிடமிருந்த தாயத்தை போல மற்றொரு தாயம் அவள் கையில் இருப்பதை கண்டவன்..

"பிரியா இதென்ன தாயத்து இப்பதான் முதன் முதலில் கவனிக்கிறேன் எத்தனை நாளா இது உன் கையில் இருக்கு." - அர்ஜுன்

"அதான்டா நான் லூசுத்தனமா காலப்பயணம் என்றெல்லாம் சொன்னேனே அன்னிக்கு காலையில ஒரு பாட்டியம்மா பூ விற்று சென்றிருந்தபோது மயங்கி விழ நான் உதவிக்கு சென்றேன். அப்போதான் நான் சொல்ல சொல்ல கேட்காமல் இந்த தாயத்தை என் கையில் கட்டினார்கள். நானும் பாசமா கட்டி விட்டார்களே என்ற காரணத்தால் கழட்டாமல் விட்டுட்டேன் ஏன் நல்லா இல்லையா.." - பிரியா

பின் தாயத்தையும் நன்றாக பார்த்தவன் கண்ணுக்கு மட்டும் இரண்டுமே ஜொலித்தது.

"பிரியா எனக்கு ஒரு சந்தேகம் அந்தக் காலப் பயணம் எப்படி நிகழும் சொன்ன? தூங்கி எழுந்து அப்பறம் நைட்டு ஒன்பது மணி வரை சுழற்சியால் சுற்றும் என்றுதானே சொன்ன.." - அர்ஜுன்

"இப்ப ஏன் அந்தக் கேள்வி அதான் வேறு கனவென்று ஆயிடுச்சு ல.." - பிரியா

"ஆமாம் ஆமாம். இன்னைக்கு நைட்டு தூங்கி நாளைக்கு காலையில் நம்ம எழுந்தால் நமக்கு கல்யாணம் ல.." - அர்ஜுன்

"ஆமாம் ஆமாம்.." - அவள் பல்லைக் கடித்துக்கொண்டு சொல்ல

"அப்போ மறுபடியும் மறுபடியும் பத்து தடவே கல்யாணம் செய்து கொள்வோமா??" - அர்ஜுன்

"மறுபடியுமா..??" - பிரியா

முற்றும்...