அனைவருக்குமான தளம்! விருப்பம் உள்ளவர்கள் தங்களது பங்களிப்பை தரலாம்!

சித்திரை போட்டி திரை விமர்சனம் !

kohila

Active member
#41
நாடோடிகள்


1561125327870.png


இயக்குநர் சமுத்திரக்கனியின் திறமையை உலகுக்கு காட்டிய படம். முறைப் பெண்ணை கைப்பிடிக்க அரசாங்க வேலைக்கு காத்திருக்கும் சசிகுமார். சசிகுமாரின் தங்கையை விரும்பி, சொந்தமாக தொழில் ஆரம்பித்து வாழ்க்கையில் செட்டிலாக தேவையான நடவேடிக்கைளை எடுக்கும் விஜய் வசந்த். வெளிநாட்டு வேலை வாய்ப்புக்காக காத்திருக்கும் பரணி. இவர்களின் ஆசை கனவு எல்லா பூர்த்தி ஆகும் நிலையில், உதவிகேட்டு வந்த சசிக்குமார் நண்பனுக்கு, காதலில் உதவி செய்ததால், நிறைய இழப்புகளை சந்தித்து மீண்டும் ஆரம்பித்த இடத்தை விட, சற்று முன்னதாக கால சுக்கரம் சுற்றிய இடத்திற்கு வந்து நிற்பார்கள்.

முதல்பாதி வரை நகைச்சுவை உணர்வுடன் கதை சொல்லி இருப்பார். காதலர்கள் நண்பர்கள் உதவியுடன் இணைந்து விட்டால் அதுதான் வெற்றி என்று சுபம் போட்டு முடித்து வந்த தமிழ் சினிமாவில் அதற்கு பின் உள்ள வாழ்க்கையையும் இன்றைய தலைமுறையினரின் காதல் மோகத்தையும் சமூக பொறுப்புணர்வுடன் காட்டினார் சமுத்திரகனி.

பத்து வருடங்களாகியும் காதலுக்கு உதவும் நண்பர்கள் என்றாலே சம்போ சிவ சம்போ ஞாபகத்திற்கு வந்து ட்ரென்ட் செட்டை உருவாக்கி விட்டது.

காது கேளாத வாய் பேச முடியாத பொண்ணா அது என்று வியக்கும் அளவுக்கு அபிநயா நடிப்பில் அழுத்தமான முத்திரையை பதித்து விட்டார். அவருடன் சசிக்குமாரை கண்மூடித்தனமாக காதலித்து அப்பாவின் உயிருக்காக காதலை தூக்கி எறியும் அனன்யா, துறுதுறு நடிப்பில் ரசிக்க வைப்பார்.

செல்லுமிடமெல்லாம் பத்து பேர் கொண்ட குழுவுடன் சென்று நீங்க நல்லவரா கெட்டவரா என்று பலமாக யோசிக்க வைக்கும் நமோ நாராயணன் கேரக்டர் நிச்சயம் நம் மனதில் இடம் பிடிக்கும்.

நம்மை ஒன்றி போக செய்யும் சாதாரணமான காட்சிகளுக்குள், அற்புதமான கதைக்கருவை ஒளித்து வைத்து தரமான திரைப்படம்.
 
#42
Taxiwala
fb55d7bf045391610c1ee18bd95cb2fa.jpg
Staring: Vijay Devarakonda, Priyanka Jawalkar
Initial release: November 17, 2018
Director: Rahul Sankrityan
Music composed by: Jakes Bejoy
Producer: Sreenivas Kumar


தனது கிராமத்திலிருந்து நகரத்துக்கு பணமீட்ட வரும் ஒரு இளைஞன் தான் விஜய். நண்பனின் உதவியோடு கிடைக்கும் பல வேலைகளைச் செய்து பார்த்தும் திருப்திப்படாதவன் டாக்சி டிரைவராக முடிவெடுத்து கிராமத்துக்குத் திரும்பி அண்ணியின் தாலி, நகைகளை விற்றுப் பணம் புரட்டுகிறார்.

அந்தப் பணத்தைக் கொண்டு ஒரு காரை வாங்குகிறார். விஜய் ஓலா டாக்சி ஓடுபவர் முதலாவதாக ஏறும் பெண் மீது காதலும் கொள்கிறார். ஆனால் அதன் பின் அவர் டாக்சியில் சில அமானுஸ்யங்களை உணர்கிறார். ஒரு கட்டத்தில் இவரையும் மீறி அந்த டாக்சி ஒருவரை கொன்றும் விடுகிறது.

ஆரம்பத்தில் டாக்சி மீது கோபப்பட்டாலும் இதற்கான காரணங்களைக் தேடிக் கண்டறிந்து டாக்சியில் நடந்த அமானுஸ்யங்களுக்குத் துணை போகிறார் விஜய்.

டாக்சியில் இருந்தது யார்? அது டாக்சியில் தங்கியதற்கு காரணம் என்ன? எப்படி இந்த நிலைக்கு ஆளாகியது? விஜய் எவ்வாறு உதவி செய்தார்? என்பவற்றை விறுவிறுப்பாக நகர்த்தியுள்ளார்கள். காமெடியோடு சூப்பர் நச்சுரல் பவரும் கலந்து சஸ்பென்ஸ் படமாகத் தந்துள்ளார்கள்.

விஜய் தேவரகொண்டா ரசிகைகள் தவறாது பார்க்க வேண்டிய திரைப்படங்களில் ஒன்று இது.
 
#43
Gully Boy

Staring : Ranveer Singh, Alia Bhatt
Director : Zoya Akhtar
Music by: Karsh Kale; The Salvage Audio Collective
Written by: Vijay Maurya; (dialogue)
Produced by: Ritesh Sidhwani; Zoya Akhtar; Farhan Akhtar


502e8d5b8a4b766b86ebb4bd1fe21a33.jpg
மும்பையைச் சேர்ந்த ஒரு சேரிப் பையன் தனது கனவான rapping உலகில் நுழைந்து எவ்வாறு சாதித்தான் என்பது தான் கதை. மும்பையின் சேரி வாழ்க்கையை அத்தனை யதார்த்தமாகக் காட்டியுள்ளார்கள்.

வளர்ந்த மகனை வைத்துக் கொண்டு முதல் மனைவி இருக்கத்தக்கதாக இளம் பெண்ணை இரண்டாம் திருமணம் செய்து அழைத்து வரும் தந்தை. தாயின் மன அழுத்தங்கள். ஒரு கட்டத்தில் பொறுப்பான மகனாய் தாயை அழைத்துக் கொண்டு வீட்டை விட்டு வெளியேறுகிறார் நாயகன்.

சிறு வயதிலிருந்தே காதலியாக இருக்கும் நாயகி. காதலன் நிலை புரிந்து அவனுக்கு உதவுவது. அதேநேரம் வைத்தியருக்குப் படிக்கும் தனது படிப்பிலும் கவனமாக இருப்பது. காதலன் மீது வைக்கும் அளவுக்கதிகமான பொஸவிவ்னெஸ்ஸால் இன்னொரு பெண்ணை அடி பின்னுவதில் ஆலியா தனது பாத்திரத்தை உணர்ந்து நடித்திருக்கிறார்.

கீழ் மட்டத்திலிருந்து சாதிப்பதென்பதில் ஏற்படும் பிரச்சினைகளையும், கிடைக்கும் சந்தர்ப்பத்தை உரிய வகையில் உபயோகிக்க வேண்டும் என்பதையும் அழகாகக் கூறியுள்ளார்கள்.

ரன்வீர், ஆலியா, கல்கி என்று எல்லோரும் தத்தமது பாத்திரங்களுக்கு இயல்பாய் உயிர் கொடுத்துள்ளார்கள்.

எல்லாம் நிறைந்த இளைஞர்களுக்கு நல்லதொரு ஊக்கம் தரக் கூடிய ஒரு திரைப்படம்.

என்றும் அன்புடன்
யாழ் சத்யா.
30.06.2019.
 
#44
Queen

Stars: Kangana Ranaut, Lisa Haydon, Rajkummar Rao.
Director: Vikas Bahl
Producers: Anurag Kashyap, Vikramaditya Motwane, Madhu Mantena.
Story by: Vikas Bahl
Music by: Amit Trivedi


430d918fe940f2493ae65e25c29c0d19.jpg
கங்கனா ராணத்தின் பெயர் தான் ராணி. அவரைத் துரத்தித் துரத்திக் காதலித்த விஜய் (ராஜ்குமார்) திருமணத்திற்கு முதல் நாள் வெளிநாட்டில் வசிக்கும் தனக்கு ராணி பொருத்தமானவர் இல்லை என்று கூறித் திருமணத்தை நிறுத்தி விடுவார். இதனால் மனமுடைந்து போகும் ராணி ஒருநாள் முழுவதும் தனது அறையில் அடைந்து கிடந்து எடுக்கும் முடிவு தான் முதலே பதிவு செய்திருந்த ஹனிமூனுக்குத் தான் தனியாகச் செல்வது என்பது. பெற்றோரும் அனுமதிக்கவே ஒரு மாற்றம் வேண்டித் தனியாகப் புறப்பட்டுச் செல்கிறார்.

பாரீஸுக்குச் செல்லும் அவருக்குப் புதிய இடம், புதிய மனிதர்கள், புதிய மொழி தரும் அனுபங்களே கதையை நகர்த்திச் செல்கிறது. நாட்டுக்குத் திரும்ப நினைக்கும் ராணிக்கு பாரிஸில் சந்திக்கும் இந்திய கலப்புப் பெண்ணின் நட்பு துணிவைத் தர தொடர்ந்து ஐரோப்பாவில் தங்குகிறார்.

மாடர்ன் ட்ரெஸ்ஸில் எடுத்த போட்டோவை மாறி விஜய்க்கு அனுப்பி விட அதைப் பார்த்த விஜய் மறுபடியும் இவரைத் தேடி வருகிறார். மூன்று ஆண்களுடன் ராணி தங்கியிருப்பதைப் பார்க்கும் விஜய் தனது பழைய குணத்தைக் காட்ட ஆரம்பிக்கிறார். இந்தியாவில் வைத்துப் பேசிக் கொள்ளலாம் என்று முடிவெடுக்கிறார்கள்.

இந்தியாவுக்குத் திரும்பியதும் ராணி மனம் மாறி விஜயைக் கைப் பிடித்தாரா? ஐரோப்பா பயணம் இவருக்குக் கற்றுத் தந்த அனுபவத்தை இவர் எப்படி பயன்படுத்தினார்? என்பதை அழகாக சொல்லியிருக்கிறார்கள். கங்கணா ராவத்தின் மிகச் சிறந்த படங்களில் இதுவும் ஒன்று.

என்றும் அன்புடன்
யாழ் சத்யா.
30.06.2019
 
#45
Sanam Teri Kasam

Starring: Harshvardhan Rane, Mawra Hocane
Directer: Radhika Rao, Vinay Sapru
Producer: Deepak Mukut
Written by: Radhika Rao, Vinay Sapru
Music: Himesh Reshammiya


a8238176255f068e9033d28d1a06fc0e.jpg
சரஸ்வதி அவரது old fashioned தோற்றத்தால் வரும் வரன்களால் நிராகரிக்கப் படுகிறார். இவரது தங்கை ஒருவரைக் காதலிக்கிறார். ஒரு மாதத்திற்குள் திருமணம் செய்ய வேண்டிய நிலை. தந்தையோ சரஸ்வதிக்குத் திருமணமாகாது தங்கைக்குச் செய்ய முடியாது என்கிறார். தங்கையோ வீட்டை விட்டு வெளியேறத் தயாராகிறார்.

தான் ஒரு மாதத்திற்குள் மாப்பிள்ளை ஒருவரைப் பிடித்து விடுவதாகக் கூறித் தங்கையை வீட்டை விட்டு வெளியேறாமல் தடுக்கிறார் சரஸ்வதி. அதே அப்பார்மெண்டில் வசிப்பவர் இந்தர். இவரில் அங்கு வசிப்பவர்களுக்கு நல்ல மரியாதை இல்லை. இவரது காதலி ஒரு ஸ்டைலிஸ்ட். அவரிடம் சரஸ்வதி தன்னை அழகுபடுத்துவதற்கு அப்போயின்மெட் வாங்கித் தருமாறு கேட்கச் சென்ற இடத்தில் அந்த ஸ்டைலிஸ்டால் தவறாகப் புரிந்து கொள்ளப்பட்டு பியர போத்தலால் தாக்க அந்த அடியை இந்தர் வாங்கிக் கொள்கிறான்.

அவனுக்கு முதலுதவி செய்யும் சரஸ்வதி அவளது வீட்டினர் வெளியே சென்றிருந்த நேரத்தில் இங்கேயே தங்கி விட ஒரே கட்டிலில் இருக்கும் இருவரையும் சரஸ்வதியின் தந்தை பார்த்துப் பிழையாக விளங்கிக் கொள்கிறார். தங்கையின் நலன் கருதி சரஸ்வதியும் அதை அப்படியே விட்டு விடுகிறார்.

அதன் பிறகு இந்தர், சரஸ்வதியுடனான உறவு, சரஸ்வதி குடும்பத்துடன் இணைந்தாரா? இந்தர் தன் பழக்க வழக்கங்களை மாற்றி திருந்தி நல்வழிப்பட்டானா? என்பதைச் சொல்லிச் செல்கிறது திரைக் கதை.

ரொமான்ஸோடு சேர்த்துக் கண்ணீரையும் பரிசளிக்கும் படம். அழுகை வரும் தான் என்றாலும் ரொமான்ஸ் படப் பிரியர்கள் தவறாது பார்க்கலாம்.

என்றும் அன்புடன்
யாழ் சத்யா.
30.06.2019.
 
#46
காற்றின் மொழி

நடிப்பு : ஜோதிகா, விதார்த்

விஜி என்னும் விஜயலட்சுமி இல்லத்தரசி, வேலைக்கு செல்ல வேண்டும் என்று அதிக ஆவல் கொண்டவர்.அப்படி இருக்கையில் எதிர்பாராத விதமாக அவருக்கு எப்.எம்.யில் ஆர் ஜே வேலை கிடைக்கிறது. கிடைத்த வாய்ப்பை அற்புதமாக பயன்படுத்தி ஆர்.ஜே.வாக அட்டகாசமாக வலம் வருகிறார். ஆனால் அதுவரை நன்றாக சென்று கொண்டிருந்த அவர் குடும்பத்தில் அவர் வேலைக்கு செல்வதால் பிரச்சினைகள் ஏற்படுகிறது. இதனால் அவர் வேலையை விட நினைக்கிறார். அவர் அந்த வேலையைவிட்டாரா இல்லையா என்பது கிளைமாக்ஸ்.

ஜோதிகா வேலைக்கு செல்ல விரும்பும் இல்லத்தரசியின் பிரதிபலிப்பாய் அசத்திருக்கிறார் . விஜயலட்சுமி என்னும் கதாபாத்திரமாக வாழ்ந்து இருக்கிறார். வெவ்வேறு விதமான நேயர்களை அவர் கையாளும் விதம் அற்புதம். அவர் சொல்லும் ஹல்லோ தனி ரகமாய்!இனிய ராகமாய்!

பாலு - விஜியின் கணவராய் விதார்த் நடிப்பு அருமை. லஷ்மி மஞ்சு, குமாரவேல், எம். எஸ்.பாஸ்கர் என்று அனைத்து கதாபாத்திரங்களும் அற்புதம்.

மொழி படத்திற்கு பிறகு மீண்டும் இணைந்த ஜோதிகா - ராதா மோகனின் வெற்றி கூட்டணியாய் 'காற்றின் மொழி'.
 
#47
சில்லுனு ஒரு காதல்

சூர்யா ஜோதிகா நடிப்பில் வெளிவந்த அழகான படங்களில் இதுவும் ஒன்று.சூர்யா ஜோதிகா காம்போ என்றாலே எப்பொழுதும் அசத்தல் தானே . இதிலும் அப்படியே. கணவன் மனைவியாக வரும் இருவரின் அன்பும், காதலும் , அன்யோன்யமும் அருமையோ அருமை.

காதல் கல்யாணம் செய்ய வேண்டும் என்ற முடிவில் இருக்கும் ஜோ(குந்தவி), காதல் தோல்வியில் இருக்கும் சூர்யா (கௌதம்). இருவரும் தங்கள் குடும்பத்திற்காக விருப்பமில்லாமல் இனணயும் திருமணம். ஆனால் திருமணத்திற்கு பிறகு

'பறவைகள் செய்யுதே
பட்டாம்பூச்சி செய்யுதே
நதிகள் செய்யுதே
மரங்கள் செய்யுதே
யாதும் செய்யுதே
நீயும் செய்யவா காதல்

சில்லுனு ஒரு காதல் ' ன்னு ஒருவர் மேல் ஒருவர் காதல் கொண்டு படம் பார்க்கிறவர்களையும் அவங்க காதல் மழைல ஜில்லுனு நனையவைப்பாங்க.

பூமிகா கதாபாத்திரமும் அருமை. சிறிது நேரமே வந்தாலும் மனதை கொள்ளை கொண்டு சென்றுவிடுவார். முன்பே வா ஒரு பாடலே அதற்கு சான்று.

பாடல்கள் பத்தி சொல்ல வேண்டியதில்லை அனைத்துமே சூப்பர் டூப்பர் ஹிட் . மொத்தத்தில் சில்லுனு ஒரு காதல் இனிமையான சில்லென்ற தூரல்.
 

Anuya

Well-known member
#48
குக்கூ

IMG_20190728_130733.jpg

பார்வையற்ற மாற்றுத் திறனாளிகள் இருவரின் காதல், அவர்கள் காதலுக்கு வரும் சோதனைகள், தடைகள், ...... அவற்றிலிருந்து எப்படி இவர்கள் மீள்கிறார்கள் என்பது தான் கதை.....

மின்சார இரயில்களில் பிற பார்வையற்ற இளைஞர்களுடன் சேர்ந்து சின்ன சின்ன பொருட்கள், பொம்மைகளை விற்கும், அவ்வப்போது இளையராஜா குரலில் கச்சேரிகளில் பாடும் பார்வையற்ற இளைஞர் தமிழ்( தினேஷ்). அதே மின்சார இரயில்களில், பயணிக்கும் ஆசிரியர் பயிற்சிக்கு படிக்கும் பார்வையற்ற பெண் சுந்தரக்கொடி ( மாளவிகா நாயர்). இவர்கள் இருவரின் சந்திப்பும் மோதலில் தொடங்கி பிறகு காதலாக மலர்கிறது....இந்நிலையில் கொடியின் அண்ணன், தங்கையை வேளையில் சேர்ப்பதற்காக தேவைப்படும் பணத்தை ஏற்பாடு செய்து தந்த தன் ஆட்டோ ஓட்டுனர் நண்பருக்கு கொடியை திருமணம் செய்துவைக்க முயல்கிறார்....

வேலைக்காக வாங்கிய பணத்தை அண்ணனின் தந்துவிட்டு தன்னை அங்கே இருந்து அழைத்து செல்லுமாறு தமிழிடம் சொல்லக்கிறார் கொடி.பணத்துடன் வரும் தமிழ் போலீஸில் சிக்கி, அவர்களிடம் இருந்து தப்பி விபத்தில் அடிபட்டு உயிர்க்கு போராடுகிறார்.. இந்நிலையில் கொடிக்கு ரகசியமாக திருமண ஏற்பாடு செய்கிறான் கொடியின் அண்ணன். இதனை அறிந்த கொடி வீட்டில் இருந்து வெளியேறுகிறாள். தமிழ் பிழைத்தான? வீட்டில் இருந்து வெளியேறிய கொடி என்ன ஆனாள் ? கொடியும் தமிழும் இணைந்தனரா?என்பது மீதி கதை....

பார்வையற்றவர்களின் உலகம் , அவர்களின் வாழ்க்கை, அவர்களின் சந்தோஷங்கள், அவர்களின் சோகம் என்று இவற்றை அத்தனை அழகாக சொல்லியிருக்கிறார் இயக்குனர் ராஜு முருகன்.

' ரேடியோ கண்டுபிடிச்சது மார்கோனி, ஆனா அத கேக்கவச்சது நம்ம இசைஞானி ' ' தமிழ்நாட்டுல பட்டம் கொடுத்தா தலைக்கு மேல எரிக்குவானுங்க' போன்ற வசனங்கள் அருமை.

சந்தோஷ் நாராயணன் இசையில் யூகபாரத்தியின் வரிகள் அருமை ... 'மனசுல சூரக்காத்து' ' ஆகாசத்தை நா பாக்குற ' போன்ற பாடல்கள் செம.....

பார்வையற்றவர்களின் உலகம், அவர்களின் காதல் , சோகம் என்று நாம் சற்றும் யோசிக்காத வேறு ஒரு கோணத்தில் அவர்களின் உலகத்தில் நம்மையும் பயணிக்க வைக்கிறது குக்கூ திரைப்படம் ....
 
#49
டிமான்டி காலனி

நடிப்பு: அருள்நிதி, ரமேஷ் திலக், ஷனத்,அபிஷேக் ஜோசப் , மதுமிதா,எம். எஸ். பாஸ்கர்

இயக்குனர் : அஜய் ஞானமுத்து

அருள்நிதி தன் நண்பர்கள் மூவருடன் (படம் இயக்க கதை சொல்லிக் கொண்டு இருக்கும் உதவி இயக்குனர், பிளம்பர், ஐடி கம்பெனி ஊழியர்) ஒரே அறையில் தங்கி இருக்கிறார்.

சென்னையில் டிமான்டி காலனி( 1900 கால கட்டத்தில் சென்னையில் வாழ்ந்த ஒரு போர்த்துகீசிய செல்வந்தரின் பெயர் டிமான்டி)என்ற பெயரில் ஒரு காலனி உள்ளது . அந்த காலனியில் டிமான்டி வாழ்ந்த அந்த பெரிய பங்களாவில் பேய்கள் இருப்பதாக கூறப்படுகிறது.

உதவி இயக்குனராக இருக்கும் இளைஞன் , பேய் கதை எழுதும் முயற்சியில் இருக்கிறார். எனவே அந்த டிமான்டி காலனிக்கு சென்று அங்கு ஏற்படும் அனுபவங்களை படமாக எடுக்க முடிவு செய்து , தன் நண்பர்களையும் கூட்டி செல்கிறார். அப்பொழுது அங்கு இருந்த டிமான்டிக்கு சொந்தமான ஒரு பெரிய தங்க டாலரை தன் நண்பர்களுக்கும் தெரியாமல் கொண்டு வந்து விடுகிறார் அந்த உதவி இயக்குனர் இளைஞன்.

அந்த நகையை எடுத்து சென்ற யாரும் உயிருடன் இருக்கமாட்டார்கள் என்றும், அந்த நகை எப்படியாவது திரும்ப அந்த பங்காளவுக்கே சென்றுவிடும் என்ற செய்தியைை நண்பர்கள் அறிய வருகிறார்கள். அங்கு இருந்து ஆரம்பமாகிறது டிமான்டி பேயின் பழிவாங்கும் படலம்.அந்த நால்வரும் எவ்வாறு அந்த பேயிடம் மாட்டி உயிர் விடுகிறார்கள் என்பதே படத்தின் மீதி கதை.

ஒரே அறையில் நடப்பது போல் முக்காவாசி காட்சிகள் வந்தாலும் விறுவிறுப்புக்கு கொஞ்சமும் குறைவில்லாமலும் பார்பவர்களையும் மிரள வைக்கிறது டிமான்டி காலனி.

அருள்நிதியின் அசத்தாலான நடிப்பில், மிரட்டும் பேய் காட்சிகளுடன் திரில்லாக படத்தை தந்துள்ளார் இயக்குனர்.
 
Last edited:
#50
அருந்ததி

அனுஷ்காவின் சினிமா வாழ்க்கையில் 'அருந்ததி' ஒரு முக்கிய இடம் பெற்ற படம். அவரின் அசத்தலான நடிப்பு திறமைக்கு சான்றாக அமைந்த படம்.
இரண்டு கதாபாத்திரங்களில் (முதல் தலைமுறை அருந்ததியாகவும் மூன்றாம் தலைமுறை அருந்ததியாகவும்) அசத்தியுள்ளார்.

முந்தைய ஜென்மத்தில் தான் உயிருடன் சமாதி கட்டிய பிரேதாத்மாவை அழிக்க மீண்டும் ஜனனம் எடுத்து வருகிறாள் அருந்ததி. முந்தைய ஜென்மத்தில் வீரமான ராணியாகவும் இந்த ஜென்மத்தில் அமானுஷ்யத்துக்கு பயந்து நடுங்கும் சராசரி பெண்ணாகவும் இருவேறு கதாபாத்திரங்களில் கலந்துகட்டி நடித்துள்ளார் அனுஷ்கா.

பசுபதியாக வில்லன் நடிகர் சோனுஷூட் பிரமாதமாக நடித்து மிரட்டியிருக்கிறார்.மனோரமா, சாயாஜி ஷிண்டே கதாபாத்திரங்களும் அருமை.

கந்தர்வகோட்டை அரண்மனை செட், பாழடைந்த நிலையில் மிரட்டலாகவும், புத்தம் புதிதாக ஜொலித்த நிலையில் பிரமாண்டமாகவும் காட்சியமைக்கப்பட்டிருக்கிறது.

விறுவிறுப்பாகவும் திகிலாகவும் படம் நகரும் விதம் அருமை. மொத்தத்தில் அருந்ததி மிரட்டலான திகில் பேய் படம்.
 

Anuya

Well-known member
#51
பயணம்

IMG_20190730_181019.jpg

சென்னையில் இருந்து டெல்லி செல்லும் விமானம் அதே விமானத்தில் பயணிக்கும் தீவிரவாதிகள் தூப்பாகி முனையில் வெளிநாட்டிற்கு கடத்த முயற்சிக்கின்றனர்......அனால் எதிர்பாராமல் விமானத்தில் ஏற்பட்ட தொழில்நுட்ப கோளாறினால் அந்த விமானம் திருப்பதி விமான நிலையத்தில் தற்காலிகமாக தரை இறக்கப்படுகிறது.....அந்த விமானமும் அதனுள் இருக்கும் பயணிகளையும் பனைய கைதிகளாக வைத்துக்கொண்டு, இந்திய அரசாங்கத்தினால் கைது செய்யபட்டு காஷ்மீர் சிறையில் இருக்கும் சர்வதேச திவிரவாதியான யூசப்கானை விடுவிக்குமாறு இந்தியா அரசாங்கத்திற்கு கடத்தல் தீவிரவாதிகள் கோரிகை விடுகின்றனர்..... இந்நிலையில் கமாண்டோ படை அதிகாரியான நாகா அர்ஜுனா தன் டீமுடன் இந்திய அரசாங்கத்தின் உத்தரவின் பேரில், திருப்பதி செல்கின்றனர்.....அங்கு திருப்பதியில் தன் கமாண்டோ படை உயர் அதிகாரியான பிரகாஷ் ராஜின் ஒப்புதலுடன் விமானத்தை அந்த தீவிரவாதிகளின் பிடியில் இருந்து விடுவிக்க பல முயற்சிகளை மேற்கொள்கிறார்.... நாகா அர்ஜுனா முயற்சிகள் பயன் அளித்ததா?விமானத்தை தீவிரவாதிகளிடம் இருந்து மீட்டனரா? என்பது மித கதை.....

படத்தில் வரும் ஒவ்வொரு கதாபாத்திரமும் நம் மனதில் அப்படியே பதிந்து விடுகின்றனர்...பெரிய நடிகராக வந்து கரப்பான் பூச்சிகெல்லாம் பயப்படும் பப்லு ஆகட்டும், மிலிட்டரி மேஜர் தலை வாசல் விஜய், டாக்டர் ஆகா வரும் ரிஷி என்று ஒவ்வொருவரும் தங்கள் கதாபாத்திரத்தை அருமையாக நடித்து உள்ளனர்.....யூசப்கானாக நடித்த ஹீரோவை யூசப் ஆகா வேடம் போட்டு நடிக்க வைக்கும் காட்சி அருமை ....

படத்தில் ஆரம்பம் முதல் இறுதி வரை அடுத்த என்ன என்ன என்று ஒரு எதிர் பார்ப்பை ஏற்படுத்துகிறார் இயக்குனர் ராதா மோகன்.
 
#52
அறம்

நடிகர்கள் - நயன்தாரா, ராம்ஸ், சுனுலட்சுமி, காக்கா முட்டை ரமேஷ், பேபி தன்ஷிகா.

இயக்கம் - கோபி நயினார்

இசை - ஜிப்ரான்

தமிழகத்தின் வடக்கு எல்லையில் உள்ள காட்டூர் என்னும் கிராமத்தில் ராம்ஸ், சுனுலட்சுமி தம்பதியினர் தன் மகள்(பேபி தன்ஷிகா) மற்றும் மகன்(காக்கா முட்டை ரமேஷ்) உடன் வசித்து வருகிறார்கள். அக்கிராமத்தில் குடிக்க கூட நீர் இல்லாமல் தண்ணீர் பஞ்சம் தலை விரித்து ஆடுகிறது . அந்நிலையில் அங்கு ஒரு கவுன்சிலர் நிலத்தில் தோண்டப்பட்ட ஆழ்துளைக் கிணறு ஒன்று தண்ணீர் கிடைக்காத காரணத்தால் அப்படியே மூடப்படாமல் விடப்பட்டுள்ளது. அந்த ஆழ்துளைக் கிணறுற்றுக்கு பக்கத்தில் உள்ள நிலத்துக்கு வேலைக்கு செல்லும் சுனுலட்சுமி தன் நான்கு வயது மகள் தன்ஷிகாவையும் உடன் அழைத்து செல்வது வழக்கம். அப்படியிருக்கையில் ஒருநாள் எதிர்பாராதவிதமாக அங்கு தோண்டப்பட்டிருக்கும் ஆழ்துளைக் கிணற்றுக்குள் சிறுமி விழுந்துவிட, அச்சிறுமியை மீட்கும் பணிக்கு மாவட்ட கலெக்டரான நயன்தாராவே நேரடியாக வருகிறார். மீட்புக் குழு ஒன்றையும் அமைத்து அச்சிறுமியை காப்பாற்ற தீவிர முயற்சியில் ஈடுபடுகிறார். எனினும் அப்பணியில் ஏகப்பட்ட சிக்கல்களும் அரசியல் தலையீடுகளும் வருகிறது. அவற்றையெல்லாம் மீறி அந்த சிறுமியை நயன்தாரா காப்பாற்றினாரா இல்லையா என்பதுதான் படத்தின் கதை.

நயன்தாரா நடித்த படங்களில் இக்கதாபாத்திரம் தனி சிறப்பு . ஒரு நேர்மையான கலெக்டர் என்றால் எப்படி இருக்க வேண்டும் என்பதற்கு மதிவதனி கதாபாத்திரம் சிறந்த உதாரணம். மிக சிறந்த நடிப்பு. அருமையான கதாபாத்திரம்.

'800 கோடி ரூபாய் செலவு செய்து ராக்கெட் விடற நாட்டுல, ஆழ்துளைக் குழாயில விழுந்தவங்களைக் காப்பாற்ற ஒரு கருவியும் இல்லை ' என்ற உண்மையை அசால்டாக சொல்லி விட்டு செல்கிறார் இயக்குனர்.சிறப்பு!

மிக சிறந்த வசனங்களும், சில யதார்த்த உண்மைகளையும் கொண்டு அழகாக பிண்ணப்பட்டிருக்கிறது அறம். அழகிய அற்புதமான கதைகளம்.
 

Anuya

Well-known member
#53
குட்டி

Screenshot_2019-07-30-21-26-18-032_com.google.android.googlequicksearchbox.jpg

குட்டி படத்தின் பெயரை போலவே குட்டியான கியூடான லவ் ஸ்டோரி?. தனுஷ் ஸ்ரேயாவை காதலிக்கிறார், ஆனால் ஸ்ரேயாவோ சமீரை காதலிக்கிறார். கிட்டத்தட்ட ஓரு முக்கோண காதல் மாதிரி. யார் ஸ்ரேயாவை அதிகம் காதலிக்கின்றனர் என்ற காதல் போட்டியில் வெல்லுவதில் தனுஷும் சமிரும் பண்ணும் கலாட்டா காமெடி+ action சேர்ந்த அமர்க்களம். கடைசியில் இந்த காதல் போட்டியில் யார் ஜெயிக்கிறார்கள் என்பது தான் கதை......

தனுஷின் நண்பி(பன்)னாக வரும் ஆர்த்தியின் கதாபாத்திரம் அருமை , பாய் cut ஹேர் ஸ்டைலில் பையனாகவே வலம் வருகிறார். தனுஷின் ஒவ்வொரு வசனமும் செம காமெடி, கருத்து என அனைத்தும் கலந்த கலவை. ஒளிப்பதிவு அருமை குறிப்பாக தனுஷ் வீடு இருப்பதாக காட்டும் இடம். தேவி ஸ்ரீ பிரசாத் இசையில் அணைத்து பாடல்களும் சூப்பர் டூப்பர்.

படத்தின் கிளைமாக்ஸ் தனுஷ் ' எல்லாத்தையும் நான் விளையாட்டகவே எடுத்துக்குவேணு நினைச்சிட்டேல்ல' என்று கேட்டுவிட்டு அழும் காட்சியில் அப்படியே மனதில் பதிக்கிறார்.

ஒரு குட்டியான அழகான லவ் ஸ்டோரியை படம் முழுதும் ஜாலி ஆக அழகாக கொண்டு சென்றுள்ளார் இயக்குனர் மித்ரன் ஆர் ஜவஹர். படம் முழுதும் தனுஷ் கொடுக்க ட்ரை பண்ணும் giftil உள்ள அந்த கொலுசு படத்தின் ஆரம்பத்தின் விடை . இந்த கிபிட்ஆ நீ அப்பவே வாங்கி இருக்கலாமே மா இது தான் என் mind voice படம் பார்க்கும் போது எல்லாம் ....குட்டி மை ஆல் டைம் fav:love:
 

Anuya

Well-known member
#54
கும்கி

Screenshot_2019-07-30-23-37-44-798_com.google.android.googlequicksearchbox.jpg

' ஆதிக்காடு' அற்புதமான வளங்கள் நிறைந்த மழைக்காடு. வெளிக்காற்று படாமல் தாங்களுண்டு தங்கள் காடுண்டு என்று அமைதியாக வாழும் மக்கள். தொழில் நுட்பங்கள் பலதும் வளர்ந்த இந்த காலகட்டத்திலும் தங்கள் கலாச்சாரத்தை மறக்க கூடாது என்பதற்காக தங்கள் மக்களின் உடையமைப்பை கூட மாற்றாது மக்கள் அமைதியாக வாழ்கின்றனர். ஆனால் அறுவடை நெருக்கும் போதெல்லாம் கொம்பன் என்னும் காட்டு யானை காட்டில் இருந்து வந்து செய்யும் அட்டகாசம் தாங்காது. அந்த காட்டுயானை கொம்பனின் தொல்லையில் இருந்து தப்பிக்க, ஒரு கும்கி யானையை வரவழைத்து கொம்பனை விரட்டலாம் என்று முடிவெடுகின்றனர். ஆனால், சூழ்நிலை காரணமாக கும்கி யானை வராமல் போக அதற்கு பதிலாக ஒரு இரண்டு நாட்களுக்கு கும்கி யானை போல் நடிக்க அந்த ஊருக்கு செல்லுகிறார்கள் கோவில் யானை மாணிக்கமும் அதன் பாகன் விக்ரம் பிரபுவும். இந்நிலையில் ஆதிக்காடு ஊர் தலைவரின் மகளான லட்சுமி மேனனுக்கும் விக்ரம் பிரபுவிற்கும் காதல் மலர்கிறது. இதனால் விக்ரம் பிரபு அந்த ஊரில் இருந்து வருவதாக இல்லை. மாணிக்கம் கும்கி யானை இல்லை கோவில் யானை என்பது ஊர் மக்களுக்கு தெரிந்தால் அதோ கதி தான் என்று மாணிகத்திற்கு கும்கி யானை பயிற்சிகளை மேற்கொள்கின்றனர். இந்நிலையில் அறுவடை சமயம் நெருங்க மாணிகத்திற்கு மதம் பிடிக்க ஆரம்பிக்கிறது. கொம்பனும் ஊருள்ளே நுழைகிறான்.விக்ரம் பிரபு தங்கி இருந்த குடிலை கொம்பன் சேதம் செய்கிறான். தன் பாகனை காப்பதற்காக களத்தில் இறங்குகிறான் மதம் பிடித்த மாணிக்கம். கொம்பன் & மாணிக்கம் சண்டையில் யார் வென்றனர்? என்பது மித கதை......

தம்பி ராமையாவும் அவருக்கு எடுபிடியாக வரும் உண்டியலும் செம காமெடி. தம்பி ராமையாவிற்கு ஊறுகாய் பாக்கெட் திருடி கொடுக்கும் மாணிக்கம், விக்ரம் பிரபுவிற்கு லவ் ஐடியா குடுக்கும் உண்டியல் என படம் முழுதும் காமெடி அள்ளுகிறது....

ஒளிப்பதிவாளர் எம்.சுகுமாரின் ஒளிப்பதிவு மிகவும் அருமை குறிப்பாக அருவி காட்சிகள் எல்லாமே அருமையோ அருமை. டி இமான் பின்னணி இசை கூடுதல் பலம். இரண்டு யானை ஒரு அழகான லவ் ஸ்டோரி என அருமையாக படத்தை கொண்டு செல்கிறார் இயக்குனர் பிரபு சாலமன்.

கடைசியில் மாணிக்கம் மட்டுமாவது உயிருடன் இருந்து இருக்கலாம். யாருமே இல்லாமல் விக்ரம் பிரபு லட்சுமி மேனன்னை திரும்பி பார்த்து உன்னை பார்க்காமலே இருந்து இருக்கலாம் னு நினைக்கும் பொழுது கண்ணு கலங்கிடிச்சு எனக்கு.... கும்கி❤️??
 

Anuya

Well-known member
#55
எதிர்நீச்சல்

Screenshot_2019-07-31-00-21-43-072_com.google.android.googlequicksearchbox.jpg

27 வருடங்களாக தனது பெயரான 'குஞ்சிதபாதம் ' என்னும் பெயரால் பலமுறை அவமானப்பட்டு, பள்ளியில் , கல்லூரியில் , தன் அலுவலகத்தில் என அனைத்து இடங்களிலும் தன் பெயரின் பாதியை மட்டுமே அழைக்க மிகவும் அவமானமாக உணர்கிறார் மிஸ்டர். குஞ்சிதபாதம் (சிவகார்த்திகேயன்). இந்த பெயரால் தனது காதலையும் இழக்கிறார். சரி இந்த பெயர் தானே பிரச்சனை என்று தனது பெயரை ஹரிஷ் என்று மாற்றிக்கொள்கிறார். இந்நிலையில் பெயர் மாற்றியதின் அதிர்ஷ்டமோ என்னவோ பிரியா ஆனந்த்துடன் காதல் மலர்கிறது. ஆனால் இந்த காதலும் சிவாவின் பழைய பெயரால் சிறு உரசல் ஏற்படுகிறது. எனவே தனது பெயற்கு ஒரு அடையாலம் வேண்டும் என்று மாரத்தான் போட்டியில் கலந்துகொண்டு வெற்றி பெற எண்ணுகிறார். இந்நிலையில் சிவாவின் coach ஆக வரும் நந்திதாவின் பிளாஷ் பாக் கேட்டு அவருக்கு நியாயம் வாங்கி தரவேண்டும் ,அதனால் போட்டியில் வெற்றி பெற வேண்டும் என கடுமையாக பயிற்சிகளை மேற்கொள்ளக்கிறார் சிவா. சிவா போட்டியில் வெற்றி பெற்றாரா? தனது பெயற்கான அடையாளத்தை வென்றாரா? நந்தித்தவிற்கு நியாயம் வாங்கி தந்தாரா? என்பது மித கதை........

சிவாவின் நண்பனாக வரும் சதீஷ் , மனோபாலா ஆகியவர்கள் வரும் காட்சிளால் காமெடி செம.... நந்தித்தவின் பிளாஷ் பாக் காட்சிகள் பார்க்கும் பொழுது கண் காலங்குகிறது.... அனிருத் இசையில் பாடல்கள் அனைத்தும் அருமை....

துரை செந்தில்குமார் இயக்கத்தில் எதிர்நீச்சல் திரைப்படம் சூப்பர் டூப்பர்... 'ஸ்பீட் ஸ்பீட் ஸ்பீட் ஏத்தி ' பாடல் கேட்கும் பொழுது எல்லாம் ஒரு பூஸ்ட் குடிக்ஜா எனர்ஜி கிடைக்கிறது ஆனால் அந்த பாட்டு முடிந்தவுடன் அந்த எனர்ஜிலாம் அப்படியே போய்விடுகிறது ?? எதிர்நீச்சல்❤️❤️❤️
 
#56
நூறு

ஹீரோ - அதர்வா
ஹீரோயின் - ஹன்சிகா
இயக்குனர் - சாம் ஆண்டன்

ஹீீரோ அதர்வாவிற்கு போலீஸ் வேலையில் சேர வேண்டும் என்று ஆசை .எனவே அதற்கான பயிற்சியில் ஈடுபட்டு வேலைக்காக காத்திருக்கிறார். அவரது காதலியான ஹன்சிகா டெலிகாலராக வேலை பார்க்கிறார்.இதற்கிடையில் ஹன்சிகாவின் தந்தையிடம் டியூஷன் படிக்கும் ஒரு பள்ளி மாணவி கொலை செய்யப்படுகிறார். தன்னை காதலித்துவிட்டு ஏமாற்றியதால் கொலை செய்தேன் என ஒரு மைனர் பையன் போலீசில் சரணடைகிறான்.

அதர்வாவின் நண்பரான மகேஷ் போலீஸ் வேலையில் ஏற்கனவே பணியாற்றி வருகிறார். இந்நிலையில் அதர்வாவிற்குக் அவர் விரும்பிய போலீஸ் வேலை கிடைத்து விடுகிறது. ரவுடிகள் மற்றும் தவறு செய்பவர்களை தண்டிக்க வேண்டும் என்ற கனவோடு பணியில் சேரும் அவருக்கு செம ஷாக்.அவர் கனவுக்கு எதிராக அவசர உதவி எண்ணான 100-க்கு வரும் அழைப்புகளை எடுக்கும் டெலிகாலராக பணியாற்றும் நிலை ஏற்படுகிறது . வேண்டா வெறுப்பாய் வேலையில் சேரும் அவர்,அந்த பணியையும் தனக்கு பிடித்த வகையி்ல் மாற்றி அமைத்து சாகசங்கள் செய்து வருகிறார். அதாவது அவசர உதவிக்கு அழைப்பவர்களின் பிரச்சினைகளை காவல் நிலையத்திற்கு மாற்றாமல், தானே நேரில் சென்று உதவி செய்து வருகிறார். அதுவும் ஒரு டீ குடிக்கும் கேப்பில். இந்நிலையில் அவர் அட்டன்ட் செய்யும் 100வது தொலைபேசி அழைப்பு, அவருக்கு ஒரு திருப்புமுனயாய் அமைகிறது. அதாவது இறந்ததாக கருதப்பட்ட அந்த பள்ளி மாணவி தான் 100க்கு அழைத்தது.அந்த அழைப்பு தான் அதர்வா அட்டென்ட் செய்யும் அவரது 100வது கால். அந்த அழைப்பை அட்டென்ட் செய்து அவருடன் பேசும் அதர்வா அதிர்ச்சியடைகிறார். ஏனெனில் அந்த பெண் தான் ஒரு பெரிய ஆபத்தில் இருப்பதாகவும் , தன்னை கடத்தி வைத்திருப்பதாகவும் கூறுகிறார். இதற்கு பின்னால் பெரிய கும்பல் இருப்பதை அறியும் அதர்வா, தன்னுடைய நண்பன் மகேஷ் இதில் ஈடுபட்டிருப்பதையும் தெரிந்து கொள்கிறார்.
அவர் அந்த பெண்ணை காப்பாற்றினாரா? அதற்கு பின்னனியில் யார் யார் இருக்கிறார்கள் என்பதை கண்டுபிடிப்பதே மீதி படம்.

அதர்வா முதல் முறையாக போலீஸ் கேரக்டரில் நடித்திருக்கிறார். இந்த கதாபாத்திரம் அவருக்கு கச்சிதமாக பொருந்திருக்கிறது. கதாபாத்திரத்திற்கு ஏற்றவாறு மிடுக்கான போலீசாக வலம் வருகிறார். ஹீரோயின் ஹன்சிகாவிற்கு அதிகமாக வேலை இல்லை. பாடல் மற்றும் சில காட்சிகளில் வந்து சென்றிருக்கிறார். நண்பராக வரும் மகேஷ் கொடுத்த வேலையை சிறப்பாக செய்திருக்கிறார்.

போலீஸ் கதையாக இருந்தாலும் வித்தியாசமான திரைக்கதையுடன் படத்தை இயக்கி இருக்கிறார் சாம் ஆண்டன். அவசர எண்ணான 100 பற்றியும், அதன் பின் செயல்படுபவர்களை பற்றியும் விளக்கி இருக்கிறார் இயக்குனர். யோகி பாபுவின் காமெடி படத்திற்கு கைகொடுக்கிறது. போலீஸ் கட்டுப்பாட்டு அறையில் அவர் செய்யும் சேட்டைகள் சிரிப்பை வரவழைக்கிறது.

தமிழில் இதுவரை பல நூறு போலீஸ் படங்கள் வந்திருத்தாலும், காவல் கட்டுப்பாட்டு அறையில் வேலை பார்க்கும் போலீஸ் அதிகாரிகள் சம்மந்தப்பட்ட காட்சிகள் திரைக்கு புதுசு. அந்த வகையில் கவனம் ஈர்க்கிறார் இயக்குனர் சாம் ஆண்டன்.

பெண்களுக்கு எதிரான குற்றங்கள் பற்றியும் படத்தில் பேசியுள்ளார் இயக்குனர். அவை பொள்ளாச்சி சம்பவத்தை நினைவுப்படுத்துகிறது.

மொத்தத்தில் 100 படம் முதல் 50( முதல் பாதி) பொறுமையாக (நம் பொறுமையை சோதிக்கும் வகையில்) நகர்கிறது . இரண்டாவது 50 (பாதி) கொஞ்சம் விறுவிறுப்பாக நகர்கிறது. எதிர்பாராத கிளைமாக்ஸ்.
 
#57
இமைக்கா நொடிகள்

நடிப்பு - நயன்தாரா, அதர்வா, ராஷி கண்ணா, அனுராக் காஷ்யப்

இயக்கம் - அஜய் ஞானமுத்து

இசை - ஹிப்ஹாப் தமிழா ஆதி

டிமாண்டி காலனி' என்ற வித்தியாசமான பேய் படத்தைக் கொடுத்த இயக்குனர் அஜய் ஞானமுத்துவின் இரண்டாவது படம் 'இமைக்கா நொடிகள்'.

பெங்களூரு நகரையே அதிர வைக்கும் விஐபி வாரிசுகளின் கொலை வழக்கை சிபிஐ அதிகாரியான நயன்தாரா விசாரித்து வருகிறார். நயன்தாராவின் தம்பி அதர்வாவின் காதலியான ராஷி கண்ணாவை, அந்தக் கொலைகளை செய்து வரும் கொலைகாரன் கடத்தி விடுகிறான். மேலும், அதர்வா தான் அந்த சீரியல் கில்லர் என நம்ப வைக்கும் அளவிற்கு அந்த கொலைகாரன் நாடகமாடுகிறான். காதலியைக் காப்பாற்ற களத்தில் இறங்குகிறார் அதர்வா. அதில் அவருக்கு பெரிய அதிர்ச்சி காத்திருக்கிறது. பின்னர் என்ன நடக்கிறது என்பதுதான் 'இமைக்கா நொடிகள்' படத்தின் கதை.

படத்தின் ஆரம்பத்தில் கதை நயன்தாராவுக்கான முக்கியத்துவத்திலேயே நகர்கிறது. இடைவேளைக்குப் பின் அதர்வாவிற்கான கதைகளமாக மாறுகிறது. இடைவேளை வரை படத்தின் 'ஹீரோ' நயன்தாரா, இடைவேளைக்குப் பின்னர் படத்தின் 'ஹீரோ' அதர்வா.

நயன்தாரா, வழக்கம் போல அட்டகாசமாக நடித்திருக்கிறார். லேடி சூப்பர் ஸ்டார் என்று நிரூபித்திருக்கிறார்.

விஜய் சேதுபதி, நயன்தாரா இடையிலான காதல் காட்சிகள் கொஞ்ச நேரமே வந்தாலும் யதார்த்தமாய் நிறைவாக அமைந்துள்ளன. அவர்கள் இருவருக்குமான 'நீயும் நானும் அன்பே' பாடல் அருமை.

அதர்வா தன் பங்கை சிறப்பாக செய்துள்ளார். படத்தின் வில்லனாக அனுராக் காஷ்யப் - அவருடைய வில்லத்தனம், புதிதாகவும், வித்தியாசமாகவும் இருக்கிறது.

த்ரில்லர் கதை என்றாலும் படத்தில் வரும் அதர்வா - ராஷி கண்ணாவின் காதல் காட்சிகள் கொஞ்சம் நீளமாக சென்று படத்தின் வேகத்தை குறைக்கிறது.

சீரியல் கில்லர் கதைகள் தமிழ் சினிமாவில் அபூர்வமாகத்தான் வரும். அந்த விதத்தில் வந்திருக்கும் படம் இது. ஆனால், யார் அந்த சீரியல் கில்லர் என்பதில் இயக்குனர் வைத்திருக்கும் திருப்பம் தான் படத்திற்குப் புதிது. மற்றபடி காட்சிகள் அமைப்பில் பல இடங்களில் லாஜிக் மீறல்கள் நிறையவே உண்டு. அவற்றைத் தவிர்த்திருந்தால் ஒரு நிறைவான தரமான படமாக இந்தப் படம் அமைந்திருக்கும்.
 
#58
பிச்சைக்காரன்

விஜய் ஆண்டனியின் அட்டகாசமான நடிப்பில் வெளிவந்து வெற்றிகரமாக ஓடிய திரைப்படம் 'பிச்சைக்காரன்'.

கோடிஷ்வரர் ஆகிய விஜய் ஆண்டனிக்கு தனது அம்மா மட்டுமே உலகம். அவர் மீது எல்லையற்ற அன்பும் பாசமும் கொண்டவர்.
அப்படி இருக்கையில் ஒரு விபத்தின் மூலம் அவரது அம்மா கோமா நிலைக்குச் சென்று விடுகிறார்.

தனது தாயை காப்பாற்ற பல கோடி ரூபாய் செலவு செய்து மருத்துவம் பார்க்கிறார் விஜய் ஆண்டனி . இருந்தும் தன் தாயை கோமாவில் இருந்து மீள செய்ய முடியவில்லை. அதன்பின் ஒரு சாமியாரின் அறிவுரையின்படி 48 நாட்கள் தனது அம்மாவிற்காக பிச்சைக்காரனாக வாழ்கிறார்.

அந்த 48 நாட்களில் அவர் படும் கஷ்டங்கள் மற்றும் துயரங்கள், அதை கடந்து அவர் தனது வேண்டுதலில் எவ்வாறு வெற்றி பெற்றார்? என்பதையும், அவர் தாய் எவ்வாறு குணமடைந்தார்? என்பதையும் பற்றி சொல்லுவதே பிச்சைக்காரன் பட கதையாகும்.

விஜய் ஆண்டனி கோடிஷ்வர பிஸ்னஸ் மேனாகவும் , தெரு கோடியில் நின்று பிச்சை எடுப்பவராகவும் இருவேறு விதமாக நடிப்பில் பிண்ணி பெடல் எடுத்திருப்பார்.

ஹீரோவின் சாதனா டையடட்ஸின் நடிப்பு அற்புதம். விஜய் ஆண்டனி தாயாக வரும் தீபா கதாபாத்திரம் சிறப்பு.

படத்திற்கு தாய்-மகன் சென்டிமெண்ட் கைக்கொடுத்துள்ளது. 'நூறு சாமிகள் இருந்தாலும் ', 'நெஞ்சோரத்தில்' பாடல்கள் இனிமை.

பிச்சைக்காரன் படத்தின் வெற்றி தாய் -மகன் பாச பின்னனி.
 

Anuya

Well-known member
#59
ராட்சசன்

IMG_20190731_190227.jpg

விஷ்ணு பெரிய டைரக்டர் ஆகவேண்டும் அதுவும் முதல் படமே சைக்கோ படமாக இருக்க வேண்டும் என்று உலகின் அணைத்து மூலைகளிலும் நடந்த சைக்கோ சீரியல் கில்லர்களைப் பற்றி தேடி படித்து, முதல் படத்தின் கதையை வெற்றிகரமாக எழுதி தயாரிப்பாளரை தேடி அழைக்கிறார்....... இந்நிலையில் போலீசாக இருக்கும் விஷ்ணுவின் தந்தை இறந்து போக போலீஸ் வேலை விஷ்ணுவை தேடி வருகிறது....குடும்ப வறுமை காரணமாக தனது கனவினை ஒதுக்கி வைத்துவிட்டு போலீஸ் வேளையில் சேர்கிறார் விஷ்ணு போலீஸாய் பொருப்பெற்றதும், சென்னையில் பள்ளி மாணவிகளை மட்டுமே குறிவைத்து நடக்கும் கொடூரமான கொலை வழக்குகளை விசாரிக்கிறார்.... தனது படத்திற்காக சேகரித்த தகவல்கள் அவரது விசாரணைக்கு பெரிதும் உதவுகிறது, அதனை கொண்டு யார் அந்த கொலையாளி என்று கண்டுபிடித்து கொலையாளியை நெருங்குகிறார் விஷ்ணு.... யார் அந்த கொலையாளி ? விஷ்ணு அவனை கண்டு பிடித்தாரா? என்பது மித கதை ......

போலீசாக வரும் விஷ்ணு விஷால் அருமையாக அவரது கதாபாத்திரத்தை கச்சிதமாக நடித்துள்ளார்......அமலா பால் , முனிஷ்காந்த் , மைனா சூசன் என்று அனைவரும் அவர்களது கதாபாத்திரத்தை அருமையாக நடித்துள்ளனர்......

ஜிப்ரான் பின்னணி இசையில் திகிலூட்டுகிறார்.... படத்தின் ஆரம்பம் முதல் முடிவு வரை சீட்டின் நுனியிலையே நம்மை உட்கார வைக்கிறார் இயக்குனர் ராம் குமார். யார் அந்த சைக்கோ கொலையாளி என காட்டும் காட்சி அருமை.....ராட்சசன் திக் திக் நிமிடங்கள் படம் முழுவதும்....
 
#60
காக்க காக்க

நடிப்பு : சூர்யா, ஜோதிகா, ஜீவன்

இயக்குனர் : கௌதம் வாசுதேவ் மேனன்

இசை : ஹாரிஸ் ஜெயராஜ்

கௌதம் வாசுதேவ் மேனன் இயக்கத்தில் சூர்யா ஜோதிகா நடிப்பில் வெளிவந்த சூப்பர் ஹிட் திரைப்படம்.

ஒரு நேர்மையான, கடமை தவறாத, கண்ணியமான போலிஸ் அதிகாரின் வாழ்க்கையே படத்தின் கதை. அவர் சந்தித்த சவால்களும், அவர் வாழ்க்கையில் வந்த காதலும் தான் 'காக்க காக்க' படம்.

ஏசிபி அன்புச்செல்வன் , ஒரு நேர்மையான போலிஸ் அதிகாரி . ஸ்கூல் டீச்சரான மாயவை காதலித்து மணம் செய்கிறார். சிட்டியை கலக்கும் பிரபல ரவுடி ஒருவரை அன்புச்செல்வன் மற்றும் அவரது டீம் என்கவுண்டர் செய்கிறது. அதனால் அந்த ரவுடியின் தம்பி பாண்டியா அவரை பழிவாங்க அவர் மனைவி மாயாவை கடத்தி வைத்திருக்கிறார். அவர் தன் மனைவியை மீட்டாரா, அந்த ரவுடியை கொன்றாரா என்பது தான் மீதி கதை.

தமிழ் படங்களில் வந்த சிறந்த போலிஸ் கதைகளில் இதுவும்ஒன்று.

அன்புச்செல்வன் ஐபிஎஸ் ஆக சூர்யா. அட்டகாசமாக நடித்திருப்பார். ஒரு மிடுக்கான, கம்பீரமான போலிஸ் அதிகாரியாய் செம கெத்தாக வருவார்.

பள்ளி ஆசிரியர் மாயாவாக வரும் ஜோதிகா செம க்யூட் . அழகுக்கே இலக்கணம் எழுத பிறந்தவர். அவ்வளவு அழகு.

படத்தில் வரும் சூர்யா ஜோதிகா காதல் ஸீன்ஸ் எல்லாமே மிக அற்புதமாக, அழகாக இருக்கும். ஒவ்வொரு காதல் காட்சியும் மனச அப்படியே டச் பண்ணும்.

காக்க காக்க காதலும் கெத்தான போலிஸின் அதிரடியும் கலந்த கலவை.